أنا متضايقه !! لين الحين ماوصلنا لحل؟؟

يا عروسة عسل شكلك من جد لسه عروسة
ترى هذا موضوع مايخليك تضايقين نفسك لهذي الدرجة
ولازم أول سنة زواج كذا مشاكل واصطدامات
انا زوجي في حملي الأول كان مايهتم إذا قلت له البيبي تحرك شوف بروح اشتري اغراض يقول مو لازم وكنت مثلك تمام ابكي واحس إني حزينة( والحين صرت اضحك على سخافة عقلي)
وسبحان الله في الحمل الثاني تغير صار يحب يعرف أخبار البيبي مع انه في الحملين نقس نوع الجنين
لكن ياحبيبتي الرجل كل مايتقدم في العمر يحب الاطفال أكثر
وبالنسبة للأسم سايرية وصدقيني بإذن الله أول ما يشوف البنوته الحلوة بيسميها أحلى اسم والا خلي أمه تحلف ما تتسمى عليه
((ربنا هب لنا من أزواجنا وذرياتنا قرة أعين)

عادي يا قلبي لا تحاتين ، أصلا أنا يوم كنت بالسادس بديت أجهز على خفيف وما بديت بالتجهيز الفعلي إلا بالسابع صدقيني يمديك انشالله بس اهم شي رتبي أمورك و سوي قائمه بالأغراض الي تبين تشترينها خلال هالمده ، و بالنسبه لاسم امه الله يعينك هو راح يصر على رايه كلما عارضتي لأن الرجال يفترضون ان الزوجه ما تحب اهلهم أو ماتبي تسمي الاسم مو لانه مو عاجبها لأ لانه اسم امه و كلما عندتي بيعاند زياده أقولك نصيحه سكري الموضوع و لا عاد تناقشينه فيه أريح لك انتي و ماتدرين من الحين للولاده شيصير يمكن يغير رايه و ان ما غير رايه عاد الشكوى لله ، ترى انا نفس حالتك هو يبي يسمي على أبوه وانا مو عاجبني الاسم و طبعا تهاوشنا و حاولت أغير رايه بشتى الطرق وما في فايده لا و أزيدك من الشعر بيت أخوه الكبير مسمي على ابوه و اخوه الثاني ناوي يسمي على ابوه بعد وهو يبي يطقم معهم شرايك !!! مو شي يجلط بس انا خلاص سكرت الموضوع ولا صرت أتكلم فيه مو استسلام مني لأ بالعكس أنا ابي اشتري راحة بالي ومن هنا للولاده يحلها الف حلال

الله يعينك حبيبتي

اصلا الرجال من اصله مايحب السوق فا عادي لاتتضايقين عندك وعندنا خير

عندي لك اقتراح ممكن انك تروحين معه مره بالاسبوع والباقي تروحين مع اخواتك او تخلين خواتك يساعدونك بالاشياء الصعبه وانتي ارتاحي بالبيت

ولا تتكلمين مع زوجك عن الحمل كثير لانهم يزهقون مو مثلنا يا الحريم نستانس ونحس بشوق البيبي

خلاص اسكتي وطلعي طاقتك مع اخواتك او صحباتك

اما الاسم لا تستعجلين الي الله كاتبه بيصر

هاديه شوي شوي وبيقتنع مع الاسلوب الهادي ان شا الله بس بعدي عن العناد عمره مايحل المشكله ابدا عندتي بيعند وهو اللي بيمشي كلامه غصب بالاخر بس حولي تخلينه يحس انك تحاولين انك ما تعندينه وتراضينه قدر الاستطاعه ووقتها شوفي اشلون بيلين لو وصله هالشعور صح والله يحننه ويعينك0

حبيبتي راح يتغير بعد ما يشوف النونو و يشوف شكثر البيبي يحتاج أشياء و كماليات

تحمليه الحين و تأكدي انه راح يتغير
لا و راح يشتري و يشتري و يقولج حطي أكثر و أكثر لا شاف النونو و حن قلبه عليه

يالله صبري و ان شاء الله أزمة و تعدي :)