شاركي في النقاش

سجلي الدخول لإضافة تعليق.

التعليقات

74
  1. @amtar_alshtaaa_2

    اولى ثانوي
    يارب يارب العوض هالاسبوع احس نفسيتي تعبانه جداً اروح دوامي مب قادرة اشتغل احس بتأنيب ضمير اني قصرت بس مره احس بغلقه وقلق حتى الاكل مالي نفس احس تأثرت لاني ودي اتزوج مرررره وفوق هذا مواصفاته كانت من احلامي 🥹 باقي ولد عمي الثاني مواصفاته تج…
    ترا مو فستان الله يهديك
    كأنك تتكلمين عن فستان تقولين ودي فيه وعاجبني وان شاء الله مايروح مني
    يعني مافيه الا عيال عمك ؟
    تقولين جالسين يدورون له يعني اكيد لو حاطينك في بالهم كان انتي اول وحده خطبوك بس مايبي أقارب على قولك
    وانتي يمكن مو نفس اللي يبيها لا هو ولا اهله ماقصد بسبب عيب او نقص فيك !
    لا بالعكس انتي ما شاء الله اكيد فيك مواصفات كثيرة جميلة بس مو على ذوقهم ولا على طبعهم و فوق ذا كله يمكن مابينكم نصيب
    انفصال ابوك وامك ماله دخل نهائيا لو له دخل فعلا كان تاثرتي من ناحية الخوال مو الأعمام يعني لا تحطين هالشي في بالك
    ولا تعلقين نفسك بأحد نصيبك بيجيك
    لو كان بآخر الدنيا مافيه شي يرده
    الله يرزقك بالزوج الصالح وتجين تبشرينا
  2. @ghym70

    ليمونة
    لا تحطين احد ببالك ادعي بالزوج الصالح فقط لان ممكن تأخذين قريب وتطلع لكم أمراض وراثية
    فعلا. ولد اخويه طبيب وكان يدور عروسه وبنات اخواني جميلات ورفض مرره ياخذ منهم يقول مستحيل بعد ماشفت الامراض الوراثيه الي تطلع من زواج الاقارب وسبحان الله اخذ من الشمال واحنا من الجنوب الله يسعدهم يارب حبيت بنات الشمال منها
  3. @aaoatf_trky_2

    اولى ثانوي
    يارب يارب العوض هالاسبوع احس نفسيتي تعبانه جداً اروح دوامي مب قادرة اشتغل احس بتأنيب ضمير اني قصرت بس مره احس بغلقه وقلق حتى الاكل مالي نفس احس تأثرت لاني ودي اتزوج مرررره وفوق هذا مواصفاته كانت من احلامي 🥹 باقي ولد عمي الثاني مواصفاته تج…
    هالاسبوع أي يوم وكم الساعه طال عمرك ؟!
    ترى اللي تسوينه غلط
    لما رديت عليك بأول رد ألتمست لك العذر لكن بعد تعليقاتك اقول مالك عذر واللي تسوينه نوع من انواع الحسد وكأنك داخله مسابقه تبين تفوزين فيها بأي طريقه
    وحطي في بالك هذا القانون كل شيء تركزين عليه راح يزيد ويكثر بمعنى انك مركزه على كونك مسكينه محرومه مضيومه مهمومه وساخطه ومتذمره من الاخر وكل هذي الامور جالسه تكبر وتتضخم وتزيد بحياتك وماراح يتغير شي إلا لما انتي تغيرين من نفسك وتنظفين تفكيرك وقلبك وتركزين على حاجات ثانيه ايجابيه وعلى رأسها انك تطورين شخصيتك وطريقة تفكيرك ونظرتك لذاتك ولحياتك
    واذا لك خلق ومزاج ادخلي ملفي اقرأي موضوع كتبته من زمان عن تأخر الزواج وفك التعلق لعلك تستفيدين منه شي يغيرك ويطورك للافضل
    لانك للاسف حاطه في بالك هدف الزواج ومعتبرته هو الخلاص والنجاة والعزة والكرامه والسعاده والاكسجين وجالسه على نار تنتظرين مع كمية طاقه سلبيه وماتدرين انك واقعه في فخ التعلق ولو بجلس اتكلم عن التعلق ماراح اخلص
    لكن الناس هنا ما قصرو كتبو لك توجيهات وحاولو يساعدونك كيف تشيلين نفسك من هذا الفخ لكن شكلك طنشتي ومالك نيه تصلحين شي بنفسك لان وقتك كله حاطته بالمسابقه والمنافسه على من سيربح المزيون !
    صدقيني لو تشوفين نفسك من بعيد كأنك شخص غريب راح تحسين بالاحراج من نفسك انك جالسه تركضين خلف فلان وعلان وتبينهم يتزوجونك ورابطه قيمتك بالزواج وكأنك ولا شي بالحياه بدون ذكر
    وماراح تقدرين تفهمين كلامي اصلاً الا لما تطلعين نفسك من هذا المستنقع الفكري والنفسي
    الله يعينك ويرشدك للصواب
  4. @aol_thanoy_1

    صاحبة الموضوع
    عواطف تركي .
    هالاسبوع أي يوم وكم الساعه طال عمرك ؟! ترى اللي تسوينه غلط لما رديت عليك بأول رد ألتمست لك العذر لكن بعد تعليقاتك اقول مالك عذر واللي تسوينه نوع من انواع الحسد وكأنك داخله مسابقه تبين تفوزين فيها بأي طريقه وحطي في بالك هذا القانون كل شيء ت…
    شوفي ياعواطف على خبري من اول انك عازفه عن الزواج ولا لك رغبه به هذا قرارك وراحتك

    لكن انا فطره طبيعيه ابي اتزوج وطبيعي كل ماقربت الثلاثين يزود قلقي وخوفي ! خصوصاً ابوي سمعته مو كويسه !

    ثانياً اي بدعي يارب مايجي هالاسبوع الا وانا مخطوبه ودايم ادعي بهذا الشي يارب مايجي رمضان الا وانا ببيت زوجي

    وانا صار لي اكثر من شهرين ملازمه الصلاه الإبراهيمية بنية الزواج يعني من قبل مافكروا يخطبونها او تنخطب حتى !


    ودام لي رب مجيب وقدير بدعي يارب مايجي نهاية الاسبوع الا وانا مخطوبة ! ايش المشكله ؟
  5. @aol_thanoy_1

    صاحبة الموضوع
    بنات كل اللي كتبوا ترا قريت كلامكم اكثر من مره حتى لو مارديت عليكم وحده وحده


    الله يكتب اجركم على كلامكم الطيب ومواساتكم صدق كلامكم يطيب الخاطر
    لدرجة رحت الدوام وقدرت اشتغل واخلص شغلي عكس قبل 🤍🤍🤍🤍🤍

    الله يسعدكم ويعطيكم لين يرضيكم 🤍🤍

تابعي تجارب أخرى من هذا القسم.