شاركي في النقاش

سجلي الدخول لإضافة تعليق.

التعليقات

80
  1. @lamsa

    ~*~ السنعة ~*~
    خخخخخ شوفي بنات الثانوي عندنا كل شلة 2 او 3 بالكثير أما حنا 7 دايم مع بعض واحيانا يجون معنا بنات زيادة كلهم عمالقة الا انا ووحدة من صديقاتي قصار والعلامة الفارقة دوري البنات الي وهم يتكلمون اصواتهم عالية و24 ساعة ضحك وصح عليك احنا ثا…
    ضحكتيني يالله بادور عليكم الله يعين و ممنوع اي تجمعات لغير شلتكم عشان امييييييييز بلييييييييييييز:26:
  2. @maalm_agyal

    ابشرك جيت ياسنيعه مداد تلتن مع شوشتي اللي ماتستحي ولاتنتخي
    أجل مره هذا كبري وتمعط شوشتي ...تراي يامداد كبر امك مير عيب يابنيتي<<<<الله يذكرتسبالخير يالمسلمة


    المهم ياسنوعه وش هاللي انتن مسوياته انتي وصديقاتس ؟؟؟؟
    هالحين انا قايمه قاعده قدام هالمعلمات امدح بكن وقول عاقالات ومؤدبات وانتن من وراي تكشتن بالمدرسه!!!!
    مير كان عزمتنن <<<<<لاتواخذينن بديت أتشره قبل أردبس وش اسوي لاصار فيه شي بخاطري يقرقع ماعرف اكتب لين أقوله



    وانا اقول وراه قرقي قال اثر بوه احد يتنحبن
    مير اتفلي الله لايهينتس والا تدرين باتسر جيبي معتس للمدرسه قارورة مويه بس كبي المويه ومليه تفال شكل النحاته قويه هالمره


    طيب وش رايك بسنعنع!!!(( ماتحسون سنعنع تشبه نعناع))<<<<لاتقرينه ياعذبه


    جينا
    لا من تالي صايرين يكشخون للبر الله يخلف مدري من لاعب عليهم وقايل لهم ان البر تغير وصاير مابوه تراب ولابوه شهابه


    شوفي ياسنعنع انا منيب مصدقه انك انتي مسويته لين تسوينه لي يعني لاجا دوري بالقهوه بقولك وسويه لي عشان اصدق اتفقنا!!!؟!؟؟!؟!؟!؟


    صراحه ابدعتوا بذي مصدقين بقوه بس ترا من تالي انا لارحت اجدع كلش خاصه لارحنا للدهناء ماهنا احد إلا حنا


    بسوي نفسي ماشفت


    والله حسبتك تقولين صراصير منول حسبت صراصير هالحين تغيرت عن صراصير منول<<<الله يحوم كبدي مير



    والله ان اسكيكره ذي راعية مخمخه
    بس ياسنعنع قربي بقولك شي
    بس لاتعلمين أحد موب تفضحينا
    قرتبي ؟؟؟ أهوه اذنتس ...لاتخافين منيب ماصعته بقولتس شي
    تراي ماعرف ذاالمثل
    وشقصة ذا المثل ؟؟ ووش هي مشتهيه؟؟ وش تعني حصرمه ؟؟<<<<3 أسئلة بنتظر إجباتك عليهن



    أنا أمووووووووووووووووت بالدقه بالألفاظ تراي دايم أقول للي يشربون شاهي لاتقولون نتقهوى قولوا نتشهوى الله العالم انك وحده من طالباتي
    مير عقب ذي بعطيك 1 <<<<<ترا حنا تقييم يعني واحد صار احسن من الأربعه الله يالدنيا



    ياسنيع هالحين متأكده من ذا المعلومه!!!
    خبري الكمون زين للبطن بس الأسنان ماخبرت
    أخبر المسمار(( قرنفل)) هو اللي زين للأسنان لا تصيرين خاطفتن الهرج


    الله العالم ان كل بنات حواء بمدرستكم



    وخري شوي ياسوعه
    برايفت سكيكره
    انتي متقمصه دور عجوزهم بالكشته والا وش قصتك!!!!؟!؟!؟
    نعناع ومشيناه حليب وعديناه بس كلح ذي عيت تمشي معي



    برايفت عذيّب
    ركزي بالجمله زين إذا الواحد متربع وأحد يبي ينسدح عليه وين ينسدح!!!!!؟؟؟
    على راسه مثلا؟؟؟
    والا على بطنه؟؟؟
    أكيد على حجره يعني الشليل الحجر توحين

    .
    وحده انتي والثانيه العجوز والثالثه قمر الكون ..وين الباقي ؟؟؟؟؟؟؟؟



    يابعد عرتزي انتي أثترس تحترينن ؟؟؟؟
    لو دريت كان كتبتى الرد منذ مبطي بس والله هالمرسه الله لايعافي العدو أشغلتنا
    مير نصيحه لاتصيرون معلمات صيرن دكتورات ترا اهون من التدريس
    يسد انتس لارجعتي للبيت ماهنا لا تحضير ولا سجلا ولا وسائل ولا عود


