شاركي في النقاش

سجلي الدخول لإضافة تعليق.

التعليقات

60
  1. @dloaa_rylhaa

    ياااااااااااااااااااااااااااااااااااااسلام وش هالكشته وش هالحلركات والله شي خليتيني اروح وياكم واكل من الشكولاته والدجاج المشوي واشرب من((( البيبســـــــــــــــــي المدفووووووون)))..
    صرررررررررررراحه روووووووووووووعه ووناسه ووساعت صدر والله يازينها من رحله الله يهنيكم ويسعدكم بكشكاتكم الفله..
    والله انا نفسي من زمااااااااااااااااااااااااان مثل هالطلعه الحلوه من الفجر الى اليل او يوم ثاني بس الشكوه لله مافي ناس تسانع وتشجع بس حبيبتي( معلمة اجيال) لاتنسيني مره ثانيه دقي على عشان اروح معاكم واشتري لك ببسي على حسابي بعد ...



























    مشكوووووووووووووووووووووره صراحه امتعتينا الله يوسع صدرك بالعافيه...
  2. ماشاء الله

    الله يبارك لتس التميز

    شكل الكشتات وشها حلو معاكي

    الصراحه

    قريت النص وخليت النص للمساء والسهره

    بس ابشري

    الصور شفتها ولا بقيت منها ولا صوره .... علشان ما يروح تصويرتس ورفعتس للصور هدر
  3. @mdad_almshaaar

    إلى العلا
    وناااااااااسة لكن ياحبتس للبيبسي الناس تركوه أول مقاطعة وبعدين طلع فيه بلاوي كانهم صادقين ..وين صور الكشته لاتنسينها ....
    محجووووووووووووووووز حتى اشعااااار اخر


    888

    لا دخلت الديتس << هع هع

    :42: :42: :42:


    بناااااااااااااااااااااااااااااااااات الواااااااااااااااااااحه واااااحشيني موووووووووووووووووووووووووت
  4. @maalm_agyal

    صاحبة الموضوع
    معلمة أجيال
    ها أنا أعود من جديد بعد ماجت ذا المتعسة وأشغلتنا الله لايشغلنا عن طاعته وين كنت موصله!!!!؟؟ عند الحكومه أصبروا اجل بزين قعدتي وبتواسى دام الدعوى فيها حكومة ام العيال المشغولة وش حلاوته !!!!حلاوة بحرينيه والا حلاوة شيل الشعر!!!!! منتو…
    مسمس خلاص جيت قولي يانهار مطولك


    المسلمة الحرة
    المخرج عاوز كدا والا لو علي ماسلم ماودي تقرن السلام وماتردن همن استاثم بكن


    إن شاء الله إذا الله عطان عمر بيجي يوم ونزل موضوع ولا أكتب فيه إلا كم كلمة همن تجن تقولن وراتس ماسولفتي علينا وقولكن أنخسن بس هما قرقي مايقضي هذاو قضى<<<<الظاهر ولا بالأحلام


    الله يسلمتس مير عقب ذي طاب خاطري الله لايخليني


    من قالتس اصلا إننا كاشتين بالضحيه!!!!!!
    يوم نكشت قبل يدخل ذي الحجة أصلا بس لم يتسنى لي إنزال الموضوع إلا في عيد الضحية


    النذالة خالتنا


    والله لو يرضع مع ابليس نفسه ماظن أقدر اقطعه ماش احسه من أساسيات الحياة


    آمين ويغفر لجميع أموات المسلمين


    هاللبن اللي تقولين عنه مانيب أواديه لاهو ولا الحليب وآخر خبري بالحليب يوم أنا بصف اول ابتدائي كانت أمي تغصبن اشربه الصبح وانا تسبدي تلوع تقل متنسيتن بوه وترى ماكرهن بالحليب إلا الطبقة اللي تتكون فوقه من شفته وانا ماواديه بس يسدن حب المصدر وش ابي بالحليب دام البقرة بقلبي وعلى قولة طلال مداح الله يغفر له مادام معاي القمر مالي ومال النجوم<<<<<كني مسكت خط بالغلط


    ماقول إلا الله يخلف على رجلتس واخزياه لاتحطين راسك براسي ترى أنا ماهنا عيال يعقلونن البلا انتي وش خليتي للبزران


    ماشاء الله عليتس يامسمس تعجبني فطانتس ونباهتس موب مثل اللي يقرن ومايدرن وش أنا اقول لو قلت لهم دينصور مشت عليهم
    سلمتس الله حنا متواعدين نطلع حنا واختي يعني أختي جت مع رجله وعياله وتلاقينا بالدهناء تبين أعيد لتس تعريف الدهناء!!!! <<<<فرحانة بالتعريف احس الشوي الوحيد اللي كان مفيد من الموضوع كله


    كله منكن اطلعن الواحد من طوره <<<<على فكره وشو طوره!!!!!!


    الله يسلمتس عاد النوبة الثانيه سيروا علينا نمشي نص الدرب وانتم نصه ونلتقي هناك


    الله يبارك بعمرك


    مادامه في بطنك ماظنه سؤال الله العالم إنهن غازات مير روحي للحمام الله يعز الجميع وطلعي اللي وراتس ودونتس والمرة الثانية لاتكثيرن من بلع التمر يقولون يجيب الغازات


    قلت أنتس فطينه وهذي ام الفطانه بس مخلوطة ابلاغه
    ياوخيتي اهلي مايشربون الببسي مقاطعينه بس أنا وخواتي الثنتين والبزران والشغالات بس ترانا شارين يجي 15 علبة بس مادفناهن كلهن خبرتس الشغالات مايحبن البارد والبزران يصخنون لاشربوا بارد فدفنا اللي يزينا حنا <<<<كل وحدة بتشرب 2


    أم تأبط شراً

    الله يبارك فيتس بس وين الفول هالمرة وراتس ماجبتيه معتس تعودت التميز علي والفول عليتس!!!


    فشلتن منتس مير ولا تزعلين النوبة الثانيه<<<< والا ناويه موضوع ثاني!!!!


    وش أنت يالزعفراني !!!؟؟؟


    اجل ولمي براطمتس للموضوع الجديدي عسى سكاكينكم ماخربت عقب الضحايا


    ياخيه انا اشوف الناس لاصار بهم مرررررر ماياكلون وانا تصدقين آخذ هالحبة ومصه شوي ولاجابوا شي يوكل وهي مابعد خلصت الحبة اطلعه من افمي وآكل من هاللي جابوه همن ارجع امصه من جديد
    الواحد بيمتع عمره ومرده للقبر مير خلي الدود لابغى ياكل شي يلقى شي يواجه و ياكله الله يثبتنا بس


    قصم الله ظهرالعدو إيه والله تقل البر لتس لحالتس مابوه ابن ابوه إلا أنتي واللي جايتن معهم
    وكل البر يصير لتس حمام الله يعزتس كل شوي تغيرين المكان تعرفين الواحد يمل ويحب يغير المكان اللذي يقضي فيه حاجته


    البلا ننقعد كل شوي ننقل هالرواق ونطقه بمكان جديد ؟؟
    أنا لادخلوا البزران الحمام ماشتهيه موب عاد رواق يقاله حمام



    لا ابشرتس يحبن البر لانهن أكثر من وحدة تستاسع صدورهن هناك أما لاصارت لحيلته الله لايلومه غذا مابغته كان مانخليه تقضب الأرض فلانه روحي جيبي فلانه خوذي ودي



    يختي نستحي نقدم للبعارين فضله حنا لابغينا نعطي احد شي نعطيه من راس موب ملمس


    زين انكم بذا منتوب بالدمام بعد لأن اهل الدمام السروال يسمونه هاف يعني عطن سروال من ذا وسروال من ذاىولا وش رايك يامسمس<<<<<يازيني ساكته



    الله يرج العدو زاد تذيهني مثلي اول شي اهرج هرجنا وغذا مافهم قلبته هندي


    حتىذي مانفعت يقالني مره بسويه ودخلت السدحان بلا عربيه بس باخذ غرض واحد واخته بس قلت بدور شوي وابدا اشيل بيديني همن رحت جبت سلة وشلته وبديت اجمع به يوم وصلت لآخر السدحان وتخدر ايدي من ثقل الأغراض وجدع السلة بالأرض وانكس لأول السدحان اروح اجيب عربيه ويوم جبته رجعت اجمع الأغراض اللي ماشريتهن يوم معي السلة عشان ماقوى اشيلهن
    يعني ماسويت شي مير صرت اقصر العنوة وآخذ عربيه وبقلع وادرين يالفلوس




    لو اجيب امي عنكم كان عرفتي من تخلين النوم له
    امي عنده قانون (نام بكير تصحى بكير وإن مانمت بكير برضوا حتصحى بكير غصبن عنك لأني بتقعد لك)) <<<ترى امي سوريه راضعه من أم جيرانهم القصمنجيه


    الله يجزاك الجنة ويسلمتس ويعافيتس


    علمي مسمس وغيره من البنات


    وش اسوي كل ماكتبت شي تقل شي يردن ويقول هالجملة امسحية ماتصلح وقضى الموضوع وانا أمسح


    إيه والله والله لايهينتس دوري بوه على بنات الواحة كلهن


    الله لايحرمنا من هالجملة اللي ترد الروح وتشرح الصدر

    ييزي مسمس وأم تأبط اخذن كل نشاطي وطاقتي
    لي عودة للرد على البقية

تابعي تجارب أخرى من هذا القسم.