مشكلتي مع زوجتي

لا كل البنات ترى يسوون كذا يزعلون ويقعدون عند اهلهم شهر شهرين وترجع لبيت زوجها وتتغير تصرفاتها وانت حاول تغير تصرفاتك
مافي احد يرضى الاهانة والهواش تزرع بقلبها خوف وكره ولا تلومها بس هذا مو معناته راح تترك بيتها ابدا محد يرضى يخرب بيته بسبب تافه خلها ترتاح وتغير نفسيتها وترجع من نفسها لكن اسال عنها بين فتره وفتره عشان تعرف انك مهتم لها

وليه تهاوش على عدم الترتيب يا اخي طز بالترتيب كبر راسك وتغافل نص السعاده الزوجيه قائمه على التغافل لكن للاسف اكبر عيب من عيوب الزوج سلاطة اللسان والتدقيق واضح انها تغافلت ومشت وسكتت وانت تماديت ترا الزوجه اذا ماحست بالمان رح تفكر كالاتي ( وشوله اضيع صحتي وعمري وهو مايقدر انفصل والله يرزقني بافضل منه الي يقدرني ويهتم فيني) وانت قلت لها روحي بيت اهلك هذي الجمله تفسرها الانثى انك مب متمسك فيها يعني بايعها وفعلا وصلت معها راحت بيت اهلها بس دامك كتبت مشكلتك معناها ندمان حاول تغير طبعك سلاطة اللسان ماتقبلونها على انفسكم فمابالك انثى تهينها مع الايام رح تفقد قيمتك عندها روح لابوها وحاول تتكلم معها واذا رفضت قول لابوها انك جد ندمان وتحبها ورح تتغير وانت لازم اذا عطاك فرصه انك فعلا تتغير الله يهدي مابينكم ويحنن قلبها ادعي بكل سجود وبين كل اذان واقامه انها ترجعلك

لاتتهاوشها عن نظافة البيت او نظافته هي عندها طفل والطفل يبغى اهتمام كثثثير وبالذات ان الطفل بسن حركه لما تجي البيت ساعدها بالترتيب او اخذ الطفله ريحها منها كم ساعه والله الطفل مسوليه وصعبه كمان ،،، انتظر شهر او شهرين لما هي تهدى من حالها وحاول توصل لها من رقم ثاني او حساب ثاني واسالها عن السبب الي تركت البيت بسببه او روح لبيت اهلها واسالها ايش تبي عشان ترضى ذهب او شي معين او لما تجي لبيت اهلها لحتى تشوف بنتك جيب معاك اغراض لبنتك مثل لعبه او شي وجيب لزوجتك معاها لحتى تعرف انك لسى تحبها ومستحيل تتخلى عنها وصدقني حركه بسيطه منك او كلمه طيبه بتصير لك ام وزوجه واخت والمراءه بالكلمه الحلوه تجي غير من اسلوبك معاها وصير حنون كككثير عليها مثل ماتعامل بنتك عاملها ،،، الله يهدي مابينكم

الله يهديكم لبعض ويصلح حالكم يارب

الله يفرج همك
شده وتزول
اجلس مع نفسك وش اللي خلاها تسوي كذا وتترك البيت ؟
وعدل من اخطاءك عشان لو رجعتو لبعض تكون حياتكم حلوه
واهم نقطه لازم تحسيها بالامان
اسوأ شي تحس فيه الزوجه عدم الامان مع زوجها
الحين اتركها فتره
الين تهدا
وبعدين حطو النقط ع الحروف واتفقو على كل شي يصايقكم من بعض
انكم ماتكررونه
والله يخليكم لبعض ويحفظ بنتكم