~: : :OoO «-.¸¸,.-~*تجمع أحلى صحبه ,,,بنات ليبيا "التجمع الثانى" *~-.,¸¸.-..OoO: : :~

:السلام عليكم ورحمة الله تعالى وبركاته
ابلتنا أم محمد ... كيف حال بوك توا ...طمنينا عليه وان شاء الله معافى
Good life ... ماشاء الله على الكيكة تهبل شكلك تحبى المطبخ:cook:
كلكم تعرفوا اتنزلوا الصور الا انى ياحسرة ... ما نعرف شى الا التفتفيت وخلاص :hahaha:
G ليبيا ...كيف حالك وشن آخر أخبا رك ..ولا قاعدة فى السهريات عقبالك تعرفى ديما نتلخبط فيك مع ليبيا قلبى :42:
ليبيا قلبى ...كيف حالك وعندى ليك سؤال انتى مرة امنزلة طريقة البوريك الليبى ولا غير نتخايل فيك زى اللى شايفة اسمك مرة ولكن بعدين معاش لقيته لاسمى ولا وطا
مراااااام ...كيف حالك ووين امغطسة زى اللى يغطسوا مرة مرة وان شاء الله لاباس عليك
هناء13 ... وينك حتى انتى لما يجى التسميع تهربى ...ولا انتم هكى جماعة السويد لما يجد الجد تليخوا ههههههههه {{ راهو انبصر }} :42: ان شاء الله خير
مشيمشة .. ألف مبرووووووووك على الحمل وان شاء الله تنوضى بالسلامة انتى والبيبى وبنقصقص شوية .. قداش بيناتهم صغارك ال3 تعرفى انى حايسة فى عمرى حوسة توا بنتى عمرها 3 شهور والد...... مازال ما شرفتش من 13ــ 2 معاش زارتنى وخايفة نطلع ....ح....:( . وهدا علاش الايام اللى فاتوا كنت نفكر هلبة ومزاجى مش أوى ...خايفة من الح.....:icon36: لين ما تتصوروش وانى قاعدة مانسيتش يوم ولادتى نحس فيه كأنه أمس ...وكل ما نتفكرله دموعى ينزلوا:icon36: وراجلى يقعد يضحك عليا ...انقوله انت عاد شن حسيت انتم الرجالة مرتاحين تبوا غير تتشرطوا تبوا ولد وتبوا بنت ...ربى يستر وخلاص واللى فيه الخير ربى يجيبه
ام تقى الدين ـــ تقربصتى ـــ سلفية ـــ انا اعتزلت ـــ الدرناوية ـــ باقى البنات سلامات لكم جميعا

حياة حلوة ............ايوه ايوه ..احنى علينا الطلب وموبايل معبى مكالمات وديما يتصلوا بيا
ياحسرة على تليفونى ليه قداش يوم ما فى واحد قاله وينك زى قلته ... راجلى لما يتصل بيا من العمل لين نقعد اندور فيه وين املوح ...مرات نلقى فيه تحت السرير ومرات مافيه ولا تفتوفة شحن لين يقعد يعوى فى الليل ننخلعوا منه نحسابه الا هبل وهو ينارى يعيط من الظلم ..
حياة الحلوة ...انى انبصر راهو ...ياريت اتقوليلى كيف نكتب والكتيبة ما تطيرش منى زى اللى قلتى لى عليه فى هداك اليوم ...لكن نبى شرح مفصل ...يساسى ومتشرط هههههههههههه
اللى تحصل فيه دبرله

ملحق
اليوم 3 ردود فى صفحة وحدة ليا
ومرات ما تلقى ولا رد ...اليوم بطارياتى مشحونات ومستعدة نكتب الى الصبح
وعلى ما اعتقد انى شفت التسميع متعى بنصححه {{{ بكل تواضع }}} ما فيشى ولا غلطة
سلامات