يلا يا أمهات تعالوا نودع الهز عند النوم.. يومياتي مع ابني

شكرا لك جزاكي الله كل خير وبارك فيك

السلام عليكم ورحمة الله وبركاته

كيفكم يا أمهات ؟

تويتي شو أخبارك و أخبار بناتك ؟



حاولي لأن لين متى راح تهزي لازم تجبري نفسك وترا النتيجة مذهلة :)


لا ترقدينها بعد الرضعة مباشرة حاولي تخلينها ساعة عالأقل عشان ما ترجع :(

و إذا استمرت في الترجيع أنصحك تنتظري لين تكبر شوي و الله يعينك يا أختي

يمكن تكون جوعانه عشان كذا تبكي .. و إذا بس تبكي دلع حاولي مره ثانية تنفذين الخطة <<< مجرمة :30:

ترا و الله راحة يا بنات << أسأل مجرب :)



الحمدلله افتكيتي بس ما شاء الله عليك خليتيه للـ 3 سنوات !!

الله يحفظه لك إن شاء الله



موجودة بس انشغلت مع ولدي فديته لأنه محموم ومزكم .. :(



وعليكم السلام والرحمة

حاولي معاه يوم يكون زوجك مب موجود ..أ و حاولي تفهين زوجك أن كل ما بديتي بدري أحسن عشان نفسية الياهل



الحمدلله انك ارتحتي من الاثنين مره وحده .. وبالنسبة لكرسي السياره مادري إذا تنفع الطريقة نفسها

أنا ولدي ما كان يحب يقعد في العربانه وتعالي شوفي المعاناة يوم نطلع :09:

يصيح لين اشله ويقعد يسحب النقاب و الشيله و يوم اخلي ابوه يشيله يقعد يصيح حتى ابوه يتنرفز يقول ليش عندج يسكت وعندي يصيح ,,<< يغار بو الشباب :hahaha:

المهم حاولت معاه فالبيب أحطه فيها و أمشيه و ألعب معاه و طول ماهو صاحي احاول اخليه قاعد فيها

مع ان ولدي عنيد وذبحني من الشل بس من طبقت طريقة النوم ولدي يقعد هادي ما شاء الله يمكن نسى موضوع الشل :42:

و ألحين يوم نطلع يقعد هادي ما شاء الله عليه وما يبكي إلا اذا جاع أو مسونها :09:

<< قالت قصة حياتها مع ولدهااا :hahaha:

الله يعينك يا أختي .. بس حاولي معه مره ثانية بس مب بعد الرضعة مباشرة حاولي بعدها عالاقل بساعة

و لاتروحين عنه خمس دقايق خليهم 3 أنا كذا بديت مع ولدي والحمدلله مشى الموضوع

و أحسن يوم ما عودتيه على المصاصه

ننتظر أخبارك



ينفع حبيبتي جربي وخبرينا شو بيصير معاك :)



أختي كل مابديتي بدري أحسن .. أنا ولدي 3 شهور ونص تقريبا



هلا عزيزتي ..

أقصد ولدي اللي عمره 3 شهور <<< ماعندي غيره الله يحفظه إن شاء الله

أنا أشوف الافضل يوم صغار .. أحس الي فوق السنه بيحاول يقوم وبيقعد يوم تخلينه والحاله حاله

بس يوم صغير بيتم يصيح مكانه لين ينام

و بالنسبة لصياحه أعرفه يوم يبغي ينام ويبغيني أهزه و أعرف يوم عنده مغص فديته يقعد يتعصر :(
مشكـورة يا قلبووو على التنبيه و أنا كذلك أنبه الامهات لنفس الشي و للتأكد من البيبي شبعان ونظيف



العفـو يالغالية .. حياك الله

:26:


* * *
إليكم آخر الأخبار ..

طبقت الخطة يومين فقط لأن ولدي فديته جاته حمى و زكام وكحه وطبعا ماقدرت أكمل

بس الخبر الحلو يا حلوات إن ولدي ينام من دون هز مع أني ما طبقتها إلا يومين << قولوا ما شاء الله

بس لازم يشوفني معاه فالغرفه ولا يخاف ويقعد يصيح يمكن لاني ما كملت للنهاية.

يعني يا أمهات مب شرط أسبوع أو 4 أيام يمكن في يومين عيالكم يتعودون ينامون من غير هز

و الله أني فرحانه و أدعي لأختي الغالية مسز تويتي لأنها دلتني على الطريقة هذي

الله يجزيها خير و يسعدها يارب

أنتظر أخباركم :26:

ما شاء الله تبارك الله...
كويس انه تعود ..
انا بنتي لما تبغى تنام وتبكي بس تبغاني اعطيها صدري..واذا اعطيتها اياه و حضنتها
تغمض عيونها على طول احيان ما ترضع زين يعني مو جوع اكون معشيتها قبل..
بس مشكلتها اثناء النهار بس تبكي ما تبغاني اغيب عن عينها واحيان مايكفي اني
جنبها لازم اشيلها تتوقعين لو اجرب نفس الاسلوب ينفع ..