كتبت الله فوق كل شي ,,,,, ملتزمة وتزوجت واحد عاااادي ......

السلام عليكم ورحمة الله وبركاته......... يبناااااات عليكم بدعاء فإن الدعاء يرد القضاء أقولكم عن تجربتي أنا ولله الحمد من أسرة محافظه ولأزكي على الله أحد عندماكان عمري 15 بدأت أقوم الليل وأصلي الضحى وأحافظ على النوافل وخصصت كل يوم قراءة جزء من القرأن وخصصت كم صفحه حفظ للقرأن وكان ذكر الله مايفتر على لساني وكنت أشغل وقتي بقراءة الكتب الدينيه في الفقه والحديث وغيرها ولله الحمد وكنت أدعو الله بأن يرزقني بالزوج الصالح وسبحان الله بعد ماداومت على هذه العبادات حوالي 5أشهر جاء ولد عمي خطبني فوافقت وكان ولله الحمد مثل ماتمنيت ملتزم وكان خير سند لي في فعل الخيرات والطاعات والحمد الله......

الجهادي كل وحده تتمناه انا وحده اتمنااه واخواتي يتمنونهم
واسرتي يتمنونهم والمسلميين كلهم يتمنونهم
ماقلنا شي لكن( الجهادي صح) مو اللي يروح كم شهر ويرجع
بخرابيط مالها اول ولا تالي
وللمعلوميه المسلمييين منقسمون الى فرق كثيره كلها بالنار الا
اهل السنه والجماعه
وهذا مااخبر عنه النبي صلى الله عليه وسلم
اخيتي لاتقدسي جماعه ككل يعني كل المجاهدين واحد والله اني
اعرف مجاهدين امهاتهم قائمات خيرات يدعون عليهم بالموت
من البدع اللي جابوها
انا ابي ابين لاخواتي اللي لسه ماتزوجو ويضنون ان الجهادي
دائما صح اقوللل لالالالالاوالف لا فيه منهم من كفروالعلماء
وفيه منهم من تالواعلى الله بالتعدي بتفسير القران
يعني الدنيا فيها فتن كثييره هذا الشي لايرضي الله ولا رسوله
وفيه منهم من ادعو انهم المهدي المنتظر والسجون والواقع
يشهد بذلك ليس المخبر كالمعاااين احذرو يابنات فاذا جائكم
خاطب اجلسو معه واسئلوه او كلموه ولا تنجرفو وراء مبدا
التعصب والتبعيه فتضيع اسره كامله
وتمهلو فيه عقائد فاسده فيه افكار غريبه بتتعبون ولكن اذا تمهلتم
وتناقشتم ماراح تندمون
يعني فيه جهادي ذهب لانه تحمس من انشوده فقط لاعلم شرعي
ولاشي وهذا رجع بعد كم شهر واتلف الجواز بسرعه وجائنا بالافكار
الغريبه الهدامه
وفيه جهاادي ثبته الله لانه يحمل كتاب الله والسنه والعلم الشرعي
وهذا ثابت وهو اللي كانت اختي تتمناه ولكن جائها الاول لماذا
لانها عاندت واصرت وقدست وعممت الفكره على الكل
وهذا هو الخطا بعينه فاعان الله كل من ابتلاها الله بهؤولاء
(اهل البدع)اتمنى ان الصوره اتضحت واتمنى اني انقبل برسالة
الماجستير بهذا المجال

هلا بنوتات شخباركم..

حبيت ادلو بدلوي>>>اخص ياللغة الفصحى

قبل لااتزوج كنت اتمنى واحد متدين بس ماكان شرط بالنسبة لي ..

والله رزقني بزوج طيب وخلوق ويصلي لكن مش ملتزم ومدخن..

وعشت معه اربع سنوات وانا مفتله عالآخر يعني زوجي فري شوي وابوي عكسه تماما فلقيت ان الزواج كان متنفس بالنسبه لي ..

لبست عباية غير العباية اللي تعودت البسها اخذت راحتي بسماع الأغاني وصرت اروح لصحباتي ونطلع سوا لمطاعم ومتنزهات الخ...من الأمور اللي كنت اظن انها سبب للسعادة..

