حبيبتي الخطأ مو التنفيس الخطأ هو ان نوقف عند نقطه معينة وتنتهي حياتنا يمكن لو رجعتي للردود راح تلاقين ردي شوي قاسي بس صدقيني احنا بحاجه للدعم واحيانا للدفع وبقوة ليه ام سلطان مثلآ تقفل على نفسها وتدور حول زوجها وزوجته ليه ماتدور حول نفسها احيانآ يستخدم الكي كعلاج رغم انه مؤلم صدقيني اقسم بالله عانيت الأمرين بحياتي مع زوجي لكن تخطيت المرحلة هذي بكثير ولا ابغى اي وحده تمر باللي مريت فيه لأنها ممكن تنغلق على نفسها اكثر واكثر
أم سلطان زوجة طيبه وحنون وانا متأكدة انها حريصة على انها تكسب زوجها بالطيب
لكن بالمقابل هي أيش راح تحصل على ايش انا متأكدة وجع القلب ويمكن سكر وضغط هي ماهي بشر ماهي انسانه من حقها تعيش حياته بطريقة صحيحة
راح احكي لكم واقعة حقيقية حصلت معي كنت موظفه في مجتمع طالبات وكان عندنا طالبة تدعي المس وقي كان يوم امتحانات انصرعت الطالبة وصارت تصرخ وتولول وصار شكلها يخوف الموظفات اللي معي والطالبات خافوا وحاولا يسمون عليها يرشونها بالمويه وبعدين نادوني انا يوم شفت البنت كذا رفعتها عن الأرض وخليت وحده من زميلاتي تسندها من ظهرها يعني اخذت وضع الجلوس وكانت مستمره بالتشنج وتنتفض و جيت بكل قوتي واعطيها كف قوي قوي قوي لدرجة انها وقفت وطالعت بعيونها وقالت انا وش فيني قل حصل خير قومي كملي امتحانك وبعد الأمتحان تعالي لي
وفعلآ كملت أمتحانها وجتني قلت لها بكل صراحة ودي اعرف انت وش تستفيدين من تصرفك بهالشكل قامت تدافع عن نفسها وانها ممسوسه وانا بكل هدؤ اقولها انتي تكذبين وفعلا طلع كلامي صحيح وهي ماعندها قدرة تدخل الأمتحان لأن ظروفها صعبة وانه زوجها راح يتزوج عليها واخته معها بنفس القسم وكانت تنتظر انها تنقل لأخوها اللي حصل علشان مايتزوج قلت انت بهالشكل راح يتزوج واللكل راح يعذره ويقول معه حق وانت اللي راح تخسرين وهو راح يتجنبك نهائيآ المهم عدلي حالك وغيري من نفسك وكان كلام كثير ولو وادخلت الأمتحان راح تخسرين مستقبلك
بعد تقريبآ 6سنوات وكنت تركت العمل تفاجأت بها تتصل علي وتقول انها اسعد انسانه رغم ان زوجها تزوج عليها لأنها هي تغيرت 100% وهي موظفه ومبسوطه في حياتها لأنها تقول صر اكرر كلامك لازم اعقد مصالحة مع نفسي
ارجو انه كلامي يكون واضح احيانآ القسوة لاتعني الكره او التحطيم لا لكن ممكن نكون بحاجه لبعض القسوة علشان ننتبه لأنفسنا ونعيش واقعنا مثل ماهولأنه مفروض علي ومابيدي اغيره لكن بيدي اغير نقسي الحياة لاتتوقف عند رجل بل تستمر لأني بشر
ارجو لكل وحده وخصوصآ ام سلطان لو شافت ان ردي قاسي ان تغفر لي قسوتي لأن عذري الوحيد هو ان تغير من نفسها وان توقف المها الذي سوف يستنزف حياتها بدون نتيجه وصدقيني اللي مايحب نفسه حتى اللي حوله مايحبونه وحب الذات اللي احكي عنه مو الأنانيه لا ولكن حرصي على حياتي موغلط زواج زوجي مونهاية العالم لي ممكن افتح شباك صغير داخل نفسي اطل منه على العالم أتنفس منه هواء يخصني لي انا مايشاركني فيه همي
هذي دعوة مني لحياة افضل بدون هم أقسم بالله لما أقرأ مشاكلكم قلبي يتقطع ودي امسك كل وحده وأقول لها حرام اللي انت تسوينه بنفسك
الزوجات الأوليات حياكم نكمل سواليفنا
متابعة النقاش، صفحة 135