الي استخدمت فايتوشيب تتفضل هنا الله يوفقها (تم دمج المواضيع المتشابهه)

أنا أمس كنت في مستشفى النور في أبوظبي وسرت عند دكتور إيهاب صبري دكتور قلب وشاف العلبة وقال ما فيها ضرر، مصنوعة من أعشاب ونسبة كبيرة من الصبار، أنا أحس بصداع ونشفان في الريق وهذا طبيعي نتيجة الأوامر الى يصدرها المخ بالإحساس الجوع أو بالشبع نوعاً ما ارتحت بعد ما سألت الدكتور والصيدلانية قالتي هذا الدوا عليه طلب غير عادي لدرجة أنهم ما يلحقون يجيبو إلا ما يخلص. وأبشركم أنه اليوم الوزن 84.6 وهذا خامس يوم لي. الوزن عند البدء كان 86.

وانا امس اتصلت بصيدلية ابن سيناء وقلتلها اني احس بصداع قالت شربي ماء والصداع نتيجة نقص الماء وسئلتها ان في دكتور يقول انها تسبب السرطان قالت كيف تسبب السرطان وهي مصرحه من الوزاره فقلتلها بس في دول ما صرحتلها قالت ادري قصدج السعوديه لانها اعشاب علشان شذيه ما صرحتلها الوزاره بعدين لما صكرة عنها شربت لي دبتين ماء وفعلا الم الراس راح والله يستر ويعافينا

د جابر حلل الحبه نفسه والتصريح الموجود عليه موتصريح وزاره الصحه بالسعوديه تصريح ماليزيا

اصلا بدون مايقول انا بغيت اموت من اضطرابات القلب والارق اللي جاني اانا مااقوله لكم الا خوفا عليكم والله ونزلت كيلوين ورجعتهم بسرعه يعني هي تنزل الماء اللي بالجسم فقط مو الدهون

بنات أنا طبعاً من النوع إلي يقيس وزنه كل يوم الصباح عندي هوس، اليوم الوزن 84.2 الحمدلله، بس أحس انه النزول بطيء يمكن لازم رياضة!؟

هلا خواتي شحالكن الغاليات : كنت ماره ع السريع ، هههههه اشتقت لها القسم :hahaha: << متينه سابقا :)

قريت الموضوع وشفت الجدل اللي صاير وحبيت احط تجربتي لحبوب الفايتوشيب :

بعد مشوار طويل مع الرجيم والرياضه ، قريت فها المنتدى الرائع عن حبوب الفايتوشيب وطوفت الموضوع لأني ما احب آخذ الحبوب واخاف منها :(

بس وصل وزني لحد وما رضى ينزل وقف عند 64ك ، وانا طولي 154 وخاطري انزل ع الاقل لين 56 ك ، حاولت وحاولت جربت كل انواع النظام الغذائي وما في فايده :(

ويوم شفت انه ما في فايده رديت اقرى زياده فالموضوع وتميت اقرى شهر كامل ، واستخرت واستخرت لين ما قررت اشتريها وتميت استخير لين ما شريتها ...

فالبدايه الحبوب سببتلي جفاف فالريق ، صداع ، ارق ، نشاط زايد ، بس هاي كله فالبدايه بعد اربع ايام اختفت كل هالعوارض ، بالنسبه للجفاف شربت ماي زياده ، اما الارق والنشاط الزايد فهاي ما كانت مشكله بالنسبالي :) لاني فاضيه وما وراي دوام او قومت الصبح فكنت اعوض الرقاد فالنهار :)

بس النتيجه مذههههههههههههههههههههله بكل معنى الكلمه :) وزني وخلال اسبوعين واستخدمت علبه وحده بس وصل لـ 57 ك :42: والحين صارلي موقفه 3 شهور وزني وكتلة الدهون فجسمي مثل ما هي ما رجع وزني ولله الحمد ..........

الكل الكل من حواليني لاحظوا الفرق بعد ما استخدمت الحبوب لانها حرقت اماكن عجيييييييبه الزنود والكرش الاخت اللي ورا ( المقعده ) :hahaha: والفخوذ

هههههههههههه وسويت دعايه ع الحبوب كل حد سألني عنها عطيته النشره وبالتفصيل ، بس للأمانه زوج اختي استخدمها وما يابت نتيجه معاه ولا نص كيلو :(

اما بالنسبه للدكتور القحطاني اللي طلع ع قناة الاخباريه السعوديه ، فاللي قاله :