يا ريت اللي من ليبيا اتخش

هلا وغلا ومليووووووون مرحبا لكل الغاليات هنا وبدون تحديد
ذات الهمة أنا من مصراتة ( ورفلية ) ومقيمة ومولودة بمصراتة
أمواج البحار مشكوورة على الدعوات الله يسعدك
وبالنسبة لدعواتك بصراحة ما أحب الغربة إلا إذا كانت فى السعودية لانها تحتضن بيت الله ..
أم مودى الله يحفظ صغارك ويتربوا بعزك وعقبااالى وهذا قبل:arb: وبعدها دستة بنات ما نحبش الاولاد
واسمى مهاد كان لى صديقة اسم بنتها مهاد ولهذا سجلت بيه لانى حبيته

صحيتي ياحبيبتي وربي يرزقك النصيب الباهي

اهلا يابنات
انا من ليبيا عايشة في ماليزيا ونبي نتعرف على الليبيات الي في المنتدى
ياريت تراسلوني

السلام عليكم
شكرا حبيباتي حياة حلو وامواج البحر وشكرا ليكن كلكن وحتي انا ناسية الراحة وناسية النوم بس توا احسن واااااااااجد من الشهور الاولي وبارك الله فيكن كلكن.
انا اختارت اسمي ليبية 100 100 لاني ليبية ميه ميه ههههههههههههههه
والله كنت نبيه ليبية بس بس كان موخوذ قعدت انزيد في الارقام لين طلع معايا هكي.هههههههه
ونتلاقي الصغير يبكى توا بااااااااااااااااااااي

السلام عليكم

صباح الخير يا حلوات كيف حالكم كلكم كلكم
انا قاعده ماجبتش امس مقدرتش نكتبلكم حرف نضت الصبح يا حنات ودرت على قولت امواج برمه على الحوش الا وبديت معاد قادره نشبح والدنيا ادور بيا مش متعشيه والفطور خديت كمشه كورن فلكس وخلاص شورا هبوط نحسب روحى غير نعسنى النوم ونجى نرقد نقعد نتقلب مش قادره انقيم راسى لين بعدين قلت خلى انوض بلكش هدا هبوط مشيت كليت وارجعت لمكانى قعدت على هالحاله الى السا عه 2ونصف باش تصحصت وطيبتلهم الغدى وبعدين كلمتنى عيونى سلمها هدرزه هدرزت عليا والله ردت فيا الروح وفكرتنى بايام التهدريز اللى فى ليبيا ربى يحفظها لعويلتها وبعدين جى زوجى وقعمز على الكمبيوتر عنده قرايه معاد ناض من عليه لين خشيت ارقدت

ام محمد مبارك عليك الاثاث يبيد ويخلف الله بالنسبه للحفظ انتم منين تبو تبدوء من البقرة او الناس ؟
وياريت يابنات تشتركوا خيركم اللطف حتى كل يوم سطرات مش صحفه الى الان اللى اشتركوا
عيونى وتقربصتى ( كيف حالك مع فقر الدم؟ ) وماشاء الله حافظه قدر لاباس بيه
وياريت يابنات نخلو المجلس فيه دكر لله شويه ولو بحديث بسيط او ايه وزى ما قالت عيونى دنيا ودين
شويه رجيم ونيولوك وشويه دين قال رسول الله - صلى الله عليه وسلم - : ( ما من قومٍ يقومون من مجلس لا يذكرون الله فيه إلا قاموا عن مثل جيفة حمار وكان لهم حسرة ) .

خطرها على دنيا ودين فى وحده تسكن بحدنا يوم تبدء متحجبه جبه وشاربه ويوم شعر ومكياج وسروال
مشى ولد جيرانا قال هادى خيرها يوم دين ويوم جغرافيا ههههههه
وللعلم هادى متعتبرش غيبه لانى نحكى على وحده مقلتش اسمها وانتم متعرفوهاش

انا توا نستادن بدت الدوخه ادير فى مفعولها توا نرجعلكم بعد ما نتصحصح متلوموش عليا يا وخيات مرديتش على كل وحده باسمها ما شاء الله وليتوا هلبه والحاله لا تسمح

بارك الله فى كل من سال عليا وحتى اللى مسالش