علاقتي مع الحليب مو مستقرة

احتمال مثل ماقلتي عدم تحمل لاكتوز
والحل تستبدلين الحليب الحيواني بالحليب النباتي
او تسألين الطبيب عن حبوب مكمل انزيم اللاكتاز هذا الانزيم هو اللي يهضم الحليب ومشتقاته
انا ماجربته ولا اعرف احد جربه بس هو متوفر بالصيدليات
وبشكل عام الاحظ بالنت اللي عندهم مشاكل مع الحليب يستخدمون الحليب النباتي خاصة اللوز والشوفان يناسبهم ويقولون طعمه افضل من باقي البدائل

هلا عطوفتي صباحك عسل يا عسل امس رحت بندة ولقيت حليب خالي من اللاكتوز من شركة ندى وترددت آخذه لأني ما قد جربت منتجاتهم دايم أتعامل مع المراعي أو نادك أو الصافي بس شكلي برجع آخذه وأجربه لأن الألم اللي يجيني في بطني بعد القهوة والله ما يسوى علي اني شربت هالقهوة
اللي أحسه كأنه طعنات فما عاد عندي القدرة اتحمل هالشي

هلا بك الله يسعد صباحك بالخير والرضى
بسم الله عليك وقدامك العافيه يارب
طيب روحي المستشفى اتأكدي عشان تتصرفين على يقين وعلم وتعرفين وش تسوين وكيف تعدلين مقاضي البيت ببدائل تناسبك
اما الحليب الخالي من اللاكتوز ندى بحثت عنه قبل ارد قرأت مكوناته من موقعهم مضاف له انزيم اللاكتيز اللي يهضم اللاكتوز يعني حلو جايبين الحليب البقري العادي بس ضايفين له الانزيم اللي يهضم يعني مو نباتي
وبخصوص حليب ندى العادي الطازج توه من كم يوم مجربته مع الكورن فليكـس والقهوه حلو طعمه
جربي علبه صغيره وشوفي اذا يناسبك
قدامك العافيه يارب

اكيد عندك حساسيه لان موطبيعي هالوضع استبدليه بحليب نباتي مثل ماقالوا وترى اغلب الكافيهات توفره ف قوليلهم وانتي تطلبين واذا برضوا ماناسبك وقفي الحليب كله
أنا منتجات الحليب كانت تسببلي غثيان وبعد ماطلع نظام الطيبات هذا قلت اجرب اقطعها وفعلا قطعتها كلها لبن حليب أجبان لبنه والصدق مره ارتحت صرت اشتري كرتون عصير برتقال ربيع بدون سكر واشرب منه مع الوجبات لاحظت الإمساك المزمن الله يكرمكم اللي كنت أعاني منه اختفى وحتى الهضم تحسن جدا عندي

عندك قولون ؟
اذا عندك فالحليب يهيج القولون