شاركي في النقاش

سجلي الدخول لإضافة تعليق.

التعليقات

3,000
  1. @ttm

    صباح الخير عليكم كلكم

    يارب يسلم كل من نشد علي الحمدلله صارت كويسة مع الدواء .

    سلفية 1....

    كيف حالك توة وكيف حال النونو انشاءالله كويسين ومش متعبك ، ربي يسهل عليك انشاءالله

    وتنوضي بالسلامة .

    ولاباس علي شيبانيك انشاءالله توا أحسن مترعشيش روحك مش باهي ليك الرعاش

    ربي يشفيه انشاءالله وتشوفوه ويشوفكم .

    عيوني ....

    لاباس علي حناك انشاءالله ربي يشفيها ويقومها بالسلامة .

    وسامحيني وخيتي مارديتش عليك علي الفطام ، أني بنتي متاخدش في الشيشة ولاحتي حاجة ثانية

    عندك تشرب في العصير في الطاسة مرة مرة كيف مايقوللها صاحب راسها .

    حياه حلوه

    كيف حالك وكيف حال العويلة انشاءالله طيبين ، وانشاءالله بطول عمر حنين التورتة شكلها يهبل

    مشاءالله ربي يحفظك ويخليكم لبعض

    ينفع تنزليها في قسم الحلويات لأن شكلها حلو وزينتها تهبل ، بس منسألك شن هو الاحمر المرشوش

    عليها شكله يهبل .
  2. @ttm

    تقربصتي

    كيف حال وكيف العويلة انشاءالله كويسين
    تقبل الله صيامك وانشاءالله أجرك حاصل وربي انشاءالله يعاونك علي الرجيم قادر ياكريم
  3. @hyah_hloh

    tt.m
    صباح الخير عليكم كلكم يارب يسلم كل من نشد علي الحمدلله صارت كويسة مع الدواء . سلفية 1.... كيف حالك توة وكيف حال النونو انشاءالله كويسين ومش متعبك ، ربي يسهل عليك انشاءالله وتنوضي بالسلامة . ولاباس علي شيبانيك انشاءالله توا أحسن مترع…
    صباح الخير ام الاء
    سلمك ياربي وخالص باذن الله انزله في القسم
    ربي يخليلك الاء
    قصدك علي الحمر صغيرون هذي حلوه تبع في قسم الحلويات لكن والله اسمه اعوج مش حافظته توه انسال ماما عليه ونقولك
    وكان قصدك علي الحبات الي في جنب من فوق هذا كرز بس اني شريته كان كبير واجد قسمته وحطيته عليه
  4. @ttm

    صباح الخير كيف حالك اليوم

    لا الكرز عرفته لكن قصدي علي في الجنب شكله عاطي منظر حلو عجبني انشاءالله انشوفه اذا موجود عندنا لاني حتي اني اندير فيها التورتة كل فترة

    معلمتهلي وحدة مصرية في المانيا وخاطري نغير الزينة امتاعها لاني حفظتها ومعاش غيرتها .
  5. @ttm

    امويجة

    كيف حالك وكيف حال العويلة انشاءالله كويسين كلكم
    الحمد لله علي سلامة مرت خوك ...... وصغارك حتي هم الحمدلله صاروا كويسين :26:
    وسلمك نشادة ءالاء ولت وصارت كويسة الحمدلله لكن الكحة قاعدة عندها خاصة وهي راقدة تشد عليها معاش تبطل وهي تكح لين مرات تنوض من النوم لكن الدكتور عطاها دواء كحة مرتين في اليوم وشكله قاعد مخداش مفعوله :42:

    الجو اكويس عندكم علكيف اني من نهار مرضت ءالاء مقدرتش نفتح ونهوي الحوش الحمدلله علي كل حال:)

تابعي تجارب أخرى من هذا القسم.