الحكيمات الخبيرات بالحياة ( ارشدوني أحدد موعد الزفاف ولا أنفصل ؟!)

عندي سوال انتي بتزوجي الرجال ولا بتصورين مع الشهادات اذا هو مافي عيب وطيب وكريم هم شي

لا يوجد بيننا فرق في السن ، أنا وهو مواليد نفس السنة ولكن هو يكبرني فقط بـ ٣ أشهر.

حبيبتي إنتي ، ليت بعضهم يتعلموا منك في كتابة الردود واللطافة والإحترام .. الله يسعدك يارب..

.. عزيزتي أكيد سألته ليش ما كملت ؟! قال لأني ما حبيت أكمل ولا حابب الدراسة!.. قلت له بس هاللحين في زمنا الشياب ومكملين قال لي: وشو فائدة اكمل دراستي وشو فائدة العلم اساسًا >>اي والله كذا قال .. وبعدها شرحت له إنه مستقبلًا رح يكون عندك أولاد ولازم محتاج تدرسهم وترشدهم وكلما كنت متقدم في العلم كلما كانت وظيفتك أحسن وحياتك بشكل عام أفضل.. يعنيريا اختي صحيح إنه طيب ومحترم بس شوفي وربي كل نقاش لازم أوجهه وأفهمه .. أنا والله ما همي الشهادة بالنفس بس أمانة الفرق حتى بالحوار والحديث واضح.. وماله تجارب بالحياة أبدًا كونها ممكن تغنيه عن الشهادة وتحسيه عارف ومنفتح ع الدنيا ومُطَلِع .. يارب أكون وفقت في شرح المعنى.

عزيزتي سألنا وين يشتغل وعرفت راتبه بعدين >>أتوقع ذكرت هالشي بموضوعي ، بس سبحانك ربي جل من لا يسهى مدري ما جى ببالي أسال ويش شهادته ، بعد تدرين الحين عندنا أشخاص بكالريوس ويشتغلوا مثلا كاشير لان بروحك تعرفين كيف الوضع الان وقلة الوظائف ، مدري غاب وربي عن بالي وكنت نوعًا ما مستحية منهم لأن بهذيك اللحظة كانت ماما واختي مو جنبي .. وكانت وقتها أمه قالت هذه بنت صيدلانية وعرفتني ع بقية أولادها كلاميًا وكانوا كلهم خريجيين فمدري والله ضنيت بعد هو مثلهم وما جىى ببالي أسأل ، خصوصًا نادرًا بهالزمن ونفس عمره مو مكمل.

حبيبتي هذي حياتك وانتي اللي بتعيشيها
سيبيك من اللي تقولك طيبة قلبه
ولا ماحتعيشي مع شهاداته ولا بتتصوري معاها
انتي تفكيرك غير عن تفكيره
طول ماانتي من الحين وتوك تقولي ياهادي شفتي عيوبه هذي
ومو قادرة تتقبليها
اجل كيف بعد الزواج
نظرتك ليه ماحتتغير
حتى لو اتزوجتيه وطلع ولد حلال وطيب ومافي منه
من داخلك حتجوني حاسة بنقص
وخاصة لو كان تعامله همجي
او لما تخلفي يحرض اولاده على عدم العلم
من رأيي لاتحددي الزواج حاليا
واقعدي كم شهر
وشوفي جالك
لو ماتقبلتيه فلاتظلمي حالك ولا تظلميه
حتى لو وصلتي لل٣٠
الحين طالعي حولك كل البنات مايتزوجو الا بهالعمر