نداء الى خبيرات الشعر واللى قصت رموشها قبل كده

السلام عليكم ورحمة الله وبركاته
ازيكم يا بنات وسيدات المنتدى الجميل
مش هطول عليكم حكايتى انى تهورت للأسف وعملت حركة غبية بنفسى وهى انى قصيت رموشى ..... للأسف الشديد قرأت هنا مرات عن تطويل وتكثيف الرموش ... أنا كانت رموشى قبلها طولها معقول وبتتألق مع الماسكرا لأنى كنت أستخدم لها زيت الخروع بقالى حوالى سنة وحسنها كتير لكن بعد ما عرفت انه بيعمل مشاكل فى عضلة العين خفت وبطلته وبعدين قرأت عن زيت اللوز وعن فؤائده فى ازالة الهالات السودا ودهنت منه لكن كنت لا أري نتيجة لكن لاحظت انه بيطول الرموش لكن مش بإنتظام المهم فى هنا أخت فى المنتدى حلفت انها قصت رموشها ورموش ولادها وطلعت فى شهر مش أكتر لكن أكثف و أطول فبصراحة أقنعتنى و فرحى ساعتها كان بعد 4 شهور فقلت شهر مش قضية وللأسف فات أهو حوالى شهر وكام يوم ورموشى بقت شكلها غريب جدا بعض الشعرات طولت والبعض الآخر قصيرين جدا على ما طول ما قصتهم ومش راضيين يطولوا انا عارفة انى غبية
أرجو من خبيرات الشعر وخبيرات القص يعنى لو واحدة قصت رموشها قبل كدة تقولى طلعوا فى قد ايه وازاى خبيرات الشعر أرجو منهن مساعدتى انا عارفة ان شعر الرأس بينمو حوالى 1سم كل شهر تقريبا فما الوضع بالنسبة للرموش
ولو فى اى حاجة اقدر اعملها
انا فرحى بعد شهرين وخطيبى اصلا مسافر مش عارفة اقولة ايه لما يجى ان شاء الله
ارجوكم ساعدونى..... بسرعة