شاركي في النقاش

سجلي الدخول لإضافة تعليق.

التعليقات

3,000
  1. @mraaaaaam

    السلام عليكم
    كيف حالكم كلكم وانى رانى متابعتكم وديمة نقرأ فى هدرزتكم وتونس فيا الحق ينقال لكن اغلب الاحيان منلقاش وقت للرد
    والليبيات الجدد اهلا بيكم فى تجمعنا اللى نشموا عليه فى صنة ليبيا خخخخخخخ
    المهم اكيد بتعرفوا اخر اخبارى والله مكسدة والصغار امتحانات وانى راسى وراس الوليد الصغير
    وتطيب وصغار والنهار فيسع ما يفوت سبحان الله
    اختى دى ليون
    والله صدقتى ان فى الغربة الواحد مفتكى من القرمة والدوة والله وخيتك مشيت لليبيا الصيف اللى فات
    وما يخلى مجلس من الغيبة الله المستعان واللى تنصحيه يهيج فيك
    والغيبة صارت فاكهة المجالس
    والناس معاش تقدرى تنصحيها ولازم تجاريها وخلاص>>>> يعنى نفاق مجاملة الامور تمشى تمام
    وكانك بتقولى الحق تكرهك الدنيا كلها معليش وخيتكم مقهورة من مواقف مظلومة فيها وما لقيت الا انتم نفضفضله وانتمك ادرى بالحال:09: :30:
    ويا بناويت انى عندى مشكلة مع صغارى
    والله صايرة عصبية معاهم وخصوصا بنتى بكريتى عمرها 11 ونحس فى روحى جافة معاها
    ومش عاطيتهم حقهم من الحنان :30: يعنى والله نحس فى روحى شريرة
    بالله اللى عندها طريقة كيف نتعامل معاهم:(
  2. @slfy_1_1

    مراااااام
    السلام عليكم كيف حالكم كلكم وانى رانى متابعتكم وديمة نقرأ فى هدرزتكم وتونس فيا الحق ينقال لكن اغلب الاحيان منلقاش وقت للرد والليبيات الجدد اهلا بيكم فى تجمعنا اللى نشموا عليه فى صنة ليبيا خخخخخخخ المهم اكيد بتعرفوا اخر اخبارى والله مكسدة …
    كيف حالك يا مرام انت والعويله اسمعى باش تابعينا ومتردى علينا هدا حال راهو ما يعجب ديرى لروحك حل وردى خودى من وقتك حتى خمسه ادقيق
    وبالنسبه لعلاقتك ببنتك انتبهيلها كويس بنتك توا بتمر بمرحله المراهقه وهى محتاجه لحنانك وعطفك عليها حاولى تتقربى منها وقوليلها كلمات حلوات وارفعى من معنوياتها زى ان تستشيريها فى بعض الامور هدا الشى اعزز ثقتها بنفسها وبيك وعامليها زى ما تعاملى ولدك الصغير ضميها وبوسيها وعبريلها على حبك ليها وانك فرحانه لانها بدت كبيره وتبيها تكون صديقتك وحاولى ان ادخليها معاك للمطبخ وتقوليلها انها كبرت وبتبدى تعلميها بعض الاكلات الساهله زى كيكه اى شى اخر وتكونى انت معها طلعيها معاك فى الزيارات النسائيه وفى السوق وحاولى تساليها على رايها لما تبى تشرى حاجه ليك او للحوش وخليها تختار حاجاتها هى بنفسها وانت ما عليك الا انك توجهيها بالنصيحه ومش بالفرض
    هى توا محتاجتلك وانت فى نفس الوقت تونسك وخاصه انك فى غربه

    الموضوع حلو للنقاش وفيه هلبه جوانب ياريت كلنا نحكو فيه

    ويارب احفظلنا صغويرتنا
  3. @am_mody_omymy

    G Libya
    السلام عليكم كيف حالكم اليوم ومرحبتين بخواتنا الجديدات اللي انضموا لينا ام مودي وميمي اهلا بك ونراجوا في هدرزتك معانا مش تهربي ليبيا قلبي للاسف ماصورتاش الدونتس ماهو كنت مشغولة هلبا ولكن نراجي في الدونتس متاعك فراشة يا غال…
    صحيتي ياغالية لانك اهتمتي وسلمتي

تابعي تجارب أخرى من هذا القسم.