~: : :OoO «-.¸¸,.-~*تجمع أحلى صحبه ,,,بنات ليبيا "التجمع الثانى" *~-.,¸¸.-..OoO: : :~

حياه حلوه الحلوة

الا زعلك
سامحيني ماخديتش بالي من طلبك
يالله اني اول وحدة

اسمي عيوني سهارى
متخرجة من كلية الطب البشري
مقيمة حاليا في كندا
تزوجت 10 مايو2001 بعد قصة حب 5 سنين علي مقاعد الدراسة
لما اتزوجت كان عمري 24 سنة بعد ما اتخرجت من الجامعة
من اول ما اتزوجت جيت لكندا
عندي زوز اولاد
أحمد مولود في نوفمبر 2003
عمر مولود في جولاي 2005

و توا مقعمزة في الحوش لاخدمة و لا قدمة الا الجري ورا الصغار

و كان تبي تعرفي اي حاجة ثانتي اتفضلي اسألي
:)

كيف حالكم ياحبوبات كلكم وسامحوني والله ما نقدر نكتب ولا نكعمز درت روحي فالحها درت تمارين قريب ساعه في حوش رجليا ماعد نقدر نكعمز عليهم يوجعوا فيا علي اخر والله امس ليلا كلها واني نعيط ونقول لزوا عليا ندير رياضها وزجي يطحك عليا ههههههههههه بس والله حتي صلاتي منقدر نصليها وقفا العضله لي في الفخدا نار شعل فيا هههههههه والله نكتب ومطبس منقدرش نكعمز هي نرجي اليوم ونشوف روحي مش نجي نسمع عاد اني اليوم عندي جمعه نبي نسمع بس خلي نرجع قبل

تقبرصتي
والله خلتيني نضحك ساعه كامله وانتي دري في راياضه
خليه ثلث نص مش ساعه
توه امشي خوذي دش ماء دافي
ان شاء يقعدو احسن لو تتحملي ماء ساخن احس وحسن او حطي رجليك في ميه وملح
وبعد تحسي روحك احسن وديري رياضه واول شي امشي علي خفيف لو عندك جهاز مشي وحتي اذا معندكش خليك تبدي في رايضه بشويه بشويه اني لو تعرفي بشويه وعضلات بطني يوجعن نقول خلاص معاش نديره:hahaha:
حوالي عشره دقائق وبعدين اقعدي زدي بشويه عليه من عشره الي ربع الساعه
وكان ديري في تمارين اخره خلي اول شي عشره مرات وبعدين زيدي
والله توه رهو رجليك مش قادرتهم من الوجع

بنات توه سلامات ممكن بعدين معاش نقدر نخش تصبحوا علي خير

[ ]السلام عليكم ورحمة الله تعالى وبركاته
أم محمد ...الحمد لله على سلامتك وباهى اللى ربى فرحنا بيك واطمنا عليك وان شاء الله ما تشوفى شر وربى يجعلها أكبر المصايب ....ربى ما يحرمنا من طلتك:)
كيف حالكم كلكم فردا فردا ....أمواج ــ حياة حلوة ــ عيونى ــ ليبية 100 100 ــ اريام الحنين ــ مراااااام ــــ هناء 13 ــ ليبيا قلبى ــ غادة ــ ام تقى الدين ــ تقربصتى ــ مشيمشة ــ قود لايف
وتوا تصبحوا على الف خير .....سلامات