بنات افيدوني تحطمت من أسلوب وحدة

اي والله ادعيلها من قلب كل ما ارسلتي وربي اجلس ادعيلها
لاني ماعرفت منين تجيبها الاعلانات
يمكن انا بعد اتحسس ما بعرف ولظروفنا من بعد وفاة ابوي

هي اكيد عندها ناس كثير غيرك

وين انا كتبت انها لازم تدفع ؟
كلامي واضح معناه ان البنت غير ملزمه ولا مجبوره انها ترسل لها شي لان مابينهم عقد ولا إلتزام واتفاق مدفوع الاجر عشان تجي تعايرها وتتذمر منها انها قررت توقف
البنت مافي ذمتها حق لها امام الله حسب الكلام اللي مكتوب
ورغم هي تجملت معاها الفتره اللي مضت وكانت ترسل لها اعلانات الوظايف ومو ذنبها انه ماصار له نصيب ويتوظف
ومثل ما انتي متعاطفه مع صاحبة الموضوع ياليت بعد انسانيتك وتعاطفك تشملين بها الطرف الآخر بالموضوع وتلتمسين لها العذر
ترى حتى هي عندها ظروفها وتحاول تسعى وتترزق بالحلال
وياليت بالمره تحثين صاحبة الموضوع انها ماتجازي الاحسان بالجحود ولا الكرم باللئم
الواحد مرات يخجل حتى من امه وابوه اذا قدموا له شي او خدموه فما بالك بشخص غريب مسوي لك جميل ومجرد ماصارت له ظروف وقرر يوقف جميله تنقلب عليه وتعايره !
الله يكتب اجرها في غيابها ويعوضها العوض الجميل عن كل لحظه ساعدت بها
وصاحبة الموضوع الله يهديها ويصلح حالها ويرزق اخوها بالوظيفه اللي تغنيه عن تعريض وجهه للناس والقيل والقال وهو غافل

ما يحتاج كبرتيها وهي أصلًا صغيرة، وذليتي أمها وهي بس كانت تفضفض لكم.
واسألي ربك العافية، ماتدرين بكرة وش يصير لك.

ترا هي ما جحدت، قالت لك ادعيلها، وحتى من ردودها واضح إنها متحسسة والظروف مأثرة عليها.
الظروف أحيانًا تخلي الواحد لو سألتيه: “شلونك؟” يتحسس، مو لأنه جاحد، لكن لأنه متضايق ومضغوط.

بلاش أنتو والزمن عليها، وش يضرك لو تكلمينها بأسلوب أهون بدل الكلمات القوية مثل “عين” و”جحود”.
ومو معنى هذا إننا ننكر الطرف الثاني، لكن السعي بقضاء حوائج الناس والوقفة معهم أصل الخير والبركة.

والكلمة الطيبة أحيانًا ترفع عن الواحد همّ كبير، خصوصًا اللي ظروفه مو سهلة.
الدنيا دوارة، واليوم ناس وبكرة يمكن نكون بنفس الموقف، فخلّوا بينكم رحمة وستر.

وسلي ربك العااافية

كلامك ذهب❤️

اسأل الله ان ربي يرزق اخو صاحبه الموضوع ويغنيهم عن خلقه ويسخر لهم من يخدمهم لوجهه الكريم الناس للناس والكل بالله