يا ريت اللي من ليبيا اتخش

اهلا وسهلا انا ليبية مقيمة جديدة في بريطانيا يعني عروسة جايةفي ولاية ويقان ما نعرف حد وفرحت لما لقيتكم
اختكم امل

انا سومة من ليبيا و اقيم في ليبيا بالتحديد في خلة الفرجان كيف حالم كلكم و الله ليبيا مشاقتلكم هلبة هلبة انقولكم حاجة خاطري نتغرب و انعيش في بلد أوروبي بالرغم من اني انحب ليبيا هلبة هلبة لكن خاطري انخوض المغامرة هذه و عموماً توصوا اي شي عادي ما عندي مشكلة تفضلوا و شكراً يا أحلى ليبيات احبكم كثير.

السلام عليكم ورحمة الله وبركاته
كيف حالكم يا بناويت اتن شاء الله تكونوا بصحة وعافية يارب
مويجة
صحيتى يا غالية على دعائك الطيب والله هذا من طيب اصلك يا حبيبة والله وما تحلفونى وانى نقرا فى دعواتكم لى زرتنى الدمعة الحمد لله الدنيا ما زال فيها خير مويجة بنقولك والله لما تتكلمى على صغارك وخصوصا بنتك كأنك تتكلمى عليا انى وصغارى نبدا عاد دمى محروق وحالتى حالة قريب يجينى ضغط
تعرفى جتنا عويلة شراقة قريب طرت وانى فرحانة بيهم المهم هداك النهار ولدى محمد الله يهديه شوية العقل اللى كانوا عنده طاور تعرفى والله التفاح الا يخبط فى السقف وينزل لا ومشطة بنانى جت على حاشية السقف تعرفى هداك اليوم قريب درت فيه جريمة من الحشمة لا وعمره مادار هالحركة
وانى لا عرفت نضحك لا عرفت نبكى قعدت مبهتة " على قولة اهل الشرق " زى الصنم
وخلى البنية اول مرة يشوفها يتعارك معاها كأنها اخته وانى نفهم يا حميدة تربح الله يهديك وهو مسكر راسه الله يهديه ويصلحه ويهدينا صغيويرتنا كلنا
اريام الحنين
ان شاء الله ديريها وتطلع باهية يارب وصحتين مقدما
حياة حلوة
بارك الله فيك يا حلوة على دعائك ربى يبارك فى عمرك يا غالية
مشيمشة
كيف حالك يا غالية وكيف حال الصغيويرة
تقربصتى
لاباس يا غالية ان شاء الله طهور وكيف حال الصغار وردى بالك من روحك وربى يحفظك لصغيويرتك
اما عن جو البرازيل ماشى الحال واهو مرة نو ومرة مطر
الليبيات الجدد اهلا وسهلا بكم فى لمتنا الحلوة
باقى البنات ان شاء الله كلكم بخير ومعليش سامحونى توة مضطرة نمشى

السلام عليكم ...
ياحناتي عليك عملة امس المنتدي مسكر للصيانة انظر شنو دعوته ... المهم كيف حالكم كلكم ان شاالله طيبين ... عندنا صقع مووووت واللهِ اني استحشت الصيف "اللهم لك الحمد والشكر يارب " ...

ذات الهمة واريام وحياة وتقربصيتى وامل ...
ان شاالله طيبات ... وربِ يعينك ياحياة عالرياضة يابتي يلى يسمعك يقول دبة امال تعالي شوفينى انا متربعة عادي مانحساب روحي الا عارضة ازياء خخخخخخخخ ...

ام مودي وميمي ...
سلمها ياربِ غير تعالي لكالجري وماعليك انتلاقو ان شاالله على خير ...

ليبية ...
اهلاً وسهلاً بيك ياغالية وكيف حالك والحمدلله انك روحتي طيبة من الحج وان شاالله حج مبرور وذنب مغفور ... ها دعيتلينا كيف ماطلبنا خخخخخخخخخخ ... والعقبالي يارب نمشي السنة الجاية وكان عشنا ان شاالله ...
احكلينا كيف كان شعورك واول مرة تمشي !!!

ليبية 100 100 ...
اهم حاجة انهم يرقدو بدري العيال يعني بالكتير 8 يكونو فى مرقدهم عوديهم كل ليلة شيلهم من الساعة سبعة ونص لمرقدهم واقعدي احدهم واقري عليهم شوية قرأن ... عيالي يقولو ياماما اقري قصص خخخخخخخخ نقوللهم مافيش الا قرأن وبس المهم خلي هذا برنامجك كل يوم وهاتشوفي مش هاتكملي اسبوع الا والعيال تعودو على ساعة نومهم وبعدين خلاص عندك ساعة ولا ساعتين على حسب قدرتك فى السهور تقعمزي حدا راجلك وتهدرزي ... وحاولي تريحي جسمك مابعد صلاة الظهر شوية ان شاالله احداهم فى الصالة تمددي على الكرسي بتاع عشرين دقيقة نص ساعة واللهِ ماتصدقي كيف تعطيك نشاط لباقي اليوم ... مرة مرة اندير فيها والغالب نلقي روحي نجري كيف المهبولة وربِ يعينا على حسن تربيتهم والله المستعان ...

سومة سيف ...
اهلاً وسهلاً بيك بين خواتك وربِ يحققلك امنيتك ان شاالله ...

مهاد ...
مامرش عليا حد متزوج من غير جنسيته معانا فى اللمة والله اعلم ...