شاركي في النقاش

سجلي الدخول لإضافة تعليق.

التعليقات

3,000
  1. السلام عليكم ورحمة الله وبركاته

    صباح النور و الورد والزهور

    كيف الحال و الاحوال وشن اخر الاخبار

    امواج
    وينك يالغالية , انشاء الله خير, ياريتك بعتيلي رقم تليفونك راني كلمتك و اطمنت عليك

    امشيمشة
    عاد تعالي هدرزي علينا الموضوع موضوعك و احني ضيوفك


    ام محمد
    صارلك زي اول ما حولت من تورونتو لهاملتون قعدت قريب 6 شهور اني نمشي لتورنتو بش نجيب اللحم لكن توا خلاص عرفت هاملتون باهي و تعودت عليها
    واليوم انشاء الله انكلمك بعد صلاة الظهر

    سلفية
    شن اخ اخبارك , مشتي للسوق, نسيت تقولك اني لما مشيت يوم الجمعة لتورنتو لقيت زارا مداير تخفيض رهيب قفاطين الحفلة و الطلعة ب36 دولار اني اخديت واحد بيج حتى راجلي الي ديمة ما يعجبه شي {لان امه ما تشري الا من فرنسا من الشنزيليزي} قالي حلو و راقي

    حياه حلوة
    سلمك نشادة , حني كويسين والحمد لله
    اللطف خيره الباص ما يستناش و لاتتعقدي و لاشي , الله غالب من هني وجاي انزلي استنيه انت و خلاص
    و الله يوفقك و يسهلك امورك

    غادة
    معليش نكتب في اسمك لانه حلو خير من جي ليبيا
    شن اخبارك , انت وين ساكنة في ليبيا كان ما فيهاش تتطفل و ازعاج
    وانت منين متخرجة و شن تشتغلي والا لا {اني طبيبة مع وقف التنفيد }
    بالنسبة لعلاج الشعر اني لما نروح لليبيا بنمشي نشريه كله و الله يعطيك الصحة علي الافادة

    اريام الحنين
    كيفك و اش اخبارك و كيف صغارك
    اريام الماكينة متاع الرشتة تلقيها باذن الله ,انت اسألي البياع علي ماكينة الباستا لانها ايطالية و يستخدموا فيها في صنع الباستا

    لوشا تحول والباقي وينكم
    انشاء الله تكونوا بخير
  2. aionisahara
    السلام عليكم ورحمة الله وبركاته صباح النور و الورد والزهور كيف الحال و الاحوال وشن اخر الاخبار امواج وينك يالغالية , انشاء الله خير, ياريتك بعتيلي رقم تليفونك راني كلمتك و اطمنت عليك امشيمشة عاد تعالي هدرزي علينا الموضوع موضوعك و اح…
    كيفكم ياحلويين

    اختى حياة حلوة ؛
    انشاءللة راح ادور عليها فى محلات الادوات الكهربائية واذا حصلتها لك الشكر .
    اختى ام محمد ؛تسلمين عالسؤل الحمدللة كلنا بخير من ناحية التربية اللة يعين . خصوصا ابنى ابو 8 سنوات يغار من التؤم لانى مهتمة فيهم واقول لة انت رجال ولكن للاسف رجع صغير .اللة يخليلك اولادك اكيد اللى بينهم 11 شهر يكونوا زى التؤام.
    عيونى سهارا : الحمدللة كل شى تمام .يمكن تكون موجودة الالة لانهم بالسوبر ماركت يبيعوا الباستا طازة .انشاءللة الخميس اروح للمول ابحث عنها لان الخميس عندنا تسوق متاخر للساعة 9 مساء .
  3. @mshymsh

    صاحبة الموضوع
    em mohamed
    السلام عليكم ورحمة الله وبركاته كيف الحال وشنو الاخبار ؟؟؟ امشيمشه عاش من شافك والحمد لله على وصولكم بالسلامه وان شاء الله بسلامتكم وهناكم ,,,, ان شاء الله استقريتوا وكل شيئ تمام ؟؟ ما نحسابش التحويل صعب هكى أنا ما زال ما تميتش وكل مره ان…
    تعيشي واتشوفي ياوخيتي ام محمد او الله ايسلمك الحمد لله واخيرا
    اوصلنا واستقرينا او فعلا ما اقلش من التحويل وخصوصا بالصغار سلامتهم
    لكن الحمد لله بمجرد توصلي تقعدي اضمي بالشوية عليك مش زي لما بتطلعي
    وان شاء الله تو انكلمك سجلت رقم نقالك او سلميلي علي السنافر :26:
  4. @mshymsh

    صاحبة الموضوع
    aionisahara
    السلام عليكم ورحمة الله وبركاته صباح النور و الورد والزهور كيف الحال و الاحوال وشن اخر الاخبار امواج وينك يالغالية , انشاء الله خير, ياريتك بعتيلي رقم تليفونك راني كلمتك و اطمنت عليك امشيمشة عاد تعالي هدرزي علينا الموضوع موضوعك و اح…
    اهلين عيوني كيف حالك او شن اخبارك او سلمك نشادة ياوخيتي
    او بالنسبة للموضوع هذا موضوعنا كلنا ياغالية غير قلت خل انديره
    بيش نلتموا فيه لان العام اللي فات كان في موضوع حاطاته وحدة ليبية الله
    يذكرها بالخير واتسكر فقلت خل انعاوده بيش نتلاقوا ثاني او ربي ايونسنا ببعض
    وان شاء الله نستفيدوا من بعض والبنات كلهم ما شاء الله عليهم ربي ايوفق الحميع
    ان شاء الله :26:
  5. @mshymsh

    صاحبة الموضوع
    مشيمشة
    اهلين عيوني كيف حالك او شن اخبارك او سلمك نشادة ياوخيتي او بالنسبة للموضوع هذا موضوعنا كلنا ياغالية غير قلت خل انديره بيش نلتموا فيه لان العام اللي فات كان في موضوع حاطاته وحدة ليبية الله يذكرها بالخير واتسكر فقلت خل انعاوده بيش نتلاقوا ثا…

    امواج
    وينك يا حبيبة معش بنتى وشن حال الصغار ؟
    ياريتك اطمنينا عليك راهو نستنوا في طلتك :(

    :26:

    سلفيه
    كيف حال صحتك والحمل ان شاء الله امورك طيبة؟

    :26:

    غاده
    كيف حالك او شن اخبارك ان شاء الله كويسة ؟
    سلم ايدياتك علي الماكلة الحلوة او ننتظروا منك المزيد

    :26:

    حياه حلوه
    ان شاء الله تكوني بخير وان شاء الله تكون حياتك ديمه حلوة يا حبيبة :)

    :26:

    اريام
    كيف اخبارك وكيف اولادك
    ربى ايعينك على تربيتهم وتنشئتهم ,,,

تابعي تجارب أخرى من هذا القسم.