ஐஐ◄◄تــجــمــع اللي ولادتــهم قيصــريــة >> يرجى الانتقال إلى ملف جديد

ساروووووووووووونة المزيوووووووووووووووووووووونة

جيتكم وجبت الذيب من ذيله ..هههههههههه

ترا آية ماصبرت وسألت الدكتورة وما خوفتها الدكتورة قالت لها فقر دم وأنا نفس السؤال وقالت لي الأفضل تستشيري طبيب مخ وأعصاب !!!!!!!! مع اني كاتبة ( يارب الإجابة ماتخوف ) :hahaha:

واليكم نص السؤال و الإجابة



الرسالة الأصلية كتبت بواسطة فداء محمد »
دكتورة جزاك الله الجنة ...


1س- ماتفسير تخدر منطقة ( الفك ) في الوجه بعد القيصرية ؟؟ وتخدر مناطق أخرى حتى مع مرور وقت طويل هل بسبب البنج العام؟؟؟ ( يارب الجواب ما يخوف )


س2- وما أخطر البنج العام أم النصفي فقد كثر السؤال بيننا عن هذا السؤال بالذات ولم نجد إجابة شافية سأنسخ إجابتك وأنقلها لهم .. بإذن الله .. حفظك الله يادكتورة وجزاك خير الجزاء ..


السلام عليكم ورحمة الله وبركاتة
حبيبتى لاعلاقة بين تخدر الفك والبنج وممكن السبب نقص فى فيتامين ب والافضل ان تستشيرى طبيب مخ واعصاب للاطمئنان


اما اى بنج افضل فالبنج النصفى مضاعفاتة اقل ولكن كل سيدة يحدد الطبيب نوع البنج المناسب لها بعد الكشف عليها

حفظكن الله من كل سوء

:26: :26: :26: :26:

ماجوان لأن القيصري يحدد النسل وخطورة العملية زي خطورة اي عملية جراحية من ناحية البنج وغيره ....

وشق بالبطن ترا يستجلب الشفقة هيء هيء هيء هيء

وزمان أول العمليات كانت خطيرة وتطول ما تخف ويقيسون عليها ...

بس انا اطنشهم اذا قاموا يحزنوني لأني الله اعلم بمصلحتي مني ومنهم وما يقدر لأي مؤمن شر محض

دايم احط ببالي يمكن الطبيعي فيه هلاكي مين يدري ؟؟؟ وهو سبحانه الي اختارها لي مو أنا هذا

بالنسبة لي مدري عن البقية ياليتهم يعبرون عن رضاهم عشان نشجع بعض ..:26: :26:



smr
الحمدلله على سلامتك ومبروك ما جبتي .. :) :26:

حبيبتي ماجوان:
سمعي قصتي يمكن تفهمين ان ربي أحكم و أعلم بعباده...وان ساعات الاشياء اللي نبيها مو شرط هي الافضل لنا!
أنا عندي بنتين وولد الله يحفظهم

ولاداتي ببناتي طبيعي والولد قيصري...البنت الاولى زدت كثير بالحمل وكانت كبيرة بسم الله عليها وقالت لي الدكتورة على الاسبوع 38 نسويلج طلق صناعي نولدج قبل لا تكبر البنت أكثر..

والله اني ما شفت في حياتي عذاب كثر ذاك العذاب..الرحم يوم رحت كان فاتح 3 سنتي من غير شي..الدكتورة فتحت الكيس و شغلت الطلق و عينج ما تشوف الا النور..عذاب رهيب لمدة 10 ساعات ..شعر منفوش..صراخ ولا مخدر نافع..!!
و في الاخير شفطت البنت و شقتني شق ما أقدر أصل لنهايه خياطها...!!

في بنتي الثانية طلبت قيصري و رفضت الدكتورة! قالت سوي حمية غذائية عشان البيبي يصغر حجمه و تولدين أسهل!! و فعلا سويت حمية و جت البنت أصغر شوي بس مو وايد أصغر..و الولادة 8 ساعات عذاب لان الماي فتح علي قبل الطلق و اضطريت آخذ صناعي مرة ثانية!!!
عذاب بس كان أهون من الاولى بس طولت !! حتى الدكتورة تقول ما تدري ليش طولت جذي!

في ولدي كنت مصممة على القيصري! و لما رحت للدكتورة....هي عرضت القيصري علي!!؟؟ استغربت لكن قالت لي ان الطبيعي مع حالتي صعب جدا...حوضي زين لكن ما يتناسب مع حجم البيبيات اللي أولدهم ما شاء الله تبارك الله ولله الحمد !! و سويت تحليل سكر في كل مرة لانها كانت تقول يمكن سكر حمل!!

سويت قيصري و كانت ولله الحمد أسهل ولادة عندي..

شوفي يا اختي..أنا أدري انج تتسآلين لو طبيعي كان يمكن أفضل؟؟لكن فكري ان ربج رحيم ...أكيد رحمك هالمرة بالقيصري..

ان شاء الله المرة الجاية جربي الطبيعي و شوفي حظج بس لا تعترضين على قضاء الله و قدره

سلامي لج و ان شاء الله البيبي بأحسن حال

فداء:: مخ و أعصاب؟؟؟!!! لا حول ولا قوة الا بالله ...شهالتخرع؟؟
والله أقول ماكو الا العافية...

باقي البنات سلام

فداء محمد
الله يبارك فيك ومشكووووورة حبيبتي
والله يقولون أن العملية أهون من الطبيعي
لكن أشوف ماشاء الله الوحدة اللي تولد طبيعي
ماشاء الله أسبوع والحمدلله
لكن العملية شهر وتحسن بوخز عند الجرح الله يعين
وتكون حذرة في الحركة وماتقدر تقوم بشغل البيت
من شيل وحط

هاااااااااااااااي بنوتات وامهات شخباركم
بنات بقيت اسألكم ولدي عمره10 ايام ومسكين كله يصيح آحس من بطنه
بس بقيت آعرف شنو تعطون عيالكم عشان هالسوالف