صديقتي تشتكي على من ذا الموضوع ادخلو

السلام عليكم
صديقتي تقول وش اسوي بأمي انا وابوي مانلحق على مصاريف البيت نهائي من طلبات اخواتي اللي بالثانوي وعندي اخوي يدرس في ثالث متوسط والمواد الغذائية وتسديد الفواتير في البيت الحياه صارت صعبه وغلا طبعاً هي الكبيره موظفه براتب 4000 الاف وابوها متقاعد وتقاعده حول 5000 الاف وهي تساعد ابوها بكل شي تقول امي الله يهديها تبي توجب الناس بمبالغ كبيره الأسبوع اللي راح وجبت وحده من صديقاتها اشترت لها حلويات بسعر 190 واعطتها مبلغ الف ريال والله العظيم ماهمني بس امي سوت عمليات وجاتها وعكات صحيه واقسم بالله العظيم ولا وحده جت توجب امي وتعطيها فلوس زي ما امي تسوي معهم للأسف الشديد كل يوم والثاني تروح توجب وحده وتعطيها الف ريال تعبنا معها وقلنا لها مافيه فايده تقول لا انا مو زيهم انا احب اعطي ما أخذ شي وعيب ادخل عندهم ويدي مافيها فلوس طيب هم ليش مايجون عندك يوم سويتي عمليات وتنومتي بالمستشفى ليش مافيه فايده رغم انهم ماشاء الله ازواجهم موظفين في مناصب قويه ورواتب عاليه تقول مره تعبت انا وابوي إرهاق مالي بشكل يخوف الأم تعطي وتحط للناس طيب برضه احنا نحتاج في البيت اخواتي لهم احتياجاتهم الخاصه من أغراض الدوره واشياء كثير وامي الله يهديها توجب الناس بمبالغ مو سهله الف ريال عشان صديقتها انكسرت رجلها بالله مو شي مستفز والله العظيم ان صديقتها ذي ماعمره طبت بيتنا ولا جت عندنا توجب امي نهائي وش السواه

7 تعليق 547 مشاهدة

شاركي في النقاش

سجلي الدخول لإضافة تعليق.

التعليقات

7
  1. @osaam_1

    ياقلبي انتي طالما انتي تكلمتي ومافي فايده
    افضل شي لك تحتسبنها اجر لك بنية ربي يعوضك اضعاف هذي الفلوس
    لانها امك وماباليد حيله وتكلمتي عليها
    صدقيني وان تاخرت ربي بيفرجها عليك ويعوضك العوض الجميل
  2. @farah_26

    عموما كل شئ بثوابه،،، ومافيها شئ لوحكيتى لماما قوليلها الأسراف يأثر علينا،، وعلى أحتياجاتنا نحن اهم من الناس،، ولوينفع فيهم ويثمر لكانو ردو علي الهدايا وزاروك،،، قوليلها انك موباخلة عليها انتي وابوك لكن نحنا اولى،،، لما بتحكيلها بهدوء تفكر بكلامك ومع الوقت تقتنع،،، وصدقينى كل الأمهات يحبون يكرمو ويبالغو ويعطو لناس اكبر من حجمهم واذا احد ماقدرهم والا غلط عليهم مايدافعون عن انفسهم،، ترى الأمهات متشابهات في كل العالم 😂❣️ والله يحفظك ويحفظ اهلك ويدوم الود بينكم.....
  3. @amproaa_alhyaamp

    امك مابيقدر عليها الا ابوك
    بس شكله حليل معها ولايبي يزعلها
    والا المفروض والله انه يقسى ويهددها بالطلاق
    لعل وعسى ترتدع وتخاف
    الكهرب ارتفع الاغراض ارتفعت مصاريف العيال كل واحد يبي نت ومصروف قهوة والدنيا تغيرت
    وامك رايحة توزع فلوسكم ع الحريم وانا متأكدة امك تعطي حريم هم مو محتاجات اطلاقاً بس كذا تريم لنفسها صورة وبرستيج انو واو فلانة راعية خير ماتخد الا من الف وفوق والمقابل مايرجعون لها لو نصها وانتي وابوك تكدون وتشقون لغيركم

    جربي تدفين العيال عليها اذا بغوا شي لايطلبونك ولايطلبون ابوك لا ينشبون لها هي ويمثلون عليها ان مستحي من ابوي واختي دايم يعطوني لعلها تحول فزعاتها لاولادها وبناتها
  4. لاتعطوها اكثر من ٢٠٠ حتى لو زعلت
    الف كثيييير صراحه قولي لابوك يتفاهم معها وبعدين كيف توجب ناس مايجبونها شكلها فاضيه امك وعندها فراغ تلاحق فلانه وعلانه
  5. @dmoaa_almgaryh

    خلي امك تدخل تحفيظ شكلها فاضيه تدرو على احد تسير عليه واذا قالت عطوني الف ريال بعطيه احد هديه قولو ماعندنا للاسف

تابعي تجارب أخرى من هذا القسم.