عندما يهاجم شخص كبير طفلك ويتخل دايم

لسه تحتارين يابردك برداه 😣💔 سجلت بس عشان أرد على الموضوع الي استفزني تدرين إن هذا الطفل يقدر يتصل على خط مساندة الطفل ويشتكيكم سواء الشخص الي يعتدي وعليه والأهل الي ساكتين عن الاعتداء !!
كيف يعني أخلي طفل يدافع عن نفسه قدام واحد متنمر كبير ؟؟ فهميني بس هو بنفس قوته ؟! لاحول ولا قوة إلا بالله
حطي له حد تكلمي بقوة وانهريه قولي له تحط راسك براس طفل؟! لو أشوفك تتنمر على ولدي أو تؤذيه مرة ثانية لا تلوم إلا نفسك !!
أف موضوع ينرفز من جد 😣 هذا مو طفلي واحترقت اعصابي

حبيبتي يدافع عن نفسه اذا كان مع اطفال بنفس عمره اتركيه بس شخص كبير لاتسكتين هذا انسان مريض لا تخليه يكسر بشخصيته جروح الطفولة تبقى ماتنمحي حرام هذا الطفل تتاثر نفسيته وش ذنبه ابعديه عنه

مشكوره ع الرد بس مو الصوره الي تخليتها مو تعنيف لا يقال لك يأدبه
ويمون عليه
بس احزن لما اشوف طفلي مكسور منه وخايف ويشتكي منه

تصدقين زوجي اول ماتزوجته كان عصبي مرره واطفالي صغار واشقياء فأي شي يخرب منهم او يكسرونه بالغلط اعاتبهم انا بس عند ابوهم لما يسأل من كسر هذي اقول انا فيطلع الحره فيني ويهاوشني انا فكنت اتحمل  واصبر اهم شي هالاطفال مايتأذون

ومره كان فيه تحفه غاليه مره وكسرتها بنتي كان عمرها يمكن ٤ سنوات فلما شافها منكسره جاء  معصب وحمقان يسأل من كسرها قلت انا بدون قصد قعد يصارخ ويهاوش يمكن ١٠ دقايق وبنتي تشوفه يهاوشني جت ياعمري لمه قالت يبه مو امي انا اللي كسرتها هو انصدم وشكله تذكر الاشياء الاوله فتفشل وسكت وبعدها لما اقول انا يسكت مايقول شي يدري انه واحد من العيال بس يحترم امومتي بالدفاع عنهم

اخر حاجه قبل شهر كسر ولدي شاشة بلازما كبيره ويوم شفت ولدي خايف هديته وقلت ماعليك انا اللي كسرتها مو انت ولما سألني ابوه قلت انا قال ادري مو انتي منهو قلت انا وش تبي بالخطأ كسرته

سكت وراح .. وكل شي يتعوض الا نفسية الطفل اذا انكسرت صعب تتعوض
نصيحه دافعي عن عيالك قد ماتقدرين
اللحين انا عيالي كبار بس دائما يتذكرون مواقفي معهم يستانسون ويعترفون لي اني ماعمري تخليت عنهم وزوجي الحمدلله دائما يقول لعيالي والله ماتلقون مثل امكم وماتلحقون جزاها ابد .

اكيد وقفيه عند حده حرام عليك هو شخص طفل ضعيف وقدامه شخص كبير متسلط عليه اذا مادافعتي عنه كيف بيدافع عن نفسه
هنا بسبب له حاله نفسيه وخوف وضعف نصيحه لاتسكين لو تسبب مشاكل
اذا كبيرة الهبلا ماعرفت الصح ولا الحق
وواضح انك ضعيفه شخصيه والا مستحيل كيف احد يتطاول عليه قدامك وبالفم المليان بين كرهه لولدك

واللي قالت خليه لاتدافعين عنه لا غلطانه هذا اذا كان احد في عمره او من الاطفال مو شخص كبير

انا بس حطيت نفسي في مكان ولدك وانا صغيره وش بتكون نظرتي لامي بنقهر اكيد