شاركي في النقاش

سجلي الدخول لإضافة تعليق.

التعليقات

60
  1. @drr_alabdaaa

    موتيني من الضحك الله يعافيتس يا قلبي وانا ان شاء ثالث من يجي لمواضيعتس>>>>>>> متواضعه ما قالت اول



    ترى انا بعد مثلتس على طرف الفطمة شكلي بس بسرق قصيدتس وباسردها على الوالدين>>>>>>>ههههه
  2. المشاركة المقتبسة غير متاحة.

    ياهلااااااا وياااغلاااا بمعلمة اجيااال

    وشلونتس يابعدي عساتس تزقحين؟



    الا والله فاقدينتس جعلنا وياتس مانفقد الغالي



    عاد يحلفوون ان هالطريقه مجربه ومفرقعه الدنياا



    انا من اللي ماله الا اللي برااسه عاطله بااطلع ودي بس احد يجي يسولف على راسي لا رجلن يهوش ولاقدرن يطووش << تفوو بسم الله علي


    ياسبحااااااااااان الله ياكثررررررررررهن قسمن توني ادري عن هالسالفه
    واثر اليوم مليان دقايق وحنا ماندري عنها << الله يخلف بس



    اي والله انتس صادقه عاد انا من النوع اللي لاشفت بزر صاير جحش ويرضع تحووم علي تسبدي واقعد اهاوش امه لين تكره عمرهااا واخزياااه كبر جدي وجالس في حضنها يرضع الله لايكشف لنا ستر << يقولون فيها عرق عجز مركز



    اااااااااااه قلبتي علي المواااجع لاشفت هالحتسي طالعن لي تجيني الغلقه واحس اني وحيده في المجتمع << احلفي



    تصدقين عاااد ان عندنا بقرره ويوم دريت عن امنيتس ذي قلت يابنت حققي لها هالامنيه تاخذين فيهاا اجرر بس ترا بقرتنا مافيهاا حليب الحين مدري وش فيهاا حامل لها حاله ابوي يعرفهاا بس تراهااا حبوبه وطايحتن عند عامل المزرعه اللي اكتشفنا باخر الوقت انه يقدس البقره يعني بقرتنا صايرتن ملكه تسنهااا بقر نيوزلنده << ايه هين فارقي بلانصب



    لا اجل امي مثقفه ماشاء الله عليهاا تسميه انتر ونتر << تصدقون لو ان اسمه كذا كان احسن خخخخخخخخ



    تشبيه منتاز بالثلاااااااث :(



    فكرره حلووه بس لاصار مابه مدمن في البيت االاا انا لحالي من يقط معي << قسمن رحمت نفسي



    حاله انا اشهد انكم صادقات



    لو انهم ماعطوكم وجه كان توسطت لكم عندهم عقب هالبيت << وش عندهاا الواسطه



    ياحبني له << انسجمت معكم ترا خخخخخخخخخخخخخخ
    الله يخليه لكم ويخلي للكل من يعوله
    بس عندي استفسااار بسيط صغير خفيف

    ليه الامهااات دايم يقولون لااا اذا قالو الابااء ايه الدعوه عناد والا يغارن مننا يالبنات << سؤال وجيه




    بترقبهن بكل حماس وحيويه ونشااط << اها بس

    الله يوسع صدرتس بالعاافيه ياقلبووو بس ترا موضوعتس ذا قصيرر نبي الجاي اطول منه عشان نجلس مده اطول مبسوطين معتس وسوالفتس

    الله يعطيتس العافيه مرره ثانيه ماقصرتي الله لايهينتس

تابعي تجارب أخرى من هذا القسم.