احس محد يستحقني ومو عاجبني

ماراح اتكلم عن قرار الزواج لان ببساطه انتي حره مو لازم تتزوجين هذي حياتك تعيشينها باللي يناسبك
لكن بتكلم عنك انتي بعد ما قرأت تعليقاتك
ما تشوفين انك صار لازم تنضجين ؟
مو معقوله 28 سنه من عمرك عشتيها وانتي ولا مره عصبتي او مريتي بمشكله او خلاف مع شخص
ومو معقوله ما عشتي تجارب اجتماعيه او عائليه كان لها تأثير عليك كأنسان طبيعي يشعر ويتألم ويعطي رد فعل
اذا ما حصل معك ولا شي يعني انتي جامده والعالم من حولك يتحرك ويتطور
الكلام اللي تقولينه عن الدلال والرفاهيه والراحه ماله أي علاقه في انك ترغبين بالزواج او لا
اغنى الاغنياء واللي حياتهم ثراء هائل وكل شي متوفر لهم يحبون يتزوجون ويخلفون مره ومرتين وثلاث بعد
الخلل هو في الذات الشخص نفسه يكون عايش عالم اخر وهمي
او ربما بطريقه لا واعيه يحط كل هذي المواصفات والمعايير فقط عشان يهرب
ربما لانه غير مهيء من الداخل انه يحمل مسؤليه او يجرب
وخذيها صريح المثاليه وهم
ولو كانت المثاليه موجوده ماكان خلقنا رب العالمين في الدنيا كان مباشره عشنا في الجنه بمثاليه
وارجع اقول انتي حره تتزوجين او ما تتزوجين هذي حياتك تعيشينها مثل ماتبين
لكن في جانب يتعلق بتحمل المسؤليه ومن ضمنها تحمل مسؤلية قرارك مع تبعاته
بمعنى انك اخترتي تكونين عازبه فلازم تبدأين تحملين مسؤليتك تتوظفين تصرفين على نفسك تقضين كل إلتزاماتك بنفسك وتدفعين فواتيرك ومواصلاتك وتواجهين ظروف المجتمع والحياه بكل قوه وشجاعه
لاننا ببساطه في الحياة الدنيا جينا لها عشان نخوض تجارب ونتعلم دروس وبكل مرحله من حياتنا نكتسب نضج اعلى من اللي سبق

حتى انا احس ما فيه احد يستحقني
حتى لما حبيت شخص احسه ما يستحقني ولا فيه الأشياء اللي كنت اتمناها تكون في فارس احلامي ما اعرف وش اسميها ممكن انا هبلا بزياده ما ادري 

يعني مسموح لك تكونين انسان تعصبين وتزعلين وتتأثرين وتمرين بمشاكل وخلافات
لكن الزوج ممنوع وما تتقبلين انه يكون بشر مثلك ؟
تناقض عجيب
وارجع اقول لا تتزوجين
لكن هذا الجزء من التناقضات اللي بداخلك والنظره الغير واقعيه للحياه مجرد وهم اخترعتيه كغطاء لحقيقه اخرى
انا مثلاً قريبه من عمرك ومالي رغبه بالزواج واقولها صريح انا مايناسبني الزواج لسبب كذا وكذا ابداً ما احط العيوب في الآخرين اللي هي تعتبر صفات بشريه طبيعيه
عموماً الحياة تجارب ودروس ومحد يدري بكرا وش مخبي لك
وللاسف اللي مثلك مرات يكون درسهم قاسي يتعلمونه بالشده والقوة من خلال تجربه تضغطك وتنفضك وتهزك وتجبرك تشوفين الحياه بطريقه مختلفه كلياً عن اللي كنتي تعرفينه
الله يرشدك للصواب وينور بصيرتك