احس مقدر استغني عنها

مساء الخير عندي ثلاث سلفات ثنتين علاقتي فيهم جدا رسميه والثالثه علاقتي فيها قويه وكنها اخت لي انا الحمد لله علاقتي مع أهل زوجي كويسه بس جدا رسميين فيهم صمت ومملين نوع ماء سلفتي هذه الي زي اختي غير حبيبه وتحرك الجو احس الجلسه بدونها مالها طعم المشكله فيني انا احس نفسي ما استغني عنها صحيح اني ما اشوفها دائم حتى رسائل قليل بس ما احب الجمعه الي ما تكون فيها زي اذا طلعنا للشاليه اكون مبسوطه ومتحمسه لكن إذا دريت انها مو جايه اكتئب ولا انبسط بس احاول قدر ما أستطيع اني ما ابين للناس اني متضايقه بالعكس اجلس امثل انه عادي ولا همتني والوضع عندي عادي انا مو متعلقه فيها اني لازم اشوفها يوميا او اكلمها لا والله عادي لو اجلس عنها شهور عادي انا الي ما اتحمله ما احب اجتمع مع أهل زوجي الجمعه الشهريه بدونها والاكتئاب الي يجيني اذا عرفت انها مو جايه او لما قالت لي مره انها تفكر بالانفصال بغى يحيني جللطه وخفت خوف بس الحمد لله الله هداها حتى يوم تولد وتنومت في المستشفى وجاني ولدها كان لابس لبس تذكرت اني كنت معها في المحل يوم تشتري له خانقتني العبره انا ما ابين لها ابدا اني ما استغني عنها لكن من جد احس الحياة مو حلوه من دونها وانا اعترف اني على خطأ المفروض ما اعطيها اكبر من حجمها بس الي خلاني كذا عشاني مالي قبول عند الناس من لما كنت في سن المراهقه إلى الآن الناس تسحب علي وكني جماد فوجدت ها الانسانه عطتني وجه وحبتني وحسستني اني انسانه مهمة انا اعيد واكرر اعترف اني غلطانه لكن وش الحل ابي اتخلص من هذا الشعور تخيلو امس حلمت ان زوجها يطلقها ويوم صحيت كنت خايفه ومتوتره وكل يومي ضايق صدري ودي اسئل عنها وارسلها هذا وهو حلم كيف لا سمح الله لو كان حقيقه

9 تعليق 1,368 مشاهدة

شاركي في النقاش

سجلي الدخول لإضافة تعليق.

التعليقات

9
  1. @shymaaa_20_1

    اتوقع هالشي صاير لك لان ماعندك صديقات كثار ف تعلقتي فيها لانها تهتم لوجودك وامرك اذا تبي تخرجي من هالحال حاولي تكوني صداقات ويكون عندك شي يشغلك عشان ماتفكري كثير
  2. @dlaa_77

    صاحبة الموضوع
    شيماء 20
    اتوقع هالشي صاير لك لان ماعندك صديقات كثار ف تعلقتي فيها لانها تهتم لوجودك وامرك اذا تبي تخرجي من هالحال حاولي تكوني صداقات ويكون عندك شي يشغلك عشان ماتفكري كثير
    والله اني اجتماعيه واحب الناس واكون صداقات بس مالي قبول سبحان الله
  3. @shymaaa_20_1

    ضلع
    والله اني اجتماعيه واحب الناس واكون صداقات بس مالي قبول سبحان الله
    لاتقولي عن نفسك كدا ترا انتي جالسه توهمي نفسك ذكرتيني بنفسي اول ماتزوجت كنت اتضايق اروح عند اقارب زوجي لدرجه مااجلس دقايق الا وادق على زوجي يجي ياخدني البيت ماكنت احس ان لي قيمه عند احد او احد يكلمني بس غيرت تفكيري وحطيت لنفسي قيمه قبل ماالناس يحطو لي وصرت احب نفسي واحب اطلع واجلس مع الناس واسولف طبيعي عكس اول كانو يقولو عني انطوائيه وكئيبه والان اجتماعيه الحمدلله،، حطي في بالك انك انسانه لها تأثير ووجودك يفرق عند اي احد لاتقولي مالي قبول يمكن حتى الاشخاص يلي حولك مايعرفو يعبرو عن حبهم لوجودك مثلك بالضبط😃
  4. @kmr_43_1

    يالغاليه ترى الوضع مو بنسبه لك اكثر المجتمع كذا صاير ولا تقولين قبول ماقبول لا الوضع كذا كلن صاير في حاله مو عشان عطوك قبول اولا معاد احد يبغى احد وصدقيني سلفة لقت فيك نفس شي واضح انك عطتيها وجه وهيا بعد عطتك وجه يعني كلكم متشاركين بنفس رغبه وهيا انكم تكونو قربين من بعض لا نشلين هم عيشي معها زي مانتي بس االا تكثرين سوال عليها عشان ماتضايق منك ماتدرين ربي ايش يكتب لصداقتكم خليها لزمن

تابعي تجارب أخرى من هذا القسم.