قصص ولاداتكم هنا....الكل يشاااارك ويكتب

يسلمو ع الموضوع وماتشوفون شر يابنات
ولادتي كلها تعب مثلكم لكن مافيه شي غريب يذكر
لكن حضرت مع اختي ولادتها وااااااااااااه للحين مانسيت شكلها
اتاري الشوف اصعب.. وربي مسكت نفسي قدامها مسكينه تعسرت وبغو يسوون لها عمليه
لكن الحمدلله مع الدعاء فرجت
ونصيحه يابنات اللي تبي تشيل معها احد وقت الولاده لازم يكون من النوع اللي ماسك اعصابه
عاد بعد ماولدت قمت ابكي تذكرت اللي شفته هههههههههههااي
وانصحكم بعد بقراة سورة الزلزله
وجيبو مويه مقري فيها وامسحوها على البطن وتشرب منها شوي
ولازم تكوني ماكله شي مثل ماقالت بيتي دنيتي
ربي يسهل علينا

يعطكي العافية على الموضوع ...


وان شاء الله كل الخوات يشاركون فيه ...


اما عن قصه ولادتي ....


ولدت بعملية قيصرية يوم 23 \ 12 \2006 يعني قبل الموعد الي

حدده الدكتور بثلاث ايام .. وكانت ولادتي متعبه الله يهونها عليكم

لأن انفصلت عندي المشيمه لأن الدكتور الله يهديه تأخر بتحديد يوم

العملية وكان كثير يصبرني وانا كنت تعبانه وحاسه نفسي كأني راح

انفجر وكان حجم البنات ما شاء الله زين وكل شي عندي كويس بس

الدكتور الله يهديه كان يأخرني لحد ما وصلت الأسبوع 37 ..

ويوم السبت 23 \12 من قبلها بيوم تجيني اوجاع بظهري لدرجه

خلاص ماني قادره اتحمل يوم الولاده جاتني الأوجاع لحد الساعه 12

الظهر .. رحت المستشفى قالو لي الرحم مفتوح 2 سم .. يعني ولاده

وقلت لهم انا ما ودي انتظر اولد طبيعي لأن وحده من البنات راسها

فوق وكثير مرتفعه ... والحمد لله ان الله هداني ما انتظرت ..

بعدين نادو زوجي وقع ع العملية وبغرفت العمليات بسبب انفصال

المشيمة البنت الأولى بلعت دم .. وكانت متبرزه الله يكرمكم وبالعه من

البراز .. وانا كنت طالبه ابره الظهر يعني تخدير نصفي .. فشفت

ان كل الي حوالي ارتبكو .. وخفت وصرت اسأل شو صاير اش فيه

وهم يقولون ما في شي .. بعدين عرفت اني نزفت ليترين ونصف دم

وان بنتي بلعت دم وبراز .. المهم بعدين جابوها اشوفها وصارت

الدكتوره تقولي بطريقه لطيفه انها بلعت شويه دم بيطلعونهم وكل شي عادي وشفت البنت الثانية

وراحت معاي .. بس الأولى حطوها بالحضانة .. وعالجوها

طلعوني من غرفه العمليات وحطوني بغرفه العناية ثاني يوم قالولي قومي امشي شوي


والله العظيم كانت اصعب شي يعني وجع اقوي من اي شي والحمد لله الحين صارت ذكرى


.. وبعدها بيوم طلعوني الغرفه فوق ..

وبعدين كنت انزل كل يوم ارضع الصغيره .. واشوفها واطمن عليها

بعدين الحمد لله سوولها غسيل معده ورجعت اوكي ...بعد ما نشفت

دمنا من الخوف عليها .. والحمد لله الله ستر ..

بعدين طلعوها عندنا الغرفه وصار معاها اصفرار وحطولها جهاز

فيه اضاءه .. يعني معاناه ثانية لأنها كل شوي تخاف لأنها من غير

ثياب .. وما كنت انام .. لأن ما عندي بصدري حليب.. والبنتين ما كانو يسكتو

بعدين عطوني بالمستشفى حليب صناعي.. وصارو ينامو شوي ..

المهم طلعنا من المستشفى اول يوم عيد الأضحى .. الله يعين كل

وحده على نومه المستشفى تعب وارهاق .. الله يعين

السلام عليكم
قصة ولادتي ببنتي كنت في رمضانوبالتحديد في يوم 21تسحرت الله على ذاك السحور المهم صليت الفجر ورحت انسدحت كنت احس بوجع بسيط اسفل الظهر وبما اني بكريه فما اعرف شي عن الولاده
المهم نمت تقريبا ساعتين وبعدين قمت عشان الوام كنت معلمه بقريه تبعد تقريبا 60 كيلو عن اقرب مستشفى المهم دخلت دورة المياه(اكرمكم الله) وشفت افرازات مخاطيه ومعها دم ولاني اول حمل لي سقطت بعد ماشفت الموت توقعت ان الولاده تكون اصعب واطول وقت ورحت الله لايوريكم(خبلهههههه)
وبعد مادخلت للمدرسه بديت احس بالطلق بدا يشتد والمنطقه اللي انا فيها مافيه تغطيه للجوال وتلفون المدرسه متعطل يعني صكت على اختكم من كل مكان وزوجي مايجي الا الساعه 2 ابعد الظهر وابدا اتمشى في حوش المدرسه واتصبر الى وقت رجوع زوجي وركبت واااااااااااااااااااااااااااه من شدة
الالم في السياره المهم ونرجع طيران للمستشفى وبملابس المدرسه وعلى باب المستشفى انفجر ماء
الراس ولما دخلوني غرفة الكشف قالت الدكتوره خلاص ولاده وولت بعد ماسووا التوسيع وكادوا
يشقون المثانه وجلست بالمستشفى اربعة ايام الله لايوريكم لكن يوم شفت مثل القمر بسم الله عليها
خف كل اللي احس به والسلام

[COLOR="DarkOrchid"]هلا ياحوامل رجعت لكم بقصتي الطويله العرضيه قصيتي محشيه ألم وفرح
كان حمل مو صعب الحمدلله بس كان ثقيل جدا ثقل في الوزن وثقل في حجم البيبي حطني زوجي عندي اهلي في الشرقيه وهو رجع الرياض كنت عند اهلي خلصت التاسع ولا كان هناك اي بوردر ولاده لدرجه اني قعطت الامل اني اولد قلت خلاص مابدهااااااااش بظل حامل طول عمري والله خواتي ماقصرو معي وامي كانو يهونون على ذيك الايام و في ليله غبرا من الملل سويت شعري ضفاير حوالي مية ضفيره من الملل وجلست امي تضحك علي تقول انتبهي لاتجيك الولاده وانتي شكلك كذا وتخوفي السسترات المهم امي طلعت غرفتها تنام وانا جلست مع اخواني العب بلي ستيشن عاد تخيلو الوضع حامل في الشهر العاشر وتلعب خخخخخخخخ براءه المهم وانا العب كنت احس بزي المغص يجي ويروح كانت بدايته وانا مدري اصدق والا اكذب كنت بين البين ومع ذلك كنت العب كراااااااش المهم مالكم بالطويله المغص كل ماله يقوى واختكم في الله تلعب ووتعلب وبما اني كنت مره مثقفه نفسي عن الولاده ومدة طلق البكر انها احيانا تستمر يوم ويومين قلت لنفسي هذي البدايه اذا قوى الطلق بقوم امي وبعد ما خلصت لعب طلعت لغرفتي فوق ورحت جهزت عبايتي وشنطة البيبي وبطاقه العائله وجلست الي صلاه الفجر والطلق خفيف يوم جت الساعه 7 الصبح الا الطلق بدا يقوى شوي شي بسيط بعد وسبحان الله امي مو من عادتها انها تدخل علي غرفتي الصبح بس ذاك اليوم سبحان الله قلب الام
دخلت على لقتني منتصه على سريري وشنطتي اليدويه جنبي وشطنة البيبي معلقتها على طرف السرير والله بان على اميمتي الارتباك وحسيت انكسر خاطرها على شكلي قالت لي وش فيك قلت لها يمه انا احس بمغص قالت خلاص حبيتي حصل خير انزلي تحت اسويلك فطور وسوت لي كوب حليب غصبتني على شربه وانا ماحب الحليب الا بنسكافيه بس هي قالت لازم حليب ساده وحاطة لي فيه حبه سودا
المشكله الحين مين بيوديني ماعندنا يسوق ذيك الفتره الا ابوي وابوي يطلع العمل من صلاة الفجر المهم كلمت امي ابوي في العمل وجا عاد امي وابوي جالسين يسولفون معي وينكتون يوم ركبنا السياره على المستشفى ويقولون لي تذكرين يامدام دايت يوم كنتي كذا وتذكرين ذاك اليوم يبون يطلعوني من جو الرهبه شوي وانا اجاملهم واقول ايه ايه من غير نفس
الحين عاد وصلنا المستشفى دخلت الطواري لقيت ممرض رجال اخذا نوع الحاله شاف الضغط والحراره ودخلني على دكتوره قاست الرحم قالت مفتوح شوي بس ثنين سانتي وقالت لي يلا ماما ولاده فوق انا وقتها تنفست الصعداء وقلت جاك الفرج واخيرا بفتك واولد وطلعنا فوق وامي الله يخليها لي معي شايله شنطه البيبي وابوي شايل جريده عكاظ <======ياحليله يحب يقرا واجد

وادخل قسم الولاده الساعه 9وامي كانت تبي تدخل بس منعوها جت تبي تعطيني شنطه البيبي قالو لا ممنوع حتى الشنطه اليدويه حقتي قالو عطيها امك واذا جتك زياره تجيب لك شناطك قلت خلاص ودخلت غرفتي الخاصه ووقتها مانزل معي لادم ولامويات واصلي الظهر وادعي والممرضات يقولون لي امشي امشي علشان بيبي ينزل تحت وانا مااقدر من الالم اقول روحو ماقدر امشي خلوني ويمسكون يدي ويمشوني حبه حبه ويسولفون معي جلست على هذا الوضع من بعد صلاة الظهر الي الساعه 4العصر بعدها قاسو الرحم لقوه متوسع شوي قامت الممرضه جابت زي العود بلاستك ونزلت لي المويه الي حول الجنين وعاد من بعدها حمى الطلق وبديت اشد على نفسي علشان ينزل البيبي وفجاه ترارارااااااااااااااااا توقف الطلق وعطوني ابره طلق صناعي والحمدلله من عطوني اياها رجع حمى الطلق وادفع وادفع وادفع الى الساعه 7الساعه سبعه الاخت مدام دايت تعبت قبل ماينزل بشي بسيط البيبي قلت تعبت خلاص ماعاد ابي اعصر نفسي خلااااااااااااص تعبت روحو عني وقعدو الممرضات يهاوشوني يقولون حرام بيبي في يموت بسرعه لازم تكمل شدي يلا نفس طويل وانا اقول مابي تعبت قامو جابو جهاز الي يشفطون فيه وشفطوه ونزل وكان لونه بنفسجي ياحياتي كله مني<===طبعي مستحيل اكمل شغله ابدا بحماس بعدين امل واوقف

وقالو لي مبروك مدام ولد وجلسو يصفقون لي ويباركون حسيت نفسي وقتها اني طفل في الروضه:) وبعدين سبحان الله بعد مانزل حسيت بنشاااااااااااط مين يصدق قبل ثواني كنت بين الحياه والموت:09: والحين الابتسامه من الاذن للاذن عاد جت دكتوره خيطت لي ونزلوني السسترات من السرير اخذت دش وربي الدش ذاك اليوم يسوا له عندي ميه دش ياحلوه اذكر السسترات يقولون ندخل معك وانا اقول نهي نهي عيب بس ازعوجني كل شوي يدقون علي يقولون يلا وانا اقول استوني شويه وانا تحت الدش الدافي وااااااااااااو
هذي قصتي بالتفصيل واي استفسار انا احاضره[/FONT]

حلوه ((((((((نهي نهي ))))))
خخخخخخخخخخخخخخخخخخخخخ:hahaha: