مشكلتي بس بس شكل زوجي يعني غير وسيم بالمرة...لا تستهينون في مشكلتي

عزة العربي:
اختي ماراح استغرب من اللي كتبتيه وفعلا انا نفس الشيء حدث معاي ثاني يوم ملكة ردود افعال خلتني انصدم في اختياري ...تخيلي ثاني يوم وحدة قريبتي شافتني بالجامعة تقول لي ما توقعت شكله كذا ..انا حاسه فيك ...اختي ياريت الاخوات يستطيعون مؤازرتك والوقوف جنبك لا اريد ان اتركك وانتي على هذه الحالة اتمنى مساعدتك ولكن انتي ترين بنفسك لا امللك الحل لنفسي الا الصبر ولو من اجل الاطفال أختي فعلا كما قلتي الله سبحانه وتعالى سوف يعوضنا خير ... اختي اتمنى انك تكتبين مشكلتك بشكل منفصل حتى يتجاوب معاك البنات ويعطونك الحل المانسب اللي تقدرين تغيرين الصفات الغير محببة في زوجك مثل انه يحافظ على الصلاة..والاهتمام بالنظافة ...أختي اتمنى اني اتواصل معاج على طول اتمنى اوقف جنب اخت فعلا انا حاسة بمشكلتها

اختي الحبيبه
ممكن يكون معك حسد او عين لا تقولين احيانا احبه طيب هي كذا العين احيانا طبيعيه واحيانا متنرفزه وكارهه كل شي
وداومي علي قراءة البقره مع الدعاء بالحاح ان الله يجمل زوجك في نظرك وعيالك
اما بالنسبه لعيال والله حتي لو مو حولين بشوفهم قمر والله حتي لما يعلقون اهلي او اي احد علي زوجي او ولدي لازم ارد والله ولدي احسن من عيالكم كلهم والله ياولدي بكره يكبر وبناتكم كلهم يجرون وراه
والرجال مايعيبه الا جيبه
بس حاولي ماتصدقينهم وتفكرين في الموضوع لانه احيانا تشوفين احد يكون عاجبك بمجرد محد يقول سمله يافلان شوفي كيف شكله فيه كيت وكيت
اكرهه
فحاولي انك تستغفري
واتركي الدش ابو البلاوي

عزيزتي بعد التحيه صدقيني ان الناس اللي قاعدين يلمحون لك ويقول ان زوجك مو وسيم ان كله من دافع الغيره والحسد واذا صار شئ الله لايقوله بتشوفين الناس اللي كانت تسبلك فيه مقترنه فيه عاد ذاك ا لوقت ماينفع الندم "اذا فات الفوت ماعاد ينفع الصوت " الله لا يجيب الاحداث هذه لكن حبيت انبهك والله يجمله ويحليه ويزينه في عينيك ويرزقك القناعه فيه

شوفي يا عيوني انا حاسه بمشكلتك لاني مريت فيها وياليت الاخوات مايستهينون بهالمشكله ويحسون انها تافهه
شوفي من واقع تجربه كنت متزوجه رجل وسيم وصغير وذقت معاه المر وكنت احبه موت بس الحمد لله ربي فكني منه لاني كرهته من افعاله وتصرفاته ولا عدت اشوف فيه اي جمال بالعكس كنت اشوفه قبيح من قبح افعاله معي
وبعدين تزوجت زوجي الي انا على ذمته الان اكبر مني يمكن ب12 سنه وغير كذا غير وسيم ابدا
بصراحه بداية حياتي كنت ما اطيق اطالع وجهه غصب عني لدرجة كنت انفر منه وما ابي اجلس معه فتره طويله بس كنت ما اوضح هذا الشي عشان ما اجرح مشاعره وجلست على هالشعور فتره لدرجه حتى في المعاشره الزوجيه بس اجامله لاني كنت ما اطيقه
المهم هو انسان حنون جدا كريم جدا يحبني موووووت ولما شفت منه هالتصرفات مع مرور الوقت رق قلبي وبدات ادعي دعوة معينه وكنت اقول يارب اللهم ازرع حبه في قلبي وازرع حبي في قلبه حتى يوم كنت اخذ عمره كنت ادعي هالدعوه من صميم قلبي والحين !!!!!!
بعد عشرة سبع سنوات يارب لك الحمد صرت اموووووت عليه وما اشوف بالدنيا اجمل منه لدرجة اني اسال نفسي كيف ما كنت اشوف ميزاته هذي كلها ولا بعد صرت اغار عليه واحس صرت انا احبه اكثر من ماهو يحبني
فلذلك يا اختي عليك بالدعء الصادق من صميم القلب وانظري الى نصف الكاس الممتليء ودائما ذكري نفسك بحسناته الكثيره واحمدي الله على هذه النعمه وان الله لا يغير ما بقوم حتى يغيروا ما بانفسهم