زوجي والتيكتوك وفكره الطلاق

وعلى بالك لا تطلقتي بتتزوجي شريف مكة
وتتطلقي على ايه
عشان يشكر متابعاته
اجل لو صار من جد مشهور وبدل مايشكر بس
الا يتميلح ويتصاحب وقتها رش حتسوي
زوجك مو سيء
انتي اللي مو واضية تتقبلي الواقع

ترى هذا تخبيب وفيه لعن وفيه شكوى اذا ماتدرين

والله يااختي الله يفرج همك ثاني شي الجأي لربك يحلها لك قولي يارب ارشدني للتصرف الصح

زوجك هدفه من البثوث استرزاق وفلوس و بس

واذا قال شكرا يا نجود صار البيت بينهد

هذول هو يستهدفهم عشان يأخذ فلوسهم

ويصرفها عليك وعلى عيالك

اذا والله المراقبه تخليك معصبه ومنهاره

لا تراقبينه

بالعكس اعتبريه فترة دوام عنده

واللي تحب زوجها ما تجلس تتجسس عليه وتراقبه وتراقب تحركاته

انتي متعلقه في زوجك لدرجة انك شوي بتعبدينه

انا اتوقع ان صلاتك كلها تفكير في زوجك وش يسوي وين جالس

انتي طالبي بحقوقك مثل انه يجلس معكم ويصرف عليك

ولكن ما لك حق تحاسبينه في مصدر رزقه

البث هاليومين على ما اسمع انه مصدر رزق

خليك واثقه في زوجك

شوفي الامور كيف تتغير

الغيرة شعور فطري
بالعكس لو ماغرتي انتي صدق غيرطبيعية
وكل وحدة تشوفيها ماتغار وباردة او تنصحك بالبرود ترى عندها اضعاف غيرتك لكنها شافت ان الغيرة ماجابت لها غير وجع الراس فقررت تطنش وتشتري راحتها


اللي بوصله لك لاتلومي نفسك عشان غيرة لأنها أمر طبيعي
وضعك جدا طبيعي وبااعكس رؤيتك هيه السليمة
فنانات كتفها يصك بكتف رجال وتضحك وتسولف معه وتمسي وتصبح في مواقع التصوير
وتقلك والله اموت غيرة من معجباته !
هذا وهيه وسط هذي البيئة شاربه وواكله فيها ولاتقبلت نفسها

الغيرة موجودة في كل إنسان
بس تحتاج ضبط خصوصا لو الوحدة متمسكة بحياتها ويهمها استقرار حياتها الزوجية


وزوجك مدري وش اقول عنه كثير شباب هالفترة تفكيرهم مطابق لتفكيره ونفس الهدف والطموح للاسف

واللي يقولوا تقبلي وعادي وش بتسوي لو سوى امور اكبر
ابسط حقوقك انك ترفضي شي نفسك ماتقبلته
وترى النفس اللي تعيش في بيئة نظيفة جدا واقصد في بيئة دينية والله لو حاولت عشرين سنة تتقبل اشياء مانشأت عليها ماتتقبل هذي الحقيقة

ومثلها الرجل المحافظ اللي يعتقد انه بيقدر يتقبل انه يعيش مع وحدة جاية من بيئة منفتحة

الشخصية مهي لبس ينلبس ويتغير اذا حب الانسان يغيرها
فيه اشياء النفس ماتتقبلها وماهو من حق احد يغصب احد يتقبل شي نفسه رافضته
لكن الوحدة تمشي وتساير وتتغاضى عشان تحافظ على استمرار حياتها بدون نكد وتدقيق

لكن لما تحسي الموضوع مأثر عليك وعلى صحتك النفسية لك كامل الحق تناقشي وتعترضي على اي نقطة ماتعجبك