ايش رايكم بتصرفات زوجي ؟؟؟؟؟؟؟؟؟؟

السلام عليكم ورحمة الله وبركاته


هاذي اول مشاركه واتمنى تتجاوبي معي وتساعدوني جزاكم الله خير

انا تزوجت من قريب ولاحظت على زوجي تصرفات واشك انو مافي قلبو حب لي
ارجوكم يا اخواتي اللي سبقوني بالزواج ولهم خبرة بالرجال قولوا لي اذا كانت تصرفاته دليل قلة محبه لانو لو كانت كذا انا اتمنى اطلع من العلاقه هذي قبل يجيلي اولاد وتكبر المشكله واتعذب
وانا لحد الحين ساكته وما قلت لاهلي

اولا يا اخواتي يضربني على اتفه الاسباب لحد الان اعطاني كفين على الوجه ومره ضربني بالعقال
والاسباب مررره تافهه ولما ابكي يسب فيا ويتمسخر
احنا ساكنين عند اهله واهله يغسلوا الثياب والشمغ عند الغسال فقالت لي ام زوجي هاتي ملابس زوجك نوديها الغسال كمان بلا ما تتعبي نفسك وانتي عروسه وعندك جامعه وامتحانات
ولما عرف بالموضوع ضربني وقال ثيابي تغسليها بنفسك وتكويها بنفسك


عمرو ما دخل البيت وفي ايدو شي لي وحتى لو وصيتو على شي مهما كان مهم ينساه او يقول مريت من عندو بس ما ابغى اجيبو

يعرف انو انا احب الاكل من المطاعم فما عمرو وداني الا مرتين بشهر العسل .. ولو طلبت منو نطلع مطعم يقول لي لا يالشاطره اطبخي انتي ويطلع واذا طبخت يرجع ومعاه اكل من برى وجبه وحده له لوحده ويشغل التلفزيون وياكل لوحده واذا قلت له ما تبغى الطبيخ يقول كوليه انتي

زيارتي لاهلي مره بالاسبوع وما يوديني الا آخر الليل بعد ما اترجاه واحب ايديه ويكونو اخواتي رجعوا لبيوتهم وبعدين يتصل يقول خلي اهلك يرجعوكي والا نامي عندهم

ما يغار علي لما احد يقول لي كلمه او يعاكسني مع انو نادر لاني ولله الحمد ملتزمه بحجابي الشرعي
يجلس يضحك ويقول اعمى ذا ؟؟ بعدين يقول لا تفرحي هم كذا الشباب يقولو الكلام هاذا للعوره والعرجا وام كرش ويضحك

ما عنده اي احترام لي مع اني احترمو كثير واحترم اهلو
لما اكلمو بالجوال يسكر الخط بوجهي وبدون احترام حتى ما يقول مع السلامه

بصراحه تصرفاته كثيره ومعتازه لها مجلدات

113 تعليق 10,618 مشاهدة

شاركي في النقاش

سجلي الدخول لإضافة تعليق.

التعليقات

109
  1. @olh_klby

    مرحبا حبيبتي ..

    شوفي أختي كل الخلافات في كوم وانه يمد ايده عليج في كوم ثاني ,, لو ان اللي بينكم مجرد خلافات كنت بقولج صبري عليه واتفاهمي معاه بينج وبينه لكن مد اليد ياحبيبتي لا والف لا لأن بكره بيشربك المر من كيعانك وبتصيري خلاص متعوده على الضرب ,, وانتي توك عروس فليش هذا التجبر ؟

    أنا ما اقولك افترقي عنه لكن أقول لابد تدخلين أحد من أهلك كبير عايلتكم يتفاهم معاه هو وأبوه,, بنات الناس مب لعبه ولا مضربه أصلا الرجال صدق مايمد ايده على حرمه رجاله آخر زمن ؟!

    تعالي يمكن يحس انك تحبينه وايد وشايف نفسه عليج ؟ لازم تراجعين نفسك وتعرفي الارض اللي انتي واقفه عليها ياقلبي ,,لاتخلين سنين عمرج تنقضي وانتي في هم ونكد ,, علميه يحرم يمد ايده مره ثانيه والباقي مقدور عليه ,,

    والله يسخر لج الأرض ومن عليها ياحبيبتي ,,
  2. @myyymh

    لازم تخبرين أهلك عن تصرفاته حتى ما يتساهل
    انا مستغربه كيف يمد ايده عليك وانتي صابره
    ورد الاخت وله قلبي كافي ووافي
  3. يالله


    وهالشي كله وللحين ساكته

    يعني قبل الزواج شلون كان؟؟

    طيوب وحبووووووووووووووب؟؟؟

    وتغير عقب الزواج بس؟؟؟

    تصرفاته ماينسكت عنها

    ياأما أهلك يوقفوه عند حده

    ياأمه كل واحد يروح لطريقه قبل لا يصير عندكم عيااال

    توك عروس ويضربك

    عجل بعدين وش بيسوي؟؟

تابعي تجارب أخرى من هذا القسم.