وعليكم السلام..
ياهلا بمعلمة الاجيال ..
تدرين ان الدفنه تعتبر ثلاجة الاولين..
ياالله ذكرتيني بالايام الخوالي يوم كنا صغار انا وجدتي
كنا نكيس اللحم وندفنه جنب الساقي علشان مايخرب..وكنا نشتري ايسكريم ابو ثلاث نتقاسم وحده ونغبي ثنتين بالثلاجه قصدي بالحفره..
يازين ذيك الايام ليتها ترجع الله لايقوله

عاد تصدقين ان الدفن مذكور بالتاريخ..في مقدمة بن خلدون الفصل السابع في باب ماجاء في الدفن..
يقول وكان الغلمان الصغار يدفنون قطع الحلوى تحت طبقات التراب لكي لاتراها عيون الجاحظ,,لان الجاحظ كان يأكل كل ماتره عيناه وكان لكبر عيناه يرى كل بغداد وماجاورها وهو على فراشه,,فلم يجدوا حل ليغبوا عنه اكلهم الا الدفن..لان عيناه لاتريان مايغطى
لله درهم مااذكاهم من صبيه
<--ترى جاحظهم مهب حقنا راعي البخلاء لا واحد ثانيتبين الجد..
مره من زماااااااااااااان كنا طالعين للبر,,
وكنا مانقعد بالمخيم نطلع عنه ونجلس براا ..عاد اقترحت وحده من البنات اننا ندفن الببسي بمكننا علشان مانقعد نتردد على المخيم<---وراثه بنا الزواله
المهم شمرنا عن شماميرنا وقعدنا نحفر ودفنا الببسي بس ماحطينا علامه المهم رجعنا للمخيم الله لايضرنا على هالذهانه..
يوم جا حول العصر قام واحد يطاعس ويدور بسيارته,,وسلطه ربي على دفنتنا ماغير يدور حولها,,واخر شي نزل طاير من فوق الطس ووطى دفنتنا وانفجرت علبة ببسي من شدة الدعسه..
رحنا نناظر اثار الحادث..اثر العلب متعفته ومتعوجه و ماانفقع الا وحده الحمد لله

بس ولو الببسي تغير طعمه عقب الحادث
لكن مع ذلك شربناه..مشكوره معلمة على الدفنه والمعلومات اللي استفدت منها اننا نحط مكان على الدفنه بس مشكله اني منب اروح للبر!!
ومبروك المميز تستاهيلنه..