مشكلتي مع زوجي

انا راح ابدا في الموضوع على طول


انا ساكنه مع اهل زوجي وماشوف زوجي ولا اخذ راحتي معه الابالليل طبعا هذا مايسبب لي اي مشكله
المشكله لما نطلع نتمشى لازم امه واخواته يكونون معنا حتى لو المشوار بسيط يعني الحمد لله زوجي ماهو مقصر معي دائم يسافربي بس لازم اهله يكونون معنا
لاتقولون عني اني انانيه واني ابيه لي وحدي لا كيفه يوديهم بس مودايم لاني بصراحه ابي اخذ راحتي مع زوجي
وفي نفس الوقت امه تزعل لما نروح ولا ناخذها معنا حتى لو للسوق
انا بصراحه مااقدر اقوله ماابي امك واخواتك اخاف يزعل ويظن اني مابغى اهله

بنات تكفون عطوني طريقه اقوله فيها اني ابغى اسافر معه لوحدي من غير مايكونون اهله معنا

10 تعليق 1,678 مشاهدة

شاركي في النقاش

سجلي الدخول لإضافة تعليق.

التعليقات

10
  1. @am_anooonh

    انتي حاولي تفهمينه الي بخاطرك بطريقه حلوه وقوليله مره نطلع انا وياك والمره الثانيه مع اهلك علشان ودي اخذ راحتي معك لو مره ان شاء الله يفهمك




    ان شاء الله اكون افدتك بشي
  2. @msrkaa_hanm

    منتي انانيه بالعكس انتي طبيعيه جدا , وليه يزعل ؟؟ انت لما تتكلمين معه اختاري وقت مناسب وتنقي كلماتك واذا كان يشوفك مره مرتاحه مع اهله استشهدي بهالشي وقولي : انا احب اهلك واحب الجلوس معهم بس ايضا باغى يكون لي لو استقلاليه بسيطه في حياتي علشان ما اكره العيشه معاك او معهم
  3. الله يعينك جربي وان شاءالله راح يكون متفهم بس اختاري الكلام والوقت والحاله النفسيه حقته
    وبيني وبينك المفروض هم مايسوون كذا مهما كان يروحون معكم مافيها حاجه بس مو دايم ومو كل مكان مثلا السوق في اشياء ماله داعي احد يشوفها خاصه بكم انتم وبس هذا ابسط حاجه تقدري تقوليها له وبتوفيق يارب
  4. @dory

    أقنعيه تصير إجازة الصيف معهم

    وسفرة قصيرة لكم لحالكم أيام الدراسة ... عشان ما تحرجينه ...
  5. قوليله بأسلوب زين عازمتك هالأسبوع في المطعم الفلاني وأبغى أكون أنا وياك
    أوإذا جا ذكرى السنه الأولى من زواجكم قولي خلينلا نطلع أنا وياك
    أو إستغلي فرصه إذا كانوا أهله طالعين إطلعي أنت وياه ودلعيه وخليه ينبصط معك
    بس مع هذا كله لاتنسي أهله مثلا قولي له الأسبوع الجاي خنطلع مع أهلك
    يعني مره كذا ومره كذا لإنك لوقلتيله على طول ماأبغاهم معنا راح يزعل
    أتمنى أني حليت مشكلتك@

تابعي تجارب أخرى من هذا القسم.