شاركي في النقاش

سجلي الدخول لإضافة تعليق.

التعليقات

80
  1. صاحبة الموضوع
    أم الحبيب
    الحمد لله على سلامتك ومبروك ما جالك وننتظر القصة
    الله يبارك باعماركم جميـــــــــعا ...... وعقبال الي ماولدوا.......وقصتي..

    بسم الله
    شوفو خواتي
    انا من اخر الثامن والبيبي يا عرض يا قاعد
    ليييييييييييييييييين قبل ما اولد بيومين كان عرض
    وانا قالو لي الدكاترة كلهم افضل لك القيصري..ومافي يدنا الا نلف البيبي واحنا مب ضامنين انه مايرجع لوضيعته بعد
    او نمهلك لحين الطلق وتجين في اول البوادر عشان ماينزل الحبل السري قبل البيبي ...
    واكثر من 4 طبيبات في عيادات خاصه او المستشفى قالو وقعي قيصري وارتاااااااااحي
    لانك شكلك والده والده بها
    بيعذبونك فالطبيعي واخرتها قيصري
    لييييييييين دخل قلبي اليأس..والعياذ بالله..نسيت انه لا ييأس من روح الله الا القوم ال....


    ماعدت املك الا الدعاء والاستخارة
    استخرت حوالي ال8 مرات
    واستمررت بالدعاء مع كل صلاة ولو مرة واحدة


    حتى جاء ذاك اليوم.. وحسيت ان الدنيا ماهي شايلتني من الملل والضيقه ابي اولد وارتاااااااااح
    مشيت مشي لمدة سااعه حتى انهدت رجولي وصار يضرب فيني من راس الورك لين الركبه مثل شوط الكهرب الم لا يحتمل وزااااد
    رحت للطوارئ
    قالت الدكتورة خليني افحص داخلي
    قلت لا دكتورة اول سوي سوناااااار
    اذا الراس تحت افحصي واذا لا فما اقدر اخاف ينفتح الماي وينزل الحبل السري
    قالت انا مش هافتح الميه حاشوف كام بس
    قلت اكيد؟؟ وبدون توسعه؟؟
    قالت هاوسع ليه يابنتي؟؟
    وفحصت قالت 2سم بس بعد ده كله
    وسوت سونار قالت البيبي عرض
    سوت تخطيط وقالت مافيش تقلصات .. روحي البيت
    ....
    ورجعت البيت
    ....
    اليوم الثاني ..نزل فالبدايه وردي من فحص الامس وعقب لا شئ
    ...
    اليوم الثالث...شربت العصر وصفه من المنتدى كوب حليب مع خمس اعواد قرفه وخمس اعواد مسمار(قرنفل)محلى بالعسل
    . من الساعه العاشرة ليلا..نزل خيوط دم خفيفه ..واشتغل الالم من هنا
    الساعه الثانيه فجرا توضيت وصليت ودعيت الله بتوجه ان الله يسخر لي الطبيعي اذا كان فيه الخير
    ويسهل ويهون علي ورحت للطوارئ
    طول الوقت فالدعاء
    وطبعا كان ثلث الليل الاخير

    ....
    سوو سونار
    وطلع الراس تحت ولله الحمد
    بس بعيد مانزل للحوض
    والتخطيط مافيه تقلصات شديدة

    وكنت 3سم
    ...
    نوموني بالمستشفى يتخذون قرار فيني
    ومرو علي الدكاترة
    وقالو عندنا خيارين يا انزلك للولادة ونفتح الماي ونبدا الطلق الصناعي عشان نصيد الراس وهو نازل
    او تروحين واذا فيه بوادر ولادة اخرى ترجعين

    قلت اذا بتعذبوني بالصناعي واخرها عمليه لالالالالا انا باوقع عالعمليه اللحين ومستعدة
    قالو الحين مايصير الدم نااااااااازل عندك والقيصري يبي له دم ينزف كثير والراس مانزل للحوض مابيطلع بسرعه معانا..
    لازم نجرب فالطبيعي اول

    قلت واذا رحت تضمنون مايصير للبيبي شر والحبل السري مابينزل وانا3سم
    قالو
    الاضمن انزلك الحين
    وتوكلت على الله وتوضيت صلاة الظهر وصليت في حجرة الولادة ولبست اللبس المخصص
    وبدو الطلق الصناعي من 12 ظهرا
    لييييييييييييييييييييييييييييييييييين 6 المغرب جاو يفحصون والالم فتتني وذبحني والتقلصاااااااااااات شديدة مووووووووووووووووت:09:
    قالو 3 سم مافيه تغيير

    بنعطيك 3 ساعات اذا ماستجاب الرحم للطلق بعدها ..بتروحين للقيصري..

    وانا ادعو وادعو
    والراس مانزل للحوض
    جات الدكتورة وقالت حطو لها قسطرة عشان البول عندها ما يخلي الراس ينزل
    وحطو قسطرة
    وانا فالاستغفاااااااااااااااااااااااااااااااااااااار

    والساعه احدعشر ليلا
    دخلت االلجنه كلها علي وقالو ...اسمحي لنا اختي احنا ماقصرنا وتمهلنا عليك كثير فالطبيعي واللحين اخر فحص اذا الرحم توسع ولا تروحين للقيصري.. قلت بعد هذااا كلللللللللله؟؟:( :09:

    جات وحدة تفحص وصاحو كلهم
    قلت شسالفه؟؟ببرووووووود
    قالو 10سم والراس تحت مررررررة ... ادفعي مع الالم دفعه وحدة طويييييييييييله
    وادفع وادفع وادفع ولا فيني حيييييييييييييييييييييييل

    وساعدوووووووووووووووني حتى ظهر ابني وحبيبي ... ولله الحمد

    والله يابنات انا عارفه وحااااااااااااااااااااااااااااسه مانفعني الا الاستغفااااااااااااااااااااااااار
    والله يسهل على الجميع
  2. صاحبة الموضوع
    أم الأقمار
    ألف مبروك المولود والحمد لله على السلامة بس ماقلتي لنا متى نزل الراس للحوض وهل انت بكرية ولا !! لأن دكتورتي تقول مانزل الراس للحوض واذا انت مو بكرية عادي ماينزل إلا مع الطلق .. بما انه راسه متوجه لتحت فطبيعي بس خفت والله لما شفت بعض الردود…
    نزل الراس فاااااااخر للحظاااااااااااااااااااااااااااااااااااااات
    انا البيبي هذ رقم 3
    وانا موعد ولادتي 20-3
    واخر سونار كان عرض تاريخ 16-3
    وربيت 18-3
    ولله الحمد في الاسبوع الاربعين نزل الراس

    الزمي الاستغفار
    وادعي الله بصدق
    فان الله لا يقبل الدعاء من قلب غااااااااافل
    والله يهون عليك طبيعي ان شاء الله

تابعي تجارب أخرى من هذا القسم.