شاركي في النقاش

سجلي الدخول لإضافة تعليق.

التعليقات

14

  1. @am_alorod4

    انا عندي اندونيسيا مايعه وتموت علي اي لقطات تطلع بالتلفزيون او اذا وانا وزوجي قاعدين نضحك او اذا لبست اي شيء حلو تقعد تخز بعيونهاهذا من غير ما شكينها تكلم واحد بعد يا ليت من جنسيتها لا كويتي يعني باختصار رايحه فيها

    احمدي ربج فيها فضول ولا فصاخه زايده

  2. @ksymy_dlaa

    فداء محمد
    يا أختي الغالية أنا مر علي خداماتك كثير بس أحس الي تعبر عن فضولها على نيتها والي بقلبها على لسانها بيني وبينك تزعجك أنها تدخل بس أحسن من الي مايبين عليها وهي زي الكمبيوتر !! والله كان عندي شغالة زي الألف ما تطالع ولا تسأل وكتب الله وقا…
    انا مع كلامك

    دايم الفضولية على نياتها

    شغالتي تقولي مدام كم شريتي هذا وانا اقولها السعر تقول ما شاء الله عندنا ارخص

    اهم شي تذكر الله

  3. @dream_ledy

    الله يعينك ,,

    تخيلي شغالتنا أول ليلة جات ماما سلمت عليها صباح اليوم الثاني تخيلي بعد

    ما راحت ماما قالت لي كم عمر أمي ؟؟؟؟؟؟؟؟؟؟؟؟؟؟



    أنا ناظرتها كذا قلت خيرررررررر إنتي جاية تشتغلين وإلا تسولفين ؟؟


    عاد من بعدها ماعاد سألتني عن شي ,,


    يعني خليك حازمه معها وإذا خالفت لك أمر هزأيها ,,

    بس مو بشده يعني خليك وسط ,,

    في أمان الله الغالية,,

  4. @bsyr

    ماله داعي تسحبيها معاك للسوق تجلس في البيت أبرك خليها تسوي شغلها تكوي تنظف ترتب المهم طلعي لها شغلة وخلاص تنشغل بيها
    وروحي تسوقي وإنتي بالك مرتاح...

  5. @alhyah_mdrsty

    صاحبة الموضوع
    اشكرك كل من ردو علي و جزاكم الله خير.....
    يا اخواتي انا اطلعها معنا مو دايماً احياناً بعد ما شفت سلوكها...اقول حرام تشوفنا طالعين و هي تقعد وحيده في البيت ...او يمكن تروح تسوي اشياء غلط....

    والله هذا تفكيري،،خصوصاً ان احنا مب من النوع اللي يطلع كثير...يعني بين فتره وفتره...فأكيد بتحس بالضيق...و صدقوني هي مش على نياتها لا فيها خبث وأنا فهمتنها...لكن الله يكفينا شرها.....اليوم بخبركم شو صار

    اليوم اضطرينا نروح نشتري بعض الاغراض...ومن الصبح كنت افكر اطلعها معانا او لا ..عشان جذيه كتبة الموضوع....قلت خلاص احسن ما اطلعها...واحنا طالعين كانت قاعده تطالعنا...وتقول ماماه انتو بتطلعون...يعني انا اجي....ما قلنا له تعالي...

    والله يا اخواتي اننا ما تهنينا بطلعه و لا عرفنا نشتري....عشان اخوي الصغير نحنا تركنه لانه رفض يجي معانا وقال انه بيلعب مع عيال الجيران....بعد ما وصلنا المركز اتصل فينا اخوي الكبير وقال انه ما شافه عندهم..و بحث عنه في كذا مكان و ما حصله....

    والله يا بنات الله لا يرويكم الخوف اللي حسيت به ....والله ان الخوف حسيت به ضرب في عظامي حتى المشي ما قدرت امشي....قعد اخوي يدوره....وعيال الجيران....ما لقوه اي مكان ...

    وكل ما نتصل لي اخوي يقول ما حصلناه....تخبلنا ...وركبنا السياره و لا كملنا برغم من ان كل اللي جلسنه يمكن ساعه....والحمدالله آخر شي حصلناه عاد بعد شو بعد ما تبريدت عافيتنا...والله الدنيا الحين صارت تخوف...من اللي نسمعه يحصل...
    قالت اختي الله العالم لا يكون عين الخدامه...ويمكن بعد شي الله كاتبه....والله ما عرفنا

تابعي تجارب أخرى من هذا القسم.