مرات اقول ليتني صدقت احساسي..

ساعدتها لوجه الله يعلم ربي ولكن بعد كلمتها الي قالتها لي خلتني استرجع كل شي زي الشريط وتذكرت حركاتها واني كنت طيبه بزياده والمفروض انتبه اكثر..

عالعموم شكراً لك على مشاركتك الطيبه 🌸

بعد اذنك ودي بس افهم يعني انتي حسيتي انها رديه او مخبيه شي مثلا قبل ماتتعاملين معها ويوم تعاملتي معها صدق احساسك انتي تظنين ان فعلا كذا لازم نمشي ورء احاسيسنا بعدين يمكن هي جاها نفس النفور منك عشان كذا جاها رده فعل ولا ارتاحت لك وقررت ماتقرب منك الاحاسيس ذي ترمينها في البير ولك الظاهر قلتي تردت معي ذي مو مسوليتك دام انتي ماصدر منك شي تجاهها خليها بطريقها سلام عليكم السلام وبعدين لاتتعشمين كثير وتنثرين نفسك خاصه في بيئه العمل لين تعرفين عميلك كيف شفتيها بكره طبيعي سلام عليكم السلام رسميها ولعاد تفكرين الا بشغلك وقتها وبس

انا باعطيك خلاصة تجارب

الإنسان مو احساسه ١٠٠٪ صحيح
كل واحد فينا يشوف دائم أحاسيسه هي الاصدق وان إحساسه اللي يصدق و لا يخيب
فمثلا لو سالتي شخص ثاني عنك ربما يكون عنده نفس الاحساس عن شخصك ايضا مع انك تكوني شخص صادق ونزيه ...وانا افسرها أن الاحاسيس ترتبط بخلفيات وأبعاد لها علاقة بالشخصية ومواقف ونصائح مرت على الإنسان وتقابل الاطباع من تنافرها ويصير عنده حكم داخلي

وهذا مايعني التجاهل التام لأي احساس ولا الأخذ به كأنه عين اليقين هذا المنطق المعتدل

واعجبني فيك انك كنتي معتدلة وما مشيتي ورى أحاسيسك وهذا انصاف منك

لكن !!!
اذا وُجد دليل يدل على عدم نزاهة هذا الشخص أو مايدل ع سوء نية بقول أو فعل أو موقف  نصيحة جادة لك لاتغمضي عيونك وتتعاملي وكأنك ماشفتي شي وتصيري الشخص المسالم حتى مع وجود البينة والدليل
فالمؤمن كيس فطن

فقط حطي حدود وخلك حذرة وعيشي حياتك بدون الالتفات لها أو الاحتكاك معها

مو غلط إن تخففين العلاقة معاها وهالشيء ما فيه ظلم لها، تجنبيها لو مو مرتاحة

سبحان الله لفت انتباهي انك حكيتي عن احساسك بالنفور والطاقه السلبيه اللي تحسينها لاتحسين بالذنب منها وطالعي لها بعين الحقيقه مو بعين قلبك اتمنى لك التوفيق.