بنات تكفون بغيت أكل للنفاس

سلام ايش اخباركم

بنات تكفون لاتردوووني في واحده من صديقاتي والد واتفقنة ان كل وحده منا تجيب اكله ونرحلها بس

المشكلة اني مااعرف اسوي اشياء شعبية واذا كان عندكم اي فكرة تكفون لا تبخلون علي بس عندي

شرط شحات ويتشرط :hahaha: انه تكون الاكله سهله لاني حامل ومالي خلق وقفه وعفسه

تكفوووووووووون لااحد يردني :(

42 تعليق 126,992 مشاهدة

شاركي في النقاش

سجلي الدخول لإضافة تعليق.

التعليقات

40
  1. @ksymy_dlaa

    سويلها مصابيب بالبصل مرة روعة وسهلة ما تحتاج وقت ان شاءالله

    اعجني عجينة سايلة وهي عبارة المقادير على حسب كمية الطحين

    طحين بر - 4 ملاعق حليب بودرة - شوي سكر - زيت - بيضتين - وموية دافية

    تعجنينها الين تكون سايلة اخف من عجينة الكيك يعني مثل مثل سماكة اللبن تقريباً<< اقرب تشبية خخخ

    والبصل طريقتين اختياري الأولى اذا تبينة مع العجينة تطلع روعة وريحتة تجنن وهي تقطعين بصلتين متوسطة الحجم وتخلطينة مع العجينة

    اوالطريقة الثانية تسوينة كشنة بصل مع زبدة بعد ما ينتهي ترشينها علية

    انا افضل الأولى <<< مالي خلق حمس

    وتقدرين تسوين لها مرقة مااش او مموش

    وهي تنقعين الماش بموية حارة ساعة تقريبا

    وبعدين تحمسن بصل وثوم وطماط وشوي بهار وملح وتصبين الموية الحارة وتكبين الماش عليها

    وتخلينة يطبخ الى ان يشرب مويتة شوي يصير يشبة الفول المدمس وينوكل مع خبز بر او بملعقة نو بروبلم

    احرصي تسويلها حليب بفلفل

    وخليها تكثر من شاهي الدارسين مع اليانسون <<< يبعد الريح والغازات

    والله يعافيك ويقومها بالسلامة ان شاء الله
  2. @albshry_1

    تاخذين تمر وتطبخينه في مويه بعدين تشخلينه وتحطينه في قدر على النار الى ان يغلي بعدين تحطين عليه طحين بر وتحركينه بسرعه بملعقة خشب وتستمرين في التحريك الى ان تتماسك زين بعدين تحطينها بالحافظه وتحطين عليه شوية سمن بلدي وشوية عسل اصلي سهله ومفيده خاصه للنفاس لانها تعتمدعلى التمر والبر وتحياتي
  3. @hlaa_alkoon

    السلام عليكم
    سويتلك بحث واتفضلي ولاتنسيني بدعوه حلوه منك
    http://archive.hawaaworld.com/showthread.php?t=605866




    http://70.86.247.246/lofiversion/index.php/t63567.html
    وهذيه وصفه من اخت قمر الزمان:

    هذي طريقه حلوه وسهله للمطازيز وهي اكلة مهمة ومغذية للنفاس ومانستغني عنها حنا اهل نجد
    المقادير
    لحم غنم (الكميه اللي تكفيك)
    بصلتين ونص مفرومات
    اربع فصوص ثوم
    ملعقة صغيره بهارات
    حبتين ليمون اسود
    ملعقتين صلصة طماطم
    خضار مقطعه تقطيع كبير (حبة كوسه حبة بطاطس وشوي لوبا او فاصوليا )

    مقادير العجينه
    كوبين طحين اسمر
    1و1/4 ملعقه ملح
    كوب وربع ماء
    يمكن اضافة المزيد من الماء اذا مكفى بس لازم تصير العجينه شوي قاسيه
    تترك العجينه لمدة نصف ساعه عشان ترتاح ثم نقوم بتشكيلها على شكل كور صغيره مره ( ثم افردي كل كوره بحيث ميتعدى عرضها تقريبا 7سم)
    طريقة المرقة
    يكشن الحم مع البصل والثوم ويضع عليه البهارتثم يضاف له لترين ماء ويترك يطبخ لمدة نصف ساعه بعد ذلك
    يضاف له ملح حسب الرغبة والصلصلة ويضاف له كوب ماء
    ثم نبداء بوضع اقراص الطازيز بحيث ماتصير وحدة فوق الثانية الا اذا تغير لون الاولى
    بعد ماتنتهين من وضع اقراص المطازيز ضعي الخضار فوقها من دون تحريك وضعي الليمون الاسودوطبقي القدر وضعيه في الفرن لمدة ساعه وثلث ثم كلي بالهناء والعافيه
    ملاحظة
    اذا كان الماء مايغطي المطازيز قبل متدخلينها الفرن زيدي شوي ماءوملح بحيث البلول يغطي الطازيز
    ملاحظة ثانيه
    بما انك راح تطبخين لنفسك فصعب عليك انك تقعدين تسوين المطازيز كله بنفس اليوم لذلك اسهلك سوي العجينه بالطريق التاليه من الحين واذا ولدتي يصير ماعليكي الا انك تسوين مرقة المطازيز
    الطريقة
    نفس الطريق السابقة ولكن عند الانتهاء دعي اقراص المطازيز تنشف من الجهتين اودخليها الفرن لمدة خمس الى عشر دقايق ثم قومي بوضعها بالفريزر لحين استعمالها

    اتمنى تصير الطريقة واضحة واي سوال اناحاضرة:
  4. سويلها الحبه الحمرا (انتو تسمونه حب الرشاد)

    حمصي شويه طحين وحطي عليه حليب وسكر والرشاد واعواد قرفه لذيذه جدا ومفيده للنفسا

    في طريقه ثانيه للرشاد انك تسوين كاسترد عادي بس خليه خفيف نوعا ما واخر شي ضيفي الرشاد المنقوع في الماي عليه وبكذا انتي تغيرين وديتي حلا ومغذي بنفس الوقت للنفسا

تابعي تجارب أخرى من هذا القسم.