ياحيا الله ام الدحمي
ياعمري يا ام الدحمي تصدقين ان وحمي صار على الكمبيوتر من اشوفه تقلب تسبدي ماتعدلت الا هاليومين
قدمت عذري وان كانتس مثل المدرسه تبين تقرير من المستشفى ابشري اهم شي لا تفصلوني من الواحه
والمسلمة تسلم عليتس هلحين هي بعنيزه
الف شكر للسؤال يالغاليه
بالنسبه لضياع الاغراض عن الرجعه من بيوت اهلنا حدث ولا حرج انتي على الاقل يمديتس تجيبينهن الاسبوع الي بعده حنا كود يرسلن لنا بالطياره او الزاجل للخبر
ياحبيلتس ليتس جنبي كان اوديتس لمحل يسوي فلافل من الي مفتوحه من الوسط ومغمسه بالسمسم تهبل
اما عن النسيان انتي صادقه انا كل مالي وافقد شوي من ذاكرتي والله يستر مع هالولاده الظاهر يبي يمسح الي باقي لاني من النوع الي اتشعمط بكمامة الاكسجين لحد ما ادوخ ويسحبونها بالغصب
وبالنسبه لموقف اروني بالاصنصير مت عليك من الضحك اتخيل شكلتس لاني صار لي موقف قريب منه بس بفندق الجميره بيتش بدبي نزلت من الاصانصير وانا محمله اغراض وانصك الباب على جوريه ركضت اصرخ من الفتحه الي بالوسط لانه مفتوح لاخر دور لحد مانزلتها لي امريكيه
وقصصي مع النسيان كثيره لدرجة اني اتذكر الطنطاوي الله يرحمه دايم
ياما نزلت للمطبخ وفتحت الثلاجه ونسيت وش ابي منها
او ادخل على الطالبات وانسى اقلام السبوره
ملحوظه :
ترانا طلعنا حنا والمسلمه للبر وشوينا همبرجر وبطاطس وصورتهن وكنت ناويه انزل بهن قصه بس عجزت اقعد من هالكرشه الله يهون
تسلمين ام الدحمي على هالمعايده الزينه ومبروك التميز
وش مدى نسياااااااانكم ؟???
متابعة النقاش، صفحة 7