الأخوات المنفصلات والغير منفصلات اتمنى الكل يدخل لوجه الله

وعليكم السلام ورحمة الله وبركاته

والله يا عزيزتي فعلا الوضع صعب خصوصا اللي عيالها صغار ومااقدر اتوظف حاليا مع صغرهم ومالقيت اصلا وظائف كيف وعيالي يأجزون قبل المدارس لأنهم توهم على التقويم ومافيه احد يمسك عيالي من اهلي والسطح امي رافضة رفضا باتا  وتفاجأت بأسعار الشقق جنوب الرياض ٢٤ الف في السنة يعني في الشهر ٢٠٠٠ ريال اللي كنت ساكنتها ايام زواجي على العقد القديم اسعار العقار القديم ١٤ الف ريال بس مع ذلك ابو العيال خلاص مو قادرة ارجع له عشر سنوات كانت كفيلة اني أكرهه واعافه والمشكلة مو راضي هو وأخواته ارجع بدون ليلة يعني قلت ارجع بشكل صوري فقط مافي غرفة نوم  عشان الاسباب اللي ذكرتي لكن لا بيكون لي ليلة مع الثانية ويمكن احمل بعد

شوفي لك عمل
مع قهوجيات مثلا
او زي كذا
مو لازم دوام رسمي
مثلاً صبي قهوه في العزايم كذا حلو
اهم شي مصدر رزق حلال
لا تيأسين
بعطيك رقم وحده بصراحه ما اعرفها
بس قصدي جربي اتصلي على قهوجيات سعوديات وقولي بشتغل معكم واذا ماعندك مواصلات يمرونك هم ... حاولي تدبرين لك شغل يناسبك

جزاك الله الف خير فالليل وين احط عيالي الصبح ممكن نقول وقت مدارسهم مع أنه بيكون فيه عطل الله المستعان

الله يسهل أمرك ويفك ضيقك يارب .. شوفي مدام انتي مع عيالك في غرفة الحين استغلي الوضع ودوري لك شغله تترزقين منها .. شوفي لك دوام الصبح وقت مدارسهم يصير الصبح كلكم تطلعون وترجعون مع بعض هذا افضل شي في وضعك .. واكيد الحين في وضعك لك دعم او اولويه في بعض الوظايف استخدمي هالميزة في صالحك ..

اهلك الله يلين قلبهم عليك
قولي لهم كلام يلين قلبهم عليك
و مع علمهم بوضع زوجك اكيد هم عاذرينك
صدقيني حتى لو رافضين ان شاء الله مع الوقت يتقبلون ويعذرونك