شال يده من جاني فلوس

جربت اطلع مطاعم معاه يرفض ويصرف بالغالب واذا وافق ووديته مطعم يشوف المنيو اذا غالي طلع انا مابي مطاعم ولايهمني حتى السفر مابيه لكن ودي شوي يرخي يده ويصرف جتك علاوه تفرحنا جتك فلوس جمعيه تعطينا
مررره الله يهديه لو يدخل حسابه مليون مانشوف منه ريال مالنا الا اللي متعودين عليه فقط واحس بعد ماجتني الفلوس صار اشد قطع عني الالف والاطفال قلل مصروفهم

نصيحتي التي ارى انها ستنفعك اختي هو الدعاااء لان متطلبات المادية مع الرسول صلى الله عليه وسلم نزل فيها وحي فانتي لا تهملي جانب ان الله يسخر لك زوجك وصل على الحبيب وابكي والحي في الدعاء حتى يغير لك زوجك للافضل لك ولاولادك واخر نصيحة انسي بالمرة ان تفتحي عليك باب النكد المادي الا ان نجحت بعد جلسات الدعاء والخلوة بان تتحاوري في الموضوع بالحكمة واللين ان اراد مطاوعتك وسماعك فليكن النقاش الطيب الذي يحضره الله تعالى فان لم يرد فانتظري فرج الله ...

اذا ماتبين سفر ولا مطاعم اجل اش تبين بالفلوس اش ناقصك ؟
اذا انتي ماتبين عيالك يبون
لكن اما تطالبين بفلوس بس عشان شفتيها متوفره فماراح يعطيك شي ماغير تسببين مشاكل لعايلتك ع الفاضي

السفر معاه غير ممتع شديد بالصرف نتعب بالسفر غير انه مايخلينا نشتري حتى من فلوسي بحجة انهم يلعبون عليك اشتري من السعوديه هذول نصابين يلعبون على السياح
اما الفلوس احتاجها عشان اطفالي يلبسون ويكشخون بما ان ابوهم معاه وش يغبيها له اختي استوعبي زوجي صاير مايصرف حتى اغراض المدرسه قال اغسلو شناطكم حقت العام وش له التفاهات اغراض مدرسه وخرابيط المراييل اذا بشتري يقول صوريلي السعر ويحول حق السعر فقط احسه صاير شديد جدا رغم ظروفه ممتازه ومدلع نفسه ويشتري النفسه افضل الملابس والعطور والشوزات اللي يصل سعرها 800﷼ وحنا بالقطاره
اذا انا اسكت وسلكت فلوسي بتخلص لازم يتغير انا طفشت من الوضع وبحاول معاه شوي شوي ظروري يتغير لان سكوتي يزيد الطين بله

وعليكم السلام ورحمة الله وبركاته
اذا خلصت الفلوس اللي جتك
عطيه خبر
عشان يرجّع لك الالف الشهري
وتعالي له بوقت يكون رايق
....
وتعالي بالاسلوب الزين
دلّليه وسوي له كل اللي يحب يشوفه منك ...
بعدها عطيه خبر ان فلوسك خلصت ومحتاجه يرجع يعطيك الالف كل شهر
مع الدعاء له بالبركة والله يحفظك لنا والله يغنيك ويديمك لنا ذخر و...الخ ....
ضروري اللسان الزين والاسلوب الجذاب بعدها اطلبي اللي تبين وألحّي في الطلب ولا تنسين الدعاء
وادعي الله يبارك لك فيما أعطاك
قولي اللهم بارك لي فيما أعطيت ....