عطتها بكس على ظهرها!!!!!!! في مكان عام !!!!!!!!

ممكن أول ماقريتوووا العنوان
افتكرتن الموضوع أما مزح ....أول ضرابه بين حرمتين .....

لا ياخواتي ......السالفة تعور القلب وتضايق

كنت في المستشفى شفت طفلة مع أمها قاعدين على الكراسي ينتظرون الصيدلانية
تناديهم عشان يستلمون الدواء ......وطبعا في طابور ينتظر وأنا وحده منهم

وزوج هاي الحرمة قاعد على الكراسي المخصصه لرجال

الطفلة كانت كل شويه تطلع قميصها والام تدخله داخل التنورة ....
فجأة أشوف الام اتكور قبضتها واعيونها يتطاير منها الشرار وينقع البكس بقووو على ظهر الطفلة المسكينة
شفت ملامح الالم من قوة الضربة والدموع المحبوسة والاحراج الشديد الي وقع عليها جدامنا
راحت المسكينة عند ابوها هاربه من أمها ......الي تستاهل ألقبها بالوحش
وتبدأ من جديد مأسأة ثانية ......يوم شفت ابوهااااااا ...يصارخ عليهااااااا وهو متأفف
وقاعد ايقولها بعدين بعديييييييييييين !!
رجعت وهي مطأطأة راسها ......

ماتصورون شو حسيت .....قمة فالحزن والقهر على اسلوب الام المتوحشة والاب القاسي
هاي الطفلة زهرة ×:26: × محتاجة حد يرويها ويعتني فيها عشان اتكون مفتحة وحلوووة
رسالة مني اوجها لكل أم أنعمى قلبها ونست شو تعني الامومة ..... ولكل أب خلا قلبه من الحنان والرحمة
اتقوا الله في عيالكم ....وفي الامانة الي بين يديكم
احلف بالي خلقني العيال نعمة عظيمة .....محد يحسبها غير من الي انحرم منها.....
أنتي ياالام يالي رضيتي تضربين وتجرحين بنتج ضناج جدام الخلق وأنته يالابو يالي ماخجلت من نفسك وانته تكسر قلب بنتك جدام الريايل......شو بيكون تصوركم عن بنتكم بعد 15 سنة
أكيد بنت غير واثقة من نفسها ...... ضعيفة شخصية من القسوة و الصد الي تلقته من صغرها ....
... بتكون متعطشة للحنان ممكن تروح ادوره في اي مكان لو كان ايمانها مب قوي ...او متمردة
بالمختصر .....قضيتوا على انسانه من حقها تعيش حياة سليمة تدفعها لنجاح والتفوق في جميع النواحي
ولكنكم خليتوها انسانة عندها عقد مااتعرف اتواجه الحياة وتختار الاختيارات السليمة الي تنجيها من الوقوع في الفشل .....!!!!!!!!!!!!!!!
أخر قولي : بنتكم ضحية ....والسبب أنتووو....
الي المفروض اتكونون الامان والعون والحضن الي يحتويها .....

5 تعليق 1,049 مشاهدة

شاركي في النقاش

سجلي الدخول لإضافة تعليق.

التعليقات

5
  1. @tkhomh

    قطعتي قلبي والله يبون الطفل يكون زي الاله لايتكلم لايلعب لايرفع صوته وهم
    لو يرجعون لطفولتهم لقوها سودا من الشطانه
  2. @krd_alabyd

    إييييييييييييييييييييييييييييييييييه

    يابنت الحلال هالحركه هذي واكثر نشوفها بكل مكان وزمان

    اتحدى وحده ماكد انضربت من ابوها او امها اوحتى اخوانها

    مجتمع قاااااااااااااااااااسي جااااااااااااف
  3. ياربيه وش هالقلب والقسووووووووه

    عاد مشكله لاانظلم الطفل من امه وابوه بنفس الوقت...

    لاحول ولاقوة الا بالله...

    اصلا الضرب قدام الناس يحرج الطفل ويكسر خاطره ويمكن تكبر معاه هالعقده...

    بعض الاباء والامهات يصير تعاملهم خشن مع اطفالهم بشكل محد يتصوره.. على بالهم هذي التربيه وان هالتعامل الجاف معاهم بيزرع داخل قلوب الاطفال هيبه !!

    لكن الهيبه ماتنزع ابدا كذا الا باإحترام مشاعر الابن والتعامل معاه بشكل طيب يزيد بالتالي من احترامه لنفسه ويحسسه بقيمته داخل هالكيان الاسري!

    لكن مانقول الله يعين بعض الاطفال على جهل الاهل والمفهوم الخطا للتربيه عندهم!!!

    الله لاينزع الرحمة من قلوبنا... ويصلح الذريه امين...

    جزاك الله خير حبيبتي على ذكر هالموقف المحزن... ويهدي الاهل..

تابعي تجارب أخرى من هذا القسم.