مشكلتي مع زوجي وش الحل

سلاام عليكم

خواتي انا زوجي دائماا يزعل من اسباب تافه

المهم البارحه كناا عند اهله وطلب عشاء من بره وراح اليبت وقال اذاا جاء العشاء دقي علي

وجاء العشاء ودقيت عليه وقال بقي لي قلت واناا امزح العشاء قليل ماراح ابقي لك
وعلى طول قال خلااص ماابي
وبقيت له واخذته معي للبيت وقال ماابيه انتي ماتعرفين تتفاهمين وخلاص قلتي ماراح ابقي لك
وطلع واناا رجعت ونمت ورجع لايكلمني ولا شي واليوم نفس الشي

اللحين وش ردت فعلكم والله دائماا يزعل من اشياء تافه

والحمد لله مو موصغير فاهم وعاقل بس مدري وش فيه هالفتره

وش الشي اللي اسوي عشان مايزعل
اللحين ماعد احب امزح معه
حتى والله طفشت منه بس افكر في عيالي وش ذنبهم

ومرات يكون زي العسل معي بس تعد على الاصابع

هو يمكن يحس بالغلط ويطلب من اسامحه
انا اقول هالمره ماراح اعديهاا له
ماراح ارد ليه ولا اسمح له
تكفون وش اسوي

ولله ملخبطه ولا ادري وش اكتب اعذروني كلماتي مو مرتبه

23 تعليق 2,701 مشاهدة

شاركي في النقاش

سجلي الدخول لإضافة تعليق.

التعليقات

22
  1. حبيبتي الازواج يمرون بمتاعب وظروف العمل وإحنا لازم نفهم نفسيتهم وناخذهم على قد عقلهم وشوفي المزح اللي مايزعله وإمزحيه معاه ووحدة ووحدة لحد مايتعود


    تحياتي
  2. @amp_doaa_alkmr_amp

    الله يهديه ياختي ممكن تكون نفسيته تعبانه من العمل اوحاجه ثانيه وسعي صدرك ولالالالالالالالالالالالاعاد تمزحين معه اذا كان مو رايق واعتذري منه وترى مافي الموضوع شي يزعل
  3. @aasoool

    مدامه زعووول تجنبي تستفزينه
    خاصه انك عرفتي له انه حساس وبسرعه يزعل
    خلااص لاا عاد تمزحين معه

تابعي تجارب أخرى من هذا القسم.