مشكلتي مع زوجتي

انا زوجتي راحت لاهلها لان خوفتها وابيها تتادب قلت ماتروحين للزواج اختك سكتت بذيك اللحظه ماقالت شي مع ان بينا مشادات كلاميه اخر اسبوع وقسيت معها بالكلام حتى الاهانه
—————————————————
١- التخويف من سوء التعامل مع الزوجه وعدم الاحساس بالامان..
٢- التهديد بالحرمان من أعز ماعندها (اهلها) الحياة الزوجيه تقوم ع مبدء التفاهم
٣- الإهانه ترضاها لنفسك ؟

البيوت قائمه ع صبر النساء وللصبر حدود

انا مو دايم اهين او شي مرات قليله والله يمر شهر ماقولها شي اكون ساكت
صح كنت اقسى بالكلام بس بعدين اغير اسلوبي معها صح ماعتذر بس اخلي تصرفاتي لطيفه وهي مرات تقط كلمه واضحك
ماعمري احرمتها من روحه لاهلها والله الا لما قلت زواج اختك مافيه وكنت بخوفها مو من جدي ابيها تخاف بس والله
وانا متفاهم معها والله مو دايم سيء معها تمر شهور وش زيني محترم
لكن ماعرف ايش اسوي معهم الا اني متجاهلهم مره وحده

الله يكون بالعون ويفرجها علينا وعليكم

شوف ياخوي واضح انه المشكلة الأساسية هو تهاونك بثقل الكلام.

لانك كاتب ( إهانات بس) يعني كأنه الإهانات شيء بسيط وممكن ينمسح أثره بالاعتذار وخلاص الدنيا اترد طبيعية.
و الحقيقة هي إنه في كلام لااااايمكن أو تصرفات لااااايمكن الإنسان ينساها ، غصبا عنا تنحفر في القلب وصعب نسيانها. ومن أصعب المواقف لما الشخص يكون مريض أو تعبان أو في حالة ضعف وبدل لا يلقى اهتمام من شريك الحياة يحس بقسوة الشريك هذا.
مثال : انه يوم اتقولها ابكي برا..... والله انه كلااام قاااااااسي وهذي من الاشياء اللي صعب تتنسا لو بعد ٢٠ سنة.

أمي الله يحفظها ، رغم هي وابوي متزوجين من زمان ماشاء الله فوق الاربعين سنة ...والله العلي العظيم انها لازالت تتذكر لما كانت تكون تعبانة وابوي يطنشها ولا يسال عليها او يقسى عليها كيف حست بالألم والحزن وقتها وانها لليوم مو قادرة تنسى الشعور بالهمال والقسوة وانها تبكي بالدموع لليوم....هذا وابوي عمره ما اهانها بس مرات كانت تحسه مو مهتم بتعبها وشقاها وقتها.

الزبدة ... بالنسبة لحل موضوعك انت سويت اهم شيئين كلمت اهلها ورحت بيتها ومؤدي واجبك اللي هو النفقة والحمدلله.

أما بالنسبة انها ليش ما تسامح فورا فالعفو عند المقدرة ..ماهو شي بالمزاج... وشكلها شايلة عليك وايد خصوصا عندها بنوتة صغيرة في سن صعب غير مسؤوليات البيت وكانت قايمة فيها لوحدها رغم انها كانت تقدر اتدفعك فلوس واتجيب خدامة...بس واضح كانت نيتها زينة انها اتكون قايمة بأسرتها...بالتالي لما لمتها بقسوة وكلام كبير على تقصير بسيط في الترتيب وهذا شي متوقع من كل الحريم ...اكيد قفلت من ناحيتك وحست انك ما اتشوف الا السلبيات ولا انت فاهم عليها وعلى تعبها مع البنت.

أعطيها وقتها لحد ما اللي في قلبها يبرد ...وانت زور بنتك كل اسبوع مثل ما اتسوي واسال اهلها عليها دايما ..وان هي شالت البلوك طرش رسايل لو ما ردت عليك...هي هالفترة بتختبر حبك فلا اتقصر.

صدقني مع مرور الوقت بيزول الغضب وترجعون لبعض باذن الله ، لكن من الحين لازم تقرا عن النساء اكثر عشان تفهم طبيعتهم والشي الأهم تفهم انه الاهانات قاتلة للحب ومكدسة للأحقاد.

الله ييسر أموركم ويصلح بينكم.

ماتدرين شو اللي خافي بينهم.

هو اللي قاعد يكتب المشكلة وما سمعنا جانبها من الموضوع ( وهذا لا يعني اننا نتهمه بعدم الصدق حاشا لله ) لكن عادة كاتب المشكلة يخفف من الخطأ اللي سواه على حساب الطرف المقابل..هذي طبيعة بشرية في غالب الناس ،  وعشان جي الرسول عليه الصلاة والسلام أمر بالحكم بعد سماع الطرفين.

وبالتالي لا نظلم بنت الناس دامها مو موجودة عشان تتكلم عن نفسها.