شاركي في النقاش

سجلي الدخول لإضافة تعليق.

التعليقات

1,859

  1. @g_libya

    السلام عليكم

    كيف حالكم يا بنات

    عيوني
    كيف حالك توا ان شاء الله تحسنتي

    انا اخباري تمام والحمد لله
    وخطيبي حتى هو تمام امبارح ساهر عندنا هو وأمه


    تقربصتي
    كيف حالك
    وديري رياضة كيف ماقالت لك حياة بالتدريج مش اتديري هلبه من اول مرة


    عموما سلامي للجميع

  2. @am_mody_omymy

    aionisahara
    بنات ليبيا الحلوات من فيكم نازلة لليبيا هاذي السنة بس بنشوف , يعني للفضول فقط و ليس لسبب اخر
    كيف حالك انتي وشني اخبار عويلتك واخبار ريجيمي ماشية تمام حثي راجلي عاجبه التغيير شوره كان كمدها وطلعت
    واني اول وحدة ان شاء الله مروحة هكي الباين
    وراجعة للعظمي في نص اربعة والله امي وخواتي من الفرحة لان مسمين الموعد الموت البطئ
    وكل البنات الحلوات الباهيات الحنينات علي بعضكم كييييييييييييييييييييف حالكككككككككككم

  3. @am_mody_omymy

    حياه حلوه
    كل عام وانتم بالف خير وجميع مسلمين بالف خير السلام عليكم كيف حالكم ان شاء الله بخير علي فكره حياه حلوه زعلنه منكم زعله كبيره:( طلبت منك كل وحده تعرفنه عليه مره تانيه وين مقيمه توه مكان اقمه في ليبيا وكم عنده صغار وشن دارسه ووكم عمره لما…
    حياة حلوة كله ولا زعلك ياحبيبتي وهاك جاءكم مايلي
    انا ام مودي وميمي اني متزوجة من راجل يجنن بعد قصة حب عنيفة في الجامعة حوالي سنتان
    وبعدين تخرجت من كلية اللغات لغة انكليزية وتزوجت راجلي
    وعشت معها وسافرت ودهورت لين اعيت
    وبعدها جبت مودي وعمره اربعة سنين ونص
    وجت قمر بوها ميمي وعمرها ثلاثة سنين
    واهو مستمرة الحياة
    واني عندي شقة في شارع عمر المختار
    وتوة اهو مبرطعة في كندا وعلي قولت راجلي انتي قعدة في زردة
    واني من تجربتي الخاصة اؤيد بقوة العلاقة قبل الزواج اللي تكون محترمة لان فيه هلبة حاجات تساعد علي استمرار المشوار
    واتمني من الاخوات المعترضات الترفق في الرد؟
    ويارب ان شاء الله يجئ نصيب لكل بنية راجل يخاف ربه في بنات الناس
    شني رايكم اهو درتلكم موضوع بيش تهذرزو فيه

  4. @tkrbsty

    مشيمشة
    السلام عليكم ورحمة الله وبركاته الحمد لله توا بعد ما اطمنا علي ام محمد :) خل انسلم وانرد عليكم ياوخياتي وعليكم السلام اهلين يا غالية كيف حالكم او حال شيمو او عيوش او بارك الله فيك يا تقربصتي والله عارفاتك ما تقصري او بنت اصول , وا…

    وعليكم السلام
    اهلين يا غالية كيف حالكم او حال شيمو او عيوش
    او بارك الله فيك يا تقربصتي والله عارفاتك ما تقصري
    او بنت اصول , وان شاء الله العقبالك يا حبيبة , او لا باس علي شيمو
    ربي يحفظها ان شاء الله , ردي بالك عليها السموحة
    شكلكم اخديتوها بالعين , ما هو تقولي حلوة هلبة وتهبل :42:

    كيف حالك ياغاليه عليا وشني الوحم مديرمعك ربي يكون في عونك اني لم نحمل مش شهور الاول لي نتعب فيها ان يبد الوحم في شهر الرابع بس الحمد الله وحمي مش قويه عادي ترجيع حشاك وبس يعني مش منخشش نطيب ولا كبدي تدرها من حاجه الحمدالله بس نفسيتي لي تتاتر علي ابسط حاجه حتي زوجي يقول كلمها عادي اني ناخدها حاجه كبير ونعيط وندير الحبه قبها ههههههههههوبناتي الحمدالله يسلمو علي عليكوعلي بنتي من سمحها يغيب سمح وتحضر هي هههههههههه اني عندي غزالها ههههههه بس خواتي مش عاجبتهم يقلولي نمل شكلها ههههههههههههه هاد علش ندلعوا فيها ونقلولها سموحها وبوها يقولي توا نديرلها حسب في مصرف توا يجوا طبور ورها ههههههههههههه المهم ياربي يقدرني علي تربيتهم تربيها صالحه وشكله كلها من عندي ربي المهم صحيحين والحمدالله في ناس يطلبو فيهم طلب اللهم لك الحمد والشكر طولت عليك وانتي شني حال بنوتك وليداتك وحد قصقصه شني اسميهم ربي يحفطهم


