وصلت حدي مع الزعول وراعي الخصام

السلام عليكم ورحمة الله أخواتي ، اللي تتالبع مواضيعي كلها تتمحور على مشكلة أزلية مع زوجي الذي لا يطاق بسبب كثرة زعله وخصامه معي ومع كل من يختلف معه ولو في شيء بسيط ، المهم عنده سمعا وطاعة سواء كان صح او غلط ، المهم ما احد يخالف رأيه والا يناصبه العداء حتى مع المواقف البسيطه اللي تصير بين افراد اي اسرة وتعتبر تافهه وتنحل عادي ف نفس الوقت وتمشي لكن معه لاااا ما فيه شي يمر مرور الكرام ، أنا معه من ٢٢ سنة وعندي اولاد كبار في الجامعه وفيه صغار في المدارس وهو كلما يكبر يزيد طغيانه وفجوره في الخصام ، وحاليا هو مخاصمني من ٦ شهور كاامله ولا بيني وبينه اي شي ولا يعطيني ولا ريال طبعا لما يخاصمني حتى ما ينظر صوبي ولا يكلمني ولا يدخل في مكان انا فيه ، يعني فجور كامل في الخصام ، وللعلم هو ايضا مخاصم ٥ من اخواته من اكثر من سنتين مع انه اخواته في قمة الادب والاخلاق معه لكنه للاسف ما يتقبل احد يعبر عن رأيه ، عموووما ، ومن اسبوع بدأ يعمل تعديلات في البيت ويغير سراير العيال وحتى سرير غرفتي بدون حتى انه يعمل اعتبار لرأيي ، يعني فجأة شفته جايب عمال ويطلع كل اغراضنا برا ، ورمى السراير مع انه حالتها مقبوله وكان ممكن نتصدق فيهم !!! ، وحاليا جالس يبدل في غرفتي وتخيلوا اشوف اغراضي خارج الغرفة ولا عندي خبر بشيء !!! ويغير ارضية الغرفة وكل شيء بدون حتى يعطينا خبر ؟!!!

اليوم الغرفة بتجهز وبيجيب السرير وانا مفكرة انه اطلع منها وما أنام فيها واخليه يشبع بالغرفة اللي هو فقط صاحب الرأي الاوحد في اختيارها واروح غرفة ثانيه في البيت ، لكن بنتي الكبيرة تقول لي انه ما اطلع من الغرفة لانه حسب كلام بنتي :( نحن عارفين انه جالس يفهرك ماما لما هو قرر انه يغير في كل شيء بدون رأيك ولا رأينا كلنا لكن انتي اعملي نفسك ما هامنك ولا تبينين له انك مقهورة ولا تطلعي من غرفتك)

لكن انا جد مقهوووره منه ما كأنه بيتي ولا لي رأي فيه ابدا

كيف اتصرف برأيكم؟! ارشدوني جزاكم الله عني خير الجزاء

77 تعليق 6,015 مشاهدة

شاركي في النقاش

سجلي الدخول لإضافة تعليق.

التعليقات

77
  1. @tnakd_3

    كلام بنتك صح مافي فائدة تسوين زعله جديده وانتو اصلاً من 6شهور متخاصمين انا اقول استغلي هالتجديدات ف البيت وافتح معه حوار وشكر وكذا لعل وعسى تهدى النفوس الله يعينك افهم شعورك لكن الصبر والاستغفار فرج لك باذن الله
  2. @bs_lydy

    صاحبة الموضوع
    ارجوكم اخواتي جاوبوني والله حاسه بمذلة كبيرة معه ، ودي اتطلق لكن ما اريد اشتت اولادي بعد هالعمر ولا قادرة اكمل معه والله محتارة ومتضايقة
  3. @ghla_alkon_7

    كلام بنتك صح نفس اللي جاء ببالي
    هوا بيستفزك لاتخليه يستفزك صملتي الشهور هذي كلها وجايه الحين تخربي كل هذا
    ترى هو الخسران بهجرانه هذا
    زوجك يحتاجك اكثر من انتي تكونين بحاجته
    سوي زي مايسوي لاتعتبرينه موجود بالبيت ولا كانه سووا شي
    لان هو يبغى يسوي مشكله معاك فلاتعطينه اللي يبغى
    وخذيها بايجابيه غرفتك بتتغير وانبسطي فيها واقهريه زياده
  4. @bs_lydy

    صاحبة الموضوع
    تنآقض
    كلام بنتك صح مافي فائدة تسوين زعله جديده وانتو اصلاً من 6شهور متخاصمين انا اقول استغلي هالتجديدات ف البيت وافتح معه حوار وشكر وكذا لعل وعسى تهدى النفوس الله يعينك افهم شعورك لكن الصبر والاستغفار فرج لك باذن الله
    يا اختي انا كنت ابادر دائما بالكلام لكن للاسف هذا الاسلوب ما منه فائدة معه وتدرين ايش يقول لي لما ابادر واكلمه ؟! يقول : اعرف انه في النهاية ترجعي لي منتكسه ومنذله!!!! متخيله ويقول لو ما عارفه نفسك غلطانه كان ما جيتي لكن عارفه انه الغلط راكبك !!! ، وبعدها بفترة بسيطه يرجع يخاصم وانا تعبت ما لي رغبة انذل مره لانه ما يقدر بل بالعكس يشوفني ذليله
  5. @ghla_alkon_7

    بس ليدي
    ارجوكم اخواتي جاوبوني والله حاسه بمذلة كبيرة معه ، ودي اتطلق لكن ما اريد اشتت اولادي بعد هالعمر ولا قادرة اكمل معه والله محتارة ومتضايقة
    بعد هالعمر ماله داعي الطلاق
    لا مذله ولا شي لاتفكري كذا ابدا
    هذا بيتك وهذول عيالك وغصب عنه يصرف

    بعد تحملك هالسنين تمشي وتريحيه!
    لا اقعدي ع قلبه انتي الداخله وهو الطالع
    انتي اللي مسويه فيه خير يحمد ربه ماوصلتيها محاكم وربي لايصرف عليك وانتي متسدحه
    هو لما يتصرف كذا معناته طناشك قهره بالنهايه مو انتي المذلوله هوا ، هو اللي محتاجك مو انتي

تابعي تجارب أخرى من هذا القسم.