شاركي في النقاش

سجلي الدخول لإضافة تعليق.

التعليقات

1,859
  1. @good_life

    em mohamed
    السلام عليكم ورحمة الله وبركاته كيف حالكن يا بنات أن شاء الله كلكن بخير وربى يطمنا على الغايبات ونسأل الله الشفاء للمرضى . وسلمكن نشادات على بوى المهم قعدت انقصقص فى امى قالت لى الايام اللى بعد العمليه قعدوا خايفين لأن الدكتور رعشهم بس…
    السلام عليكم ورحمة الله وبركاته

    حياة حلوة المشكلة احنى عندنا هلبة انواع من الكريم لان دوخي باش تاخدي حاجة لكن ماعرفتش اى نوع من الكريم هو القشطة تحديدا

    ام مودي وميمي بارك الله فيك ياصار القشطة هي الثيك كريم توا نشريها ان شأالله

    ليبيا قلبي كيف حالك باهي زتي شجعتيني باش انديرها امس كيف درت بسبوسة لكن المرة الجاية توا انجربها بالقشطة

    لوشا كيف حالك توا بالشوية بالشوية لن تنسجمي ان شأالله

    غدو كيف حالك انشأالله بخير

    امواج بعيد السوء عليك ياغالية ربي يشفيك ويشفي عيونى وترجعولنا بالسلامة زى الأول واحسن ان شأالله

    ام محمد ان شأالله تسمعى الأخبار الطيبة على بوك وتطمنى عليه

    سلفية كيف حالك توا ان شأالله احسن وكيف حال الصغار والبنوتة ان شأالله طيبين

    وباقى البنات ان شأالله حالكم باهي
  2. @aaml_hyaty

    كيف حالكم يا بنات ولباس على المرضى ان شاء الله بالشفاء العاجل
    سلفية
    كيف حالك وحال البنوتة وزوجك ان شاء الله صابر
    حياة حلوة
    اولا كيف حال سنك والله استغربت لما قولتيلي مش مكملة قرايتك حرام وشكلك شطورة ومازال صغيرة وقتنا هذا معاش فيه واحدة مش مكملة قرايتها تلقيها في وقت ما والله مش حتعرفي قيمتها الا بعدين حتى توا ما درتي بها شئ عادي المهم عندك شهادة بالله خودي النصيحة كاخت وربي يوفقك ويوفق كل المسلمين
  3. @g_libya

    السلام عليكم

    امواج

    ان شاء الله لا باس عليك
    وربي يشفيك

    عيووني
    لاباس عليك وربي يشفيك

    ام محمد
    كويس انك اطمنتي على الوالد وربي يشفيه وان شاء الله ماعنده سو

    امل المصباحي
    كيف حالك

    قود لايف
    كيف حالك

    هذي صور للقشطة من النت يمكن تساعدك






    ولما اتديري بسبوسة احسبيني راهو نحبها هلبه ههههههههه
    انا البسبوسة اندير فيها بسمن وزيت وحليب مرة ثانية انجربها بالقشطة


    سلامات
  4. السلام عليكم جميعا
    صباح الخير او ليلتكم سعيدة ...انى توا فى اعقابات الليل الساعة 3:30 ونهز ببنتى قايمة الليل
    وفى نفس الوقت راجعت شوية سور وقعدت اندور فى الجدول لا لقيته لاسمى ولا وطا :09:
    لين لدت فى الصفحات العشرة كلهم :42: لقيت نفسى نحفظ فى سورة عبس وهى مش فى الجدول
    ان شاء الله لاباس على بوك ..ام محمد وربى يشفيه ان شاء الله
    عيونى ...سلامتك الف سلامة وان شاء الله ربى يشفيك
    امواج ...لاباس عليك وسلامتك يا رب شن جاب هالك هالمرضة ياوخيتى ...الف سلامة
    هى سلامات بنتى رقدت:icon35: :icon35: :icon35:
  5. السلام عليكم يا اهل ليبيا الحبيبه
    انا من مصر وفي ملف بنات مصر في الغربه
    حبيت بس اسلم عليكوا لأني من مواليد بنغازي( وعلي فكره يوم ميلادي كان في عيد الام) وعشت فتره طفولتي هناك وعمري ماهنساها ابداا
    ونفسي جدا ازور ليبيا لأستعيد زكريات احلي ايام حياتي

تابعي تجارب أخرى من هذا القسم.