وقبل سنتين وزيادة من الله علي بالهداية وتركت كل هالشغلات وصرت احسن من اول وانا كثير مبسوطة بالتغيير اللي صار لي ..لكن عندي مشكله..

ان زوجي انسان مش ملتزم لكن الحمدلله يصلي اغلب الصلوات بالمسجد ولكن لايترك فرض ابدا ويصوم النوافل ولله الحمد..

واحترم رغبتي في عدم سماعي للأغاني ولكن لازلت اعاني من مشكلة التدخين احس بأحراج وانا مظهري يوحي بالألتزام ومعي واحد مدخن..

او بعض المرات بالسيارة يستمع للأخبار مثل الجزيرة وغيرها ويحطون ميوزك بين الأخبار واتضايق كثير بس ماودي اغثه واكتم على انفاسه ومرات هو من نفسه يوطي عالصوت ومرات يسوي نفسه مش منتبه..:22:

علشان كيذا بعض المرات اتمنى لو تزوجت واحد ملتزم يعني على ديني وعلى زمن الفتنة ..والحين صار لنا 7 سنوات ماشاءالله تبارك الرحمن وان شاءالله العمر كله..

ولكن زوجي حريص على ثباتي وأسأل الله الهداية لي وله..وان يجمعني به في جنات النعيم..

واعتذر عن الأطاله بس حبيت اقول تجربتي..

النصوحة

سبب عودتك للالتزام هو تربيتك الصالحة فهي كذهب قد يصيبها الغبار لكن لا تتغير
بالاخير الزوااااااااج قسمة ونصيب

أخواتي لقد من الله علينا بنعم عظيمه لاتعد ولا تحصى اللهم اجعلنا من الشاكرين الحامدين
من الله علي بالهدايه بعد إلتزام اخي حفظه الله لنا
التزم كل البيت تدريجياً بفضل من الله ثم منه
كنت صغيره الفتن من حولي والصديقات لكن كنت ثابته بفضل من الله ثم من أخي حيث كنت نشيطه جدا في الدعوه لكل من يصادفني
كنت اتتبع اخبار المجاهدين وخاصتاً الأفغان في حربهم
يااااه ايام جميله ليتها تعود فكنت أنشط في الدعوه والعباده
لم اضع شروط لزوج المستقبل لاادري لماذا هل لأني أرى زواجي من شاب ملتزم هذا أمر مفروغ منه
كان يعجبني الرجل صاحب اللحيه أحس له هيبه
( طبعا الإلتزام ليس لحى وثوب قصير وعود آراك كثر هم من غير لحى وفيهم من الخير مايفوق أهل اللحى )
تم زواجي على حبيبي إبن عمي لآأعرفه ولآعمري سمعت صوته لأننا لم نتربى معهم
تزوجته لم يكن ملتزم كان محافظ على صلاة الجماعه كان ممن يسمع الغناء وانا كنت لااطيقه فأحترم رغبتي يقول لي مما جعلني متمسكاً بك قولهم لي بأنك ملتزمه وكنت اريد زوجه لي تحفظ غيبتي وام لأولادي لتربيهم تربيه صالحه
كنت أقول له من غير أن أخجل يعجبني الرجل الذي يطلق لحيته
آه يازوجي ليتك ذلك الرجل
كان عندما يأتي من صالون الحلاقه (وهى كانت ولله الحمد ثلاثة مرات فقط )كنت أبكي بحسره وكان يعرف ذلك جيدا انه بسبب حلق اللحيه
ايضا مما ساعد في إلتزام زوجي الرفقه الصالحة والدعاء ثم الدعاء والأن الحمد لله أصبح من الدعاة إلى الله هو حقيقة ينشغل احيان عنا لكن عندما اتذكر انه من اجل الدعوه يبرد غضبي وزعلي
واعرف بأن الله سوف يحفظنا بهذه الدعوه
فانا اقول ربما يأتيك الرجل الخلوق صاحب صلاة في المسجد مع الجماعة لاتترددي في الموافقه عليه
مع مجهودك ودعائك وان تقيضي له الرفقه الصالحه سواء اخوك او احد اقربائك سوف يكون بإذن الله معين لك على إلتزامه

رزق الله كل أخت معنا بزوج ملتزم يضع مخافة الله امام عينيه