    الحمد الله حالي ياعيوني وبناتي يبوسه فيكوانتي شني حالك وحال حمود وعموري وربي يعنيك علي هاديه
    ام مودي وميميبارك الله فيك علي نشدها عليا بنتي حصل خبطها طحت علي سرير وحصلت رعشها عليها بس تواالحمد الله ربي سترها وجتها سطحي بس وانتي شني حالك وربي يعنيك علي مروحها
    ليبيا قلبي كيف حالك ياغاليا والله ليكي وحشها ويعطيك سبع صحات علي البقلاوه كولي 5 كيلوات مش هلب وربي يسعدك


    هههههههههههههههههههههههههههه مهو زعميتني مش متعودها هههههههههههههههوالله ندير فيها كل يوم 10 دقايق بس امس درت روحي ناشطها وشريا سيدي ندير فيها في تلفزيون وندير معهم في تمارين بس جت علي راسي وان شاء الله نديرها مي سخونا بس معنديش حوض نعبي في حوض امتع صغاري كبير ونكعمز اني فيها هههههههههه حمامي كبير بدون بانيوا فيها شور بس وعلي سوائلكيحنها يمنها ههههههههههاني كونت نقرافي الجامعه سنه ثلاثه خدمه اجتماعيه جي زوجي زياره لي ليبيا اسبوعين وكان من نصيبي ولا نعرفها ولايعرفني هاد كلها عن طريق زوج بنت عمي صديق سلفي وجني في حوش وكعمزت اني وخوي وعجبني وصلايت الاستخار وكان من نصيبي وكان عمري21سنه لم توزجت
    وتزوجت بعد اسبوع ندكر في اليوم هاد ومعمري نانسها 29\4\2002ويحنها مكملتش قريتي مشيت معها علي طول اليوم تاني سافرنا لي بريطانيا وتغربت من تاني يوم عرسي وتعرفي حوشنا كلها لااليوم يحسوفيها زي الحلم وحتي اني نحس فيها زي الحلم والله لي يقول نصيب لم تبي تاخديها الحاجه تاخديها والله امي وبوي تاترو بعد متزوجت يخافوا يطلع زوجي مش كويس امي تعيط وبوي يعيط خواتي يقولولي والله بوك نادم انها عطك فيسع فيسع بس الحمد الله والله مرتحها معها نفسينا علي اخر وربي عوضني بامي وبوي في الغربها وفي شهر9 في نفس العام حملت بس مكملش الحمل ورميتها في تلاته شهور وفي شهر 10 عام 2003جت عيوشها ربي يحفطها في شهر 12 عام 2005 جت شيماء توا ليا 5 سنين متعربها بين بريطانيا وحاليا نيوزيلند ومستقبل الله اعلم وهادي قصتي ياحياه حلوه وربي يطيحك في وزوج صالحها ياربي

    كيف حالك انتي وعويلتك ياغاده واني الحمدالله حالنا اهو مكسدينوالله ندير فيها ليه شهر كامل كل يوم 10 دقايق بالكتيرربع ساعه بس امس فرحانا بسيدي كعمزت ساعه كامل ولا حتي اكتر وجت علي رقبتي ههههههههههه

    يبنات كيف حالكم فرد فرد مويجة ... ....سلفية .....هناء......اريام.....مهاد .... .. ..سهلولة1 ..ريحانة السنة.....بهراء.... o.... almsbahi ....de lyon ....... انا اعتزلت الغرام.....فاطمه ...الدرناويه....ذات الهمه ....قرين ساتر

  5. @de_lyon

    سلام عليكم

    اقدم لكم احر المعايدة والتهاني والعصيدة بمناسبة المولد

    ينعاد عليكم بالصحة والفرح والخير يارب

    كيف حالك ياام محمد ان شاء الله لاباس وربي ايهنيك وايفرحك في هاليوم المبارك





    تحية ليكم كلكم اسم اسم وربي يفرح قلوبكم


    سلام


    دو ليون

تابعي تجارب أخرى من هذا القسم.