يا ريت اللي من ليبيا اتخش

السلام عليكم ورحمة الله وبركاته
كيف حالكن خواتى اختى امواج البحار يعطيك عصيده خخخخخخخخخخخخ :hahaha:
انا رديت عليك فى الخاص والتوضيح بعته فى العام موش عارفه وصلك الخاص ولا تسرعتى ؟ وانا لا هاجمت الخليجيات ولا حاجه موش عارفه يمكن فهمتوا كلامى خطأ :(
انا تكلمت على أغلب المشاركات اللى فى المنتدى - الخليجيات - وذكرت على حياتهم المترفه اللى تختلف عن حياتنا نحن اغلب الليبيات ولم أعمم وأكرر لو رجعتم لم أعمم :)
موش عارفه ليش خذيتو الموضوع بحساسيه :( غريبه والله !!! على العموم انا كل سنه فى ليبيا وهلى وخواتى كلهم غادى والجاليه الليبيه هنا فى الامارات كبيرة والحمدلله على تواصل دائم مع بعضنا والحمد لله عندى صديقات كثيرات من الخليجيات ونعزهم ويعزونى واجد ولما تكلمت موش نقد ولا تجريح لا والله لا ، لكن من باب تذكير فقط
ونحب انعاودلك يا امواج رانى رديتلك على الخاص على طول ومن قبل ما نقرا تعقيبك على العام والله ، لكن موش عارفه ما وصلكش ولا تسرعتى - يعطيك الف عصيده خخخخخ-

السلام عليكم ورحمة الله وبركاته

كيف أخباركن وشنو الحال ؟
معليش مستعجله نبى نمشى للسوق قبل ما يروحوا العيال
لما انروح باذن الله انهدرز امعاكن .....
بس خشيت عدلت ردودكن الاخيره بأعتقادى افضل حتى لا يُفهم كلام أم تقى الدين خطأ
وخلاص غمن على الموضوع .

ام تقى الدين بارك الله فيك على النصائح اللى حطيتيهن
وتاكدى كلنا معاك وايدنا على يدك
وحبذا لو انحطوا برنامج لتقييم النفس نستمروا فيه مع بعضنا
لى عوده للحوار باذن الله

دعواتكن بالهدايه

السلام عليكم ورحمة الله وبركاته

كيف حالكم خواتى الحبيبات ليكم وحشه

روحت بسلامه امبارح ولله الحمد وكلنى شوق الى اخباركم قريت ردودكم ماشاء الله فيها اشياء تفتح النفس على تهدريز على ماكله طبعا هدرزتوا هلبه منقدر ارد على كل واحده بروحها لكن على السريع
بنقوللكم سلمكم نشدات
كيف حالك يا غاده ولاباس على صوبعك ردى بالك عروسه على الابواب راك
حياه حلوه لاباس عليك طهورا ان شاء الله توا هدا وقت البحر يا بنيتى زلت الوصيف فى الصيف
ليبيا قلبى تسلم ايديك على الكيكه
عيونى ماشاء الله على العصبان بالصحه عليكم والا هديكا الكيكه تريتك فالحه لاقوة الا بالله
اموج يا عسوله كيف حالك انت عويلتك وسلم الله هالقلب الرهيف اللى يثاثر بفرح وحزن كل حد ربى يرحمها ويعفرلها ويجعل مثواها الجنه الاخت اشكثر اعانى
تقربصتى كيف حالك وحال عويلتك استحشتك
مشميشه كيف حالك انت والكساد شنى درتى فيه حال والا قاعد وكيف حال الكتكيت
ام محمد كيف حالك وحال صحيحتك ربى اهنيك انت وعويلتك وكيف حال اوبيك
كيف حالكم يا مرام وهناء ومرت راجلها ولوشا وكلكم ما شاء الله هلبه وليتوا

وعندى ردين خاصين لى دات الهمه وام تقى الدين راجعتلكم

mm.t
انستينا وشرفينا كيف حالك وحال البنوته
اريام الحنين كيف حالك وحال ضيوفك ربى اونسك بيهم شفتى العصبان معليشى حتى زيك مش قادرة انديره توا
ناويتلك على نيه
اهلابيك معانا وشرفنا مرورك وفرحنا كلامك الحلو

وعليكم السلام ورحمة الله وبركاته ....
اختي وصلتني رسالتك وخليني انقلك كل شي بيش يكون كل شي واضح ...
اول شي هذا ردك الاول وطبعاً المشرفة مسحت الكلام :

وهذي رسالتي عالخاص بعد ماقريت ردك ومن غير ماارد عليك عالعام بعثتلك رسالة عالخاص :




وبعدها انتِ رديتِ عليا بالرد هذا !!! بالعكس انا ماستجعلتش لان رسالتك عالخاص تقولين انك رديتِ عالعام وهذي رسالتك :



يااختِ مازلت نعاود ونزيد مافيش داعي لتحديد الجنسيات والبلاد ...
وبالعكس ليش نصر على الخطأ وخطأك واضح فى التحديد ...
واللهِ لا حساسية ولا شي ... بالعكس كلنا مسلمين وربِ يقدرنا على طاعته ... ولافرق بين عربي واعجمي الا بالتقوي والعمل الصالح ...
طيب انا مكياجي احسن ماركة ولبسي من الماركات المشهورة خلاص انا بعيدة عن الله !!! بالعكس ولله الحمد وربِ يقدرني على طاعته كل يوم ازيد القرب فى الله "والله اعلم" ... وعندي صديقات ليبيات لو مش اغلبهم ماشاء الله موضة فى المكياح واللبس والبيت وتدين ودين ...