    كان جيتي لغرفة المعلمات وطقيتي الباب وقلتي لو سمحتي ابلى جوليا ممكن استعير جوالك وعطيك وقولك لا <<<<يختي بوه اسرار مقدر اعطيه احد
    بس بجي معك وانا اصور لك اللي تبين


    ياحليلك ياسنعنع اثركن مهسترات وانا معطيتكن بطاقة شكر وتقدير مير شكلي بسحبه <<<<ياشين اللي يمن بشي سواه

    المره الثانيه عاد اعزموا الأبلات ترا والله يحبن الهبال<<<<كني أسمع بعض الأبلات يقولن كلن يتكلم عن نفسه

    ياللا عاد بروح احضر طولت عليك
  3. صاحبة الموضوع
    معلمة أجيال
    ابشرك جيت ياسنيعه مداد تلتن مع شوشتي اللي ماتستحي ولاتنتخي أجل مره هذا كبري وتمعط شوشتي ...تراي يامداد كبر امك مير عيب يابنيتي<<<<الله يذكرتسبالخير يالمسلمة المهم ياسنوعه وش هاللي انتن مسوياته انتي وصديقاتس ؟؟؟؟ هالحين انا قايمه قاعده ق…
    رد خـــــــــــاص لأبلتي جوليا


    لاحد يقراه غيرها


    غمضوا::





    خخخ

    شفتي الي ما تستحي<< تراي ماقلتلها تتلتس مع شوشتس



    احم احم

    لا تعلمين المعلمات اخاف بعدين تدري المديرة ونتورط

    وتراتس ماشفتي شي

    هذا ولاشي من الهبال

    بس شطارتنا تغطي على هبالنا



    اجل اليوم لا تسبحين

    بكرة بسبحتس من صباح الله خير

    بجمع التفال من الحين عشان يكفي



    الا وانتي الصادقة على وزن منعنع أو منعنش على قولت عجيزنا سكيكرة غثتنا بهالنعناع



    ذكرتيني باخواتي في الاجازة مخيمين ونروح يوميا من الظهر لليل
    أنا أروح بشهبتي البس كل الخلاقين الي قدامي وارفع شوشتي واركب السيارة

    وأخواتي سنة على مايسبحون ويلبسون ويتمكيجون << الحمد لله مكياج وبر



    خلاص متى قهوتس علميني
    بس بشرط تعطوني الدرجات كاملة<< مصلحجية



    لا يغرتس الي سويناه
    أنا في البر أطلق العباة لاقالوا شي قلت جسمي صغير كني بزر من البزارين الي مالين البر




    وانا بسوي نفسي ما قلت



    خخخ الله ياخذ عدوينتس
    مالقيتي الا هالصارور الي مبهذلنا







    أما سكيكرة عليها طلعات مهبلتن بنا.

    والاجابات::

    ما عرف الا انها يقال للي يجلس يتشهى

    مثل سكيكرة

    أمي دايم تقوله لي بس ماقالت معناه لاسألتها علمتس



    اجل كنتس اياي
    انا كل ماقلت كلمتن قالوا صديقاتي وش ذي..

    ووحدة منهم تقول الي بتتعلم سديراوي تجلس دقيقة مع سنييع وتتقن اللهجة


    بس حنا الاربعة افضل

    خلاص هالواحد بتبرع به لبنيت اخيي



    ايه انا مجربتها
    حتى المسمار زين بس يحرر << معانيه معه
    أذكر اذا اوجعني امي تعطيني كمون ويهجد الوجع



    الله يسلمتس فيه انا وسكيكرة وقميــــر والباقين خلف الكواليس يقرون ويطلعون




    أترك الرد لسكيكرة بس لي ملاحظة::

    لاحظي الكلمات الي بالأحمر

    شكلتس راسبة في الاملاء



    ليس لي موقع من الاعراب



    الباقي خلف الكواليس ..

    يدخلون يقرون ردودكم الي هنا ويطلعون

    واذا جوا للمدرسة علقوا على ردودكم



    شفتي..

    تهمني ردودتس يا بعدي خاصة في الترفيهي

    وابشرتس شايلة فكرة التدريس من مزاجي

    وشلي بالصجة واللجة وبلاوي هالطالبات

    اشوف مدرساتنا منهبلات منا



    خلاص لاكشتنا مرتن ثانية بجيتس



    اقول لا تمنين..
    سنيع الي في الفصل غير سنيع الي في الساحة
    في الفصل خامدتن ومالي حس
    وفي الساحة لساني اطول مني




    عساهم يتحملونا في الحصة بيجلسون معنا

    بس نبيتس انتي لحالتس الباقين وش نبيبهن


    خلاص
    وانا بروح اذاكر هالادب الي ياخذه كنه تاريخ
    هاجتن من الادبي عشان التاريخ وجانا في العلمي


  4. صاحبة الموضوع
    ابلتي جوليا::

    تراي قلت لسكيكرة تجي ترد عالفقرة الخاصة فيها<< طلع حفل مب موضوع


    واذا ماجت جرها مع شوشتها

تابعي تجارب أخرى من هذا القسم.