شاركي في النقاش

سجلي الدخول لإضافة تعليق.

التعليقات

48
  1. @dream22

    الحمد لله على عطاياه انا بتجيني البنت الرابعة وماقلت لزوجي الى الان مالي خلق لضيقة الخلق لان وده بولد لكن قدر الله وماشاء فعل واكيد انها خيره لنا من الولد
  2. @dramh

    الله يتمم لك حملك على خير
    البنت اذا جات البيت تجيب لاهلها 7 ارزاق
    انشا الله 7 الارزاق هذي تكون واسعه عليكم يارب ..
    قال الله تعالى ( واذا بشر بالانثى ظل وجهه مسود وهو كظيم )

    والشي هذا مو من عاداتنا احناالمسلمين هذي من عادات الجاهليه

    الله يقول ولان شكرتم لازيدنكم
    اهم شي انتي مع زوجك تشكرين الله على كل نعمه وانتو مقتنعين بعطايا ربي ورزقه عليكم

    وربي يفرحك في بنتك وتعرسينها وتعرسين عيالها كمان
  3. ما أقول إلا الله يهديهم كله نعمة من عند رب العالمين،،
    على فكرة سبحان الله أنا حامل في ولد بس بعدني ماخبرت أهل زوجي ولا بقول لهم لين ماأولد بالسلامة والسبب إني أول كنه في بيت أم زوجي بس طبعاً أصغرهم كلهم لني متزوجة وأنا في العشرين المهم بعد ماكملت سنة أذكر أخو زوجي تزوج وحدة عمرها 25 سنة وقمت ألاحظ على زوجته تعايرني بطريقة غير مباشرة أنها راح تحمل وتجيب الولد اللي أنا ماجبته لهم وطبعاً السبب عندي تكيس مبايض وأنا وزوجي أساساً ماكنا نبغي اطفال في أول سنة وكنت مب عارفة اني عندي تكيس إلا بعد ماكملت سنتين من زواجي.

    المهم زوجة حماي بالصدفة اكتشفت عندها تكيس مبايض مثلي بس هي اكتشفت هالشيء من أول شهر لأنها كانت تبغي تحمل من أول شهر المهم بعد علاج ثمان أشهر متواصل حملت زوجة حماي وسبحان الله كانت كثير تعايرني وتقول جدام أم زوجي أنا راح اجيب لكم ولي العهد وراح اسميه محمد الاسم اللي أنا نفسي اسمي ولدي فيه بس وكانت كلما يسألونها انتي حامل بولد ولا بنت تقول لا ولد وتخيلوا انها كانت مجهزة كل شيء باللون الازرق علشان انه ولد بس بتصدقون لو اقول لكم انها مب مشيكة على جنس الجنين بس كانت تقول انها حاسة وكل أهلها يجيبون ولد البكر .

    المهم قبل الولادة بكم يوم كانت توصي أم زوجي تقول لها لمن أولد حمود"محمد" شيليه بيدج واقري عليه وسميه بنفسج وكانت تقول هالكلام جدامي وتضحك المهم وقت الولادة صارت حالة البيبي حرجة لأن الحبل السري كان ملتف على البيبي فاضطروا انهم يسوون لها قيصرية .
    وتصدقون بنات أن أم زوجي وخواته وكل أهلها كانوا مب موجودين طول الليل كلهم راحوا البيت الساعة عشر المساء علشان يرجعون الصبح بس اللي بقى أنا وزوجي وزوجها ولمن سووا العملية الساعة وحدة بالليل كنت أنا أول وحدة أدخل عليها وشلت البنت بعد ساعة من ولادتها وكانت بنوته حلوة مرة .

    بس لاحظت انه أبوها كان كثير متضايج ووجه عابس لمن عرف انها بنت فكلمت زوجي يفهمه ان البنت هبة من الله ونعمة وهي بركة بالبيت مايصير انه يزعل على هالنعمة المهم رضى وشال البنت .

    وثاني يوم الصبح سمعت أخت زوجة حماي تقول ان أختها كانت تبكي كثير انها ماجابت ولد وكانت مب مصدقة ان هذي بنتها وتقول انها ماجابت بنت بل جابت ولد .

    سبحان الله بعد ولادتها بشهر أنا حملت كانت أم زوجي فرحانه ودايم كانت تطبخ لي الأكل اللي أحبه وتنصحني بأمور الحمل وتقول انها تتمنى أجيب لها ولد بس أنا وزوجي كنا نقول عادي عندنا ولد أو بنت وللعلم زوجي نفسه ببنت بس دايم يقول"اللي يجي من الله حياه الله".

    أذكر مرة كنت أشكي من ألم في الجهة اليسرى من أسفل بطني فقلت لأم زوجي عن هالألم تخيلوا شو قالت لي ؟؟؟؟

    قالت لي لا لاتقولين في جهة اليسار لامتأكدة!؟
    أجل أكيد انتي حامل في بنت قالتها وهي عابسة ومن يومها لاحظت اهتمامها في قل كثير حتى الأكل اللي بخاطري ماصارت تطبخه ولا صارت تسألني عن حملي، ولا صرت بأي شهر،

    علشان جي نفسيتي صارت مسدودة وفضلت اني اسكت وماقلت لا لأم زوجي ولا أحد من أهل زوجي اني حامل بولد حتى زوجي لمن لاحظ عدم مبالاة أو اهتمام أمه فيني بروحه قالي لاتخبرينها خليها بعماها.


    بس اكتفيت بأمي وأخواني اللي كانوا فرحانين علشاني بس كان عادي عندهم لو كنت حامل في بنت أو ولد وأنا وزوجي بعد نفس الشيء كان عادي عندنا لو كانت بنت كفاية الحرمان طوال اربع سنوات بس الحمدلله على كل حال وهذي قصتي والسموحة عالتطويل .
  4. @gna_16

    سبحان الله رجعنا لايام الجاهليه فى كثير من تصرفاتنا وامورنا
    اللهم انا نسالك العفو والعافيه
  5. @am_saad_osaaod

    سعوديه من قلب
    يا شيخه روحي الله يرزقني ويرزقك بالولد الصالح والسليم آآآآآآآآآآمين خليني اقول لك عن حالتي انا ام لبنتين الله يحفظهم ويخليهم لي والان حامل وانا من اول حمل وزوجي واهله يقولون ما نبغى بنت نبغى ولد وكاني انا الي باختار وجات بنتي الاولى وتضج…
    وش هذا؟؟؟؟؟؟؟؟؟
    في أحد يفكر بهالطريقة ؟؟؟

    استغفر الله وين عايشين حنا؟؟؟

    هذا كله بيد الله والا العيال بالبقالة نروح ونختار اللي يناسب !!!!!

    الله يعينك عليهم ويرزقك بالولد الصالح يارب

تابعي تجارب أخرى من هذا القسم.