أكثر شي يحمّسك تحظرين زواج ؟ ✨

حبيت الموضوع زمردة

بصراحة لليوم ما شفت أفخم من زواجاتنا حنا السعوديين 👌
دقة في التفاصيل من أصغر شي لأكبر شي وكل مرة نبدع أكثر من قبل ما شاءالله 👏♥️


نرجع للموضوع
والله نفس تفكيري
أنا ما أروح الزواج عشان بس عزيمة أكثر شي يحمسني إذا عندي فستان جديد ألبسه

وأحب أتفرج على البنات والحريـم كيف متزينين مكياجهم وتسريحاتهم وفستاينهم
عاد فقرة الزفة عندي أحلى لحظة خصوصًا أم العروس أحس مشاعرها غير عن أي أحد 🥹

وبعد القاعة والديكورات تجنن
صرنا ما شاءالله نشوف مصممين مبدعين بالزواجات
كله شغل بناتنا وشبابنا السعوديين يفتح النفس 😊

أهم شيء يكون عرس شرعي ما فيه مخالفات

ولا موسيقى وأغاني

وقتها بيكون عرس فيه بركة وقلبي بيفرح للعرسان وأهل العرسان وبشارك بحب من قلبي

غير هالشرط ما أحضر أصلا

أحييك
لأن بعض الملتزمات تلبي الدعوه وتجي وهي عارفه إن فيه أغاني وموسيقى وتقلب الفرح مشكله.

جزاك الله خير
أنا زيك 🌷

أكثر شي يحمّسني أحضر زواج؟ ✨ والله يا حبيبتي، أكثر شي أشوفه ممتع هو الجو العام والبهجة اللي ما تتكرر. من وقت تدخل القاعة وتحس الموسيقى، ضحك البنات، فرحة العروسين، وروائح الأكل الحلو 😋✨.
أحب أشوف كل التفاصيل الصغيرة: ترتيب الطاولات، ألوان الزينة، طريقة تقديم الحلا، حتى الإضاءة تحمسني! 🌸وأكثر شي يرفع معنوياتي؟ لحظة الزفة، لما العروس تمشي والقلب يرقص معاها، وأصوات التصفيق والابتسامات حوالينا، تحس كأن كل الطاقة الإيجابية في القاعة تتجمع 😍.

وصدقيني، مو بس الفستان أو المكياج، أحب أعيش اللحظات البسيطة مع صديقاتي وأقربائي، نضحك، نرقص شوي، ونسولف سوا. فيه شيء في هالجو ما تلقينه إلا بالزواجات، يحسسك بالدفء والسعادة من الداخل 🫶✨.