البكريات بس تعالو نستفيد من بعض> يرجى الانتقال لملف جديد..

مشكورات حبيباتي ملكة سبأ وقشعة عالردود بارك الله فيكم ,,
أنا الحين بالشهر الثاني بس سمعت انه الوحدة يجيها ألام قويه بالصدر لدرجة انه ما تقدر تلمسه ف متى هذا يكون بأي شهر؟؟؟ سعدت بالانضمام اليكم,,,

شعلة نشاط
هلا أختي انا لسى بالشهر الأول وموتني صدري من الوجع :(
يمكن يختلف من وحده للثانية

سلااااااام لكل البكريات انا حامل بكر باول مولود وهي بنوته ان شاء الله
انا الحين بآخر السابع وبدخل الثامن قريب ادعو لي بالسهاله
بخصوص الغذاء نصيحه لكم جميعا لا تشربو غازات ولا تكثرو من الشاي والقهوه
ولا تاكلو اكل مطاعم بالمره لان قد يكون فاسد ويسبب لك تسمم وتندمين بعدين عدل
حاولي تاكلين الموجود بالبيت كثري من السمك والبيض لانه مفيد جدا للبيبي
وشربي حليب مرتين باليوم وايد زين وعليج بالسلطات والفواكه المفيده الي ما تسبب حساسيه
مثل البرتقال والتفاح والموز والعنب
والتزمي بالحبوب الي بتعطيكي اياها الدكتوره لانها مفيده جدا للجنين تعوضه اي نقص منك بالغذاء
وعليج بالرياضه والمشي من آخر السابع عشانتصبح عنده قوه ولياقه للولاده
لا تلبسي الكعب ولا الملابس الضيقه لانها تضر بالجنين وقد توقف الدوره الدمويه بالتالي تمنع
وصول الدم للجنين ... انا البس الجلابيات الي اكبر من حجمي حتى الغالبيه مو ملاحظين بطني
من وسع ثيابي ..لا تنامي على ظهرك بالمره مو زين لك وللبيبي لانه قد يسبب لك نزيف
نامي على الجمب الايسر افضل شي للجنين خصوصا لو كان على الجمب الايمن
من تدخلي السادس اشتري اغراض البيبي كلها لانك بتثقلين بعدين وما بتقدرين على الطلعه
والفراره بالسوق وبخصوص علاج التشققات انا استعملت كريم من ماركه شيكو واستخدمه يوميا
لاحظت ان الخطوط كانت بنيه الحين صارت ورديه ان شاء الله تروح
وبخصوص حلمة الصدر انا استخدم بانثينول كل يوم قبل النوم وادعك به الحلمه عشان تلين واحاول
اعصرعشان اهيء لخروج الحليب ابتدي هالتمرين من تدخلي السابع
حاليا انا مجهزه حقيبتي من الحين عشان اجوف شنو قاصرني وما اضيع الوقت وااجل الشراء
ونصيحه مني لكم ياريت لو تطبقووها
عليكم بقراءة الرقى الشرعيه بانتضعي يدك على بطنك وتقري كل ايه بعدها تهفي هواء صوب البطن
مرتين باليوم اول ما تقومين وقبل ما ترقدين عشان ربي يحفظ لك جنينك من اي سوء قد يلحقك به

الله يهون علينا ويسهل علينا الولاده نبي نتواصل معا عشان نعرف كل وحده شلون سوت باول ولاده لها
ان شاء الله اكون افدتكم وخلونا على تواصل

بخصوص الحركه اكيد بتكون تحت لان الياهل للحين ما ارتفع ولين يرتفع بتحسين برفساته
انا انا فحسيت بالترفس عدل بالشهر السادس والخامس كان خيف جدا
والسابع بدت الحركه تقل بس احس ان بطني يعتصر لان الياهل يلف مره فوق مره تحت
والحركه تكون موجوده بس على ابطء مو سريعه
انا التقلصات فترى عادي كل مره وقت تاريخ الدوره بتجيج تقلصات لان الرحم يكبر
ويتوسع فلا تخافي منها
والله يسهل عليكم ان شاء الله

اهلين يا احلى كروشااااااااااات

انا بكريه ولانه اول حمل لنا السراحه ماتوقعت الحمل كذا

انا الحين في الشهر 7 والله يتمم علينا حملنا ويسهل ولادتنا ويرزقنا الذريه الصالحه والمعافاه

تخيلو الوحم لحد الحين مستمر معي :(

وبدا الحين تعب النوم وضيق تنفس اجلس ساعتين وانا اتقلب على السرير الين ارتاح بالوضعيه اللي انا فيها

وبدت الحين الخووووووووف من الولاده وكل ماقريت موضوع عن الولاده جلست ابكي من الخوف

والله يعين ......

للبنات اللي يحسون بغثيان وترجيع نصيحه اشربو زنجبيل مع عسل يقطع الوحم وفي بعد بالصيدليه حبوب بعد تقطع الوحم

العلكه مره مره كويسه وتريح الوحده

اللي تبغا بجايم في مذركير السراحه مره مريحه والجنزات عندهم خطيره