تجاهل الطلبات

خليك بالسياره ويغسلونها من برا لاتنزلي
ومن جوا انتي مسحيها ع السريع

معليش انتي ملخبطة الدنيا ومو عارفة وش يعني عزة وايش كرامة
صيانة البيت والسباكة ومدري ايش
لو كررتيها الف مرة مالها دخل بالعزة والكرامة
مو طالباها لبيت ابوك عشان تحسي حالك تتذللي ليهطالباها لبيته بغى يصلحه ولا لا بوجهه
قريبتك اللي طلبت السيارة وجابها بعد سنة
وش دخل فرحتها وتكرار طلبها بالعزة
ترا طالبة سيارة قيمتها بعشرات الالاف اذا مو اكثر
يعني مو شنطة بمية ولا اسوارة ذهب بألف
متى ماطلبتها نزل السوق وجابها لها
يعني مو كل الرجال مقتدرين ويقدرو يجيبو لحريمهم سيارات بهالسهولة
يقولها شبيك لبيك
فزنها عادي جدا
وشرا السيارة لها بعد سنة عادي
وعلى فكرة ترا انا من الناس اللي مااطلب الطلب مرتين
الا في النادر والشي الضروري جدا جدا
وهالشي يخلي شغلات كثير تروح عليا
لأن معظم الرجال لو ماتزني عليهم يماطلو
او يشوفو انك طلبتيه مرة وماعدتي
يعني مو ضروري تبغيه
فترا اللي تزن وتزن وتاخذ طلبها شاطرة
وعارفة للرجال مظبوط
وتعرف تاخذ حقها وطلبها لو بعد الف سنة
وحتى بعد ماتعافه
المهم جابه لها

أنا أختلف معاكي السيارة مو مهمة لدرجة إن الوحدة تطلبها كل يومين ماهي من الأساسيات أهم شي تطلب منه يوديها مشاويرها إذا كانت تدرس تشتغل أوتتفسح لكن إذا هو ما يبي يوديها تطلب السيارة عشان تروح لحالها أو يلتزم بتوصيلها
كثير بنات مايسوقون وأمورهم سالكة عشان فيه من يودي ويجيب
عموما أنا مشكلتي مو بالطلب بالمرة الأولى أو حتى الثانية أنا ما أحب أكرر الطلبات أحس إن الي يبي يسويلك الشي بطيب خاطر وحب وتقدير ماراح يخليك زي الببغاء حاشاك
بعدين من قال إن الأزواج مابينهم كرامة أنا ما أوافقك يا غلاي عزة النفس مطلوبة في أي علاقة مهما كانوا أطرافها
ورأيك يحترم❤

على حسب الشخص وقربه منك

شوفي أنا مومتزوجة وأطلب هالشغلات من أبوي ومايرفض بس يتكاسل يسويها فيأجلها وأنا أقدر جدا إذا كان الي تطلبي منه(زوج/أب/أخ) مشغول ماعندي مشكلة إن طلبي يتأجل بس مايحرق دمي إلا التكاسل أحس إنه يحمل رسالة مبطنة بتسفيه الطلب فيقوم عندي عِرق الكرامة 😂وما أرجع أطلب رغم ان الي أطلب منه أبوي مو غريب
بالنسبة لصديقتي زوجها مقتدر وما كان يأجل عشان الفلوس كان يقول مالقيت شي مناسب وهي كانت في بداية شغلها ماتبي تصبر عشان تجمع ثمنها وتشتريها من مالها تبيها بأسرع وقت أنا في مكانها أصبر وأشتريها من حر مالي ولا أذل نفسي.
يمكن أنا حساسة بس صدقا أعوف الشي الي يجي بعد الزن أنا من النوع إذا أحد طلبني يا أوافق وأنفذ أو أرفض يا أبيض يا أسود ما أحب الرمادي

مين قال الي تزن شاطرة؟ إذا كانت هي شاطرة ليش أنتي ماتكوني زيها وتطلبي أكثر من مرة😉
أعرف إن الحقوق لاتوهب إنما تنتزع بس أنا ضد الزن عشان كذا سألت إذا عندكم حيل أخرى لأن أكيد ما نبي نفرط بحقوقنا بس مو معنى هالشي إن نستجدي